Bæn dagsins...

Gangi ég í gegnum þrengingar lætur þú mig lífi halda, þá réttir þú fram hönd þína gegn reiði óvina minna og hægri hönd þín bjargar mér.

Drottinn mun fullna verk sitt fyrir mig.

Drottinn,miskunn þín varir að eilífu. Yfirgef eigi verk handa þinna.Amen.

Sálm.138:7-8


Bæn dagsins...

Fallið fram fyrir heilagri hátign Drottins, öll jörðin skjálfi frammi fyrir honum.

Boðið meðal þjóðanna: Drottinn er konungur.

Jörðin er á traustum grunni, hún bifast ekki.

Hann dæmi þjóðirnar með réttvísi. Amen.

Sálm:96:9-10


Bæn dagsins...Halleljúa.

Lofið Drottin, allar þjóðir, vegsamið hann, allir lýðir, því að miskunn hans er voldug yfir oss og trúfesti Drottins varir að eilífu.

Hallelúja.   Amen.

Sálm:117:1-2

Ég þakka þér að þú bænheyrðir mig og komst mér til hjálpar.

Steinninn, sem smiðirnir höfnuðu, er orðin að hyrningarsteini.

Að tilhlutan Drottins er þetta orðið, það er dásamlegt í augum vorum.

Þetta er dagurinn sem *Drottinn gerði, fögnum og verum glaðir á honum.

Drottinn, hjálpa þú, Drottinn, gef þú gengi.

Blessaður sé sá sem kemur í nafni Drottins, frá húsi Drottins blessum vér yður. Amen.

Sálm:118:21-26


Bæn dagsins...

En ég hrópa til þín, Drottinn, bæn mín berst þér að morgni. Hví útskúfar þú mér,Drottinn, og hylur auglit þitt fyrir mér? 

Ég var beygður og í dauðans greipum allt frá æsku, áþján þín hvílir á mér, ég er örmagna orðinn.

Glóandi heift þín á gengur yfir mig, ógnir þínar gera út af við mig, þær umlykja mig eins og vötn allan liðlangan daginn, þrengja að mér úr öllum áttum.

Þú hefur gert vini mína og vandamenn fráhverfa mér, myrkrið er minn nánasti vinur, Amen.

Sálm:88:14-19

Sálm.89 Etansmaskíl Esraíta.

Um náðarverk Drottins vil ég syngja að eilífu og kunngjöra trúfesti þína með munni mínum frá kyni til kyns.

Því að ég segi: Náð þín er traust að eilífu, trúfesti þín grundvölluð á himni.

Ég gerði sáttmála við minn útvalda, vann Davíð þjóni mínum eið: Ég mun festa ætt þína í sessi að eilífu og hásæti þitt reisi ég frá kyni til kyns. amen.

Sálm:89:2-5


Bæn dagsins...þakkarfórnarsálmur.

Öll veröldin fagni fyrir Drottni.

Þjónið Drottni með gleði, komið fyrir auglit hans með fagnaðarsöng.

Játið að Drottinn er Guð, hann hefur  skapað oss og hans erum vér, lýður hans og gæsluhjörð.

Gangið inn um hlið hans með þakkargjörð, í forgarða  hans með lofsöng.

Lofið hann, tignið nafn hans, því að Drottinn er góður, miskunn hans vari að eilífu og trúfesti hans frá kyni til kyns.Amen.

Sálm:100:1-5

 


Bæn dagsins...Eftir Davíð

Þegar ég hrópaði bænheyrðir þú mig, þú veittir mér hugrekki og jókst mér kraft.

Allir konungar jarðar skulu lofa þig, Drottinn, er þeir heyra orðin af munni þínum.

Þeir skulu syngja um vegu Drottins því að mikil er dýrð Drottins.

Drottinn er hár en lítur þó til hins lága, þekkir hinn drambláta í fjarska.Amen.

sálm:138:3-6


Bæn dagsins...Biðjið leitið

Biðjið og yður mun gefast, leitið og þér munuð finna, knýið á og fyrir yður mun upp lokið verða.

Því að hver sá öðlast sem biður, sá finnur sem leitar, og fyrir þeim sem á knýr mun upp lokið verða. Amen.

Matt:7:7-8


Bæn dagsins...Dæmið ekki

Dæmið ekki svo að þér verðið ekki dæmd.

því að með þeim dómi, sem þér dæmið, munuð þér dæmd verða  og með þeim mæli, sem þér mælið, mun yður mælt verða. Amen.

matt:7:1-2

 


Bæn dagsins...Til annarra borga

Þegar dagur rann gekk Jesús burt á óbyggðan stað en fólkið leitaði hans og fann hann. Það vildi aftra því að hann færi frá því.

EnJes´æus sagði við það: ,,Mér ber og að flytja hinum borgunum fagnaðarerindið um Guðs ríki því að til þess var ég sendur."

Og hann prédikaði í samkundunum Júdeu.Amen.

Lúk:4:42-44


Bæn dagsins... Í Nasaret

En Jesús sneri aftur Til Galíleu fylltur krafti andans og fóru fregnir af honum um allt nágrennið.

Hann kenndi í samkundum þeirra og lofuðu hann allir.

Jesús kom til Nasaret, þar sem hann var alinn upp, og fór að vanda sínum á hvíldardegi í samkunduna og stóð upp til að lesa.

Var honum fengin bók Jesaja spámanns.

Hann lauk upp bókinni og fann staðinn þar sem ritað er:

Andi Drottins er yfir mér af því að hann hefur smurt mig.

Hann hefur sent mig til að flytja fátækum gleðilegan boðskap, boða bandingjum lausn og blindum sýn, láta þjáða lausa og kunngjöra náðarár Drottins. Amen.

Lúk:4:14-19

 


Bæn dagsins...

Dýrð sé Guði í upphæðum og friður á jörðu og velþóknun Guðs yfir mönnum. Amen.

Lúk:2:14

Drottin, Guð þinn, skalt þú tilbiðja og þjóna honum einum."

þá fór djöfullinn með hann til Jerúsalem, setti hann á brún musterisins og sagði við hann: ,,Ef þú ert sonur Guðs þá kasta þér hér ofan því að ritað er:

Hann mun fela englum sínum að gæta þín og:

Þeir munu bera þig á höndum sér, að þú steytir ekki fót þinn við stein."

Jesús svaraði honum: ,,Sagt hefur verið: Þú skalt ekki freista Drottins, Guðs þíns."

Þegar djöfullinn hafði gefist upp við að fella hann vék hann frá honum að sinni.Amen

Lúk:4:8-13


bæn dagsins...Hinstu ráðleggingar Tóbíts

Þegar svo móðir Tóbíasar dó þá greftraði hann hana við hlið föður hans.

Hann og kona hans fóru síðan til Medíu.

Settist hann að í Ekbatana hjá Ragúel tengdaföður sínum.

Hann annaðist um aldraða tengdaforeldra sína, auðsýndi þeim virðingu og lagði þau til grafar í Ekbatana Medíu.

Hann erfði bæði eignir Ragúels og Tóbíts föður síns.

Hann lést eitt hundrað og sautján ára að aldri og naut mikillar virðingar.

Áður en hann dó frétti hann af eyðingu Níníve, sá stríðsfangana, sem Kyaxares konungur Meda hafði hertekið þar, vera leidda til Medíu og lofaði Guð fyrir allt sem hann hafði látið henda Nínívemenn og Assýringa.

Hann fékk að fagna yfir Níníve áður en hann lést og hann  lofaði Guð um aldir alda. Amen


Bæn dagsins...Hinstu ráðleggingar Tóbíts

Sakir gjafmildi sinnar slapp hann úr dauðagildrunni sem Nadab hafði lagt fyrir hann en Nadab sjálfur fékk í dauðagildruna og fórst. 

Sjáið af þessu, börnin mín, til hvers góðverk leiða og til hvers ranglætið.

Það leiðir til dauða.

En nú á ég skammt eftir."

Þau lögðu hann niður í rúmið og hann gaf upp öndina og hlaut veglega útför. Amen

Tóbítsbók::14:10-11


Bæn dagsins...Hinstu ráðleggingar Tóbíts

Þú drengur minn, þú skalt fara frá Níníve.

Hér skalt þú ekki dveljast.

Þegar að því kemur að þú greftrir móður þína mér við hlið, þá máttu ekki dvelja næturlangt í      borgarlandinu. Ég sé að ranglæti veður  uppi í borginni og menn blygðast sín ekkert fyrir sviksemi.

Mundu, sonur minn, hvað Nadab gerði Akíkar fóstra sínum.

Neyddi Nadab hann ekki til að fara lifandi ofan í jörðina?

En Guð hegndi fyrir þá óhæfu með viðeigandi hætti.

Akíkar kom út í ljósið en Nadab gekk inn í eilíft myrkur vegna þess að hann reyndi að deyða Akíkar. Amen

Tóbítsbók:14:10    


Bæn dagsins...Hinstu ráðleggingar Tóbíts

En nú, börnin mín, legg ég ykkur þetta á hjarta: þjónið Guði heils hugar og gerið það sem þóknanlegt er í augum hans.

Börn ykkar skulu alin upp og öguð til réttlætis og miskunnarverka og þess að minnast Guðs og lofa nafn hans stöðugt í sannleika og af öllum mætti. Amen.

Tóbítsbók:14:9


Bæn dagsins...Hinstu ráðleggingar Tóbíts

Þær munu yfirgefa skurðgoð sín öll, sem með blekkingu sinni leiddu þær afvega, og þær munu lofa Guð eilífðarinnar með réttlæti.

Allir synir Ísraels, sem frelsaðir verða á þeim dögum, munu minnast Guðs heils hugar, sameinast og koma til Jerúsalem.

eir munu búa um aldur við öryggi í landi Abrahams sem verður afhent þeim.

Þeir sem í sannleika elska Guð munu gleðjast en þeir sem lifa í synd og ranglæti munu afmáðir AF JÖRÐU.Amen.

Tóbítsbók:14:6-8


Bæn dagsins..Hinstu ráðleggingar Tóbíts:

Allar þjóðir gervallrar jarðar munu snúa s´æer að nýju til Guðsog óttast hann í sannleika. Amen.

Tóbítsbók:14:6


Bæn dagsins...Hinstu ráðleggingar Tóbíts

Það mun allt koma fram á tilsettum tíma.

Það verður öruggara að búa í Medíu en í Assýríu eða Babýlon.

Því að ég veit og treysti að allt sem Guð hefur talað muni koma fram og verða án þess að nokkurt orða hans bregðist.

Öllum bræðrum okkar, sem búa í Ísrael, mun dreift og þeir munu herleiddir burt úr landinu góða.

Gervallt Ísraelsland munlagt í auðn, Samaría og Jerúsalem munu eyddar og hús Guðs mun brennt og verða í eyði um tíma.

En Guð mun miskunna þeim að nýju og hann mun láta þá snúa aftur til lands Ísraels.

Þeir munu endurreisa hús hans þótt það verði ekki eins og hið fyrra og það mun standa þar til fylling tímans verður.

Þá munu allir hinir herleiddu snúa aftur og endurreisa Jerúsalem veglega.

Hús Guðs mun einnig endurreist í samræmi við orð spámanna Ísraels um borgina. Amen.

Tóbítsbók:14:4-5

 


Bæn dagsins...Hinstu ráðleggingar Tóbíts.

Þannig lauk Tóbít lofsöng sínum.

Tóbít hlaut hægt andlát þegar hann var hundrað og tólf ára og var grafinn með viðhöfn í Níníve en hafði verið sextíu og tveggja ára þegar augu hans sködduðust.

Eftir að hann fékk sjónina aftur lifði hann góðu lífi og velgerðasömu.

Aldrei lét hann af að lofa Guð og vegsama mikilleik hans.

Er hann lá fyrir dauðanum kallaði hann á Tóbías son sinn og gaf honum þessi fyrirmæli: ,,Drengur minn.

Taktu með þér börn þín og farðu til Medíu.

Ég trúi orði Guðs um Níníve sem  Nahúm mælti.

Það mun allt koma fram og hrína ás Assýríu og Níníve.

Allt það sem spámenn Ísraels sendiboðar Guðs, sögðu mun koma fram, undantekningarlaust.Amen.

Tóbítsbók:14.1-4


Bæn dagsins..Lofgjörð Tóbíts þá bað Tóbít:

Lofa þú Drottin, sála mín, konunginn mikla.

Því að Jerúsalem mun endurreist sem hús Drottins um aldir alda.

Ég mun sæll ef nokkrir niðjar minna lifa og fá að líta dýrð þína og lofa konung himinsins.

Hlið Jerúsalem munu gerð úr safír og smaragði, allir múrar þínir af eðalsteinum.

Turnar Jerúsalem munu gerðir af gulli, varðturnarnir af skíragulli.

Stræti Jerúsalem munu lögð steinflögumyndum og eðalsteinum frá Ófír.

Frá hliðum Jerúsalem munu gleðisöngvar óma og frá hverju húsi mun hljóma: Hallelúja, lofaður sé Ísraels Guð! Hinir blessuðu munu lofa nafn Hins heilaga nú og að eilífu. Amen.

Tóbítsbók:13:15-18


Næsta síða »

Höfundur

Gunnlaugur Halldór Halldórsson
Gunnlaugur Halldór Halldórsson

Ég elska Jesús. gullidori@gmail.com

280 dagar til jóla

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 8
  • Sl. sólarhring: 19
  • Sl. viku: 166
  • Frá upphafi: 206822

Annað

  • Innlit í dag: 6
  • Innlit sl. viku: 95
  • Gestir í dag: 6
  • IP-tölur í dag: 6

Uppfært á 3 mín. fresti.
Skýringar

Bloggvinir

Innskráning

Ath. Vinsamlegast kveikið á Javascript til að hefja innskráningu.