Bæn dagsins

Ef einhver segir: ,,Ég elska Guð," en hatar trúsystkin sín er sá lygari. því að sá sem elskar Guð á einnig að elska bróður sinn og systur.

Úr 1 Jóhannesarbréfi 4:20

Það er aðeins einn Guð og hann er Guð allra... Þess vegna er það mikilvægt að allir eru jafnmikilvægir fyrir Guði. Ég hef alltaf sagt að við ættum að hjálpa hindúa að verða betri hindúi, múslima að verða betri múslimi, kristnum manni að verða betri kristinn maður.

            (Móðir Teresa)

Bæn dagsins

Þótt ég deildi út öllum eigum mínum og þótt ég framseldi líkama minn til þess að verða brenndur en hefði ekki kærleika, væri ég engu bættari. AMEN.

1. korintubréf 13:3 

 

Bæn dagsins

Íklæðist því eins og Guð útvalin, heilög og elskuð börn hjartagróinni, meðaumkun, góðvild, auðmýkt, hógværi og langlyndi. Umberið hvert annað og fyrirgefið hvert örðu ef einhver hefur sök á hendur öðrum. Eins og Drottinn hefur fyrirgefið ykkur, svo skuluð þið og gera. AMEN.

Kólossubréfið 3:12-13.

Ertu reiður einhverri manneskju? Bið fyrir henni. Það er hinn kristni kærleikur.

Bæn dagsins

og vonin bregst okkur ekki. því að kærleikur Guðs hefur streymt inn í hjörtu okkar með heilögum anda okkar er gefinn. AMEN.

Rómverjabréfið 5.5

Bæn dagsins

Elskið óvini yðar og gerið gott... Verið miskunnsöm eins og faðir yðar er miskunnsamur. AMEN

Lúkasarguðspjall 6:35-38

Við vitum ekki hvað bærist innra með fólki. Guð, hjálpaðu okkur að dæma ekki, heldur sýna þolinmæði og hlusta.

Bæn dagsins

Elskum ekki með tómum orðum heldur í verki og sannleika. AMEN. 1.Jóhannesarbréf 3:18

Kærleikur er ekki veikleiki, hann er styrkur. Kærleikur er ferðalag en ekki áfangastaður. Kærleikur er fegurð sálarinnar.

Bæn dagsins

Þið elskuðu, elskum hvert anað því að kærleikurinn er frá Guði kominn. AMEN.

Jóhannesarbréf 4:7

Hjálpaðu okkur, Guð, að elska aðra eins og þau eru, ekki eins og við viljum að þau séu.. Þannig elskar þú

Hann er upp risinn Lúk 24:1-12

En í afturelding fyrsta dag vikunnar komu þær til grafarinnar með ilmsmyrslin sem þær höfðu búið. Þær sáu þá steininum hafði verið velt frá gröfinni og þegar þær stigu inn fundu þær ekki líkama Drottins Jesú. Þær skildu ekkert í þessu en þá brá svo við að hjá þeim stóðu tveir menn í leiftrandi klæðum. Þær urðu mjög hræddar og hneigðu andlit til jarðar. En þeir sögðu við þær: ,,Hví leitið þér hins lifanda meðal dauðra? Hann er ekki hér, hann er upp risinn.  Minnist þess hvernig hann talaði við yður meðan hann var enn í Galíleu. Hann sagði að Mannssonurinn skyldi framseldur verða í hendur syndugra manna og krossfestur en rísa upp á þriðja degi."  Og þær minntust orða hans, sneru frá gröfinni og kunngjörðu allt þetta þeim ellefu og öllum hinum. Þessar konur voru þær María Magdalena, Jóhanna og María móðir Jakobs og hinar sem voru með þeim.Þær sögðu postulunum frá þessu. En þeir töldu orð þeirra markleysu eina og trúðu þeim ekki. Pétur stóð þó upp og hljóp til grafarinnar, skyggndist inn og sá þar líkklæðin ein. Fór hann heim síðan og undraðist það sem við hafði borið.AMEN.

Bæn dagsins

Vingjarnlegt augnaráð gleður hjartað, góð frétt eykur holdi á bein. AMEN.

Orðskviðirnir 15:30

Guð, leyfðu mér að vera boðberi gleðinnar og kærleikans á þessum degi.

Sálmarnir:31:2-7

Hjá þér, Drottinn, leita ég hælis, lát mig aldrei verða til skammar. Bjarga mér í réttlæti þínu. Hneig eyra þitt að mér, kom skjótt mér til hjálpar. Ver mér verndarbjarg, vígi mér til hjálpar, því að þú ert bjarg mitt og vígi og sakir nafns þíns munt þú leiða mig og stjórna mér. Leystu mig úr netinu sem lagt var fyrir mig því að þú ert vörn mín. Í þínar hendur fel ég anda minn, þú frelsar mig, Drottinn, þú trúfasti Guð. Ég hata þá sem dýrka fánýt skurðgoð en treysti Drottni. AMEN.