Bæn dagsins...

Syndin er fíflslegt fyrirtæki og spottarinn er mönnum andstyggð. Látir þú hugfallast á degi neyðarinnar er máttur þinn lítill. Bjargaðu þeim sem leiddir eru til lífláts, þeim sem eru dæmdir til aftöku. Ef þú segir; ,,Vér vissum það ekki," mun þá ekki sá sem gaumgæfir hjörtun verða þess var og sá sem vaki yfir lífi þínu vita það? Hann mun gjalda hverjum eftir verkum hans. Gæddu þér á hunangi, sonur minn, því að það er gott og hunangsdroparnir eru sætir í munni. Vit að þetta er sál þinni speki. Finnir þú hana áttu þér framtíð og von þín mun ekki bregðast. Amen.

Orðs:24:9-14

Bæn dagsins...

Öfundaðu ekki vonda menn og láttu þig ekki langa til að vera með þeim því að hjarta þeirra hyggur á ofbeldi og varir þeirra ráðgera ógæfu. Af speki er hús reist og af skynsemi verður það staðfast, fyrir þekkingu fyllast herbergin alls konar dýrum og fögrum gripum. Vitur maður er betri en sterkur og fróður maður betri en aflmikill, holl ráð skalt þú hafa þegar þú heyr stríð og þar sem ráðgjöf er næg fer allt vel. Viskan er afglapanum ofviða, í borgarhliðinu lýkur hann ekki upp munni sínum. Þann sem leggur stund á að gera illt kalla menn varmenni. Amen.

Orðs:24:1-8

Bæn dagsins...

Faðir þinn og móðir gleðjist og fagni sú sem fæddi þig. Sonur minn, gefðu mér hjarta þitt og láttu augu þín gaumgæfa vegu mína. Skækja er djúp gröf og framandi kona þröngur pyttur. Hún liggur í leyni eins og ræningi og fjölgar hinum ótrúu meðal mannanna. Hver barmar sér? Hver veinar? Hver á í stælum? Hver kvartar? Hver fær sár að þarflausu? Hver rauð augu? Þeir sem sitja við vín fram á nætur, þeir sem koma saman til að bergja á vínblöndu. Horfðu ekki á vínið, hve rautt það er, hvernig það glóir í bikarnum og rennur ljúflega niður. Að síðustu bítur það sem höggormur og spýtir eitri sem naðra. amen.

Orðs:23:25-32

augu þín munu sjá kynlega hluti og munnur þinn mæla fáránleika. Þú verður eins og sá sem leggur í úthafinu miðju, eins og sá er leggur efst uppi á siglutré. ,,þeir slógu mig, ég kenndi ekki til, þeir börðu mig, ég varð þess ekki var. Þegar ég vakna af víninu fæ ég mér meira. Amen.

Orðs:23:33-35

Bæn dagsins...

Hlustaðu á föður þinn sem gat þig og fyrirlíttu ekki móður þína þegar hún verður gömul. Kauptu sannleika ,og seldu hann ekki, visku,fræðslu og skilning. Faðir réttláts manns fagnar og sá sem gat vitran son gleðst yfir honum. Amen.

Orðs:23:22-24

Bæn Dagsins...

Öfundaðu ekki syndara í hjarta þínu en guðhrædda menn ævinlega. Þá áttu þér framtíð og von þín mun aldrei bregðast. Hlustaðu, sonur minn, vertu vitur og beindu hjarta þínu á rétta leið. Vertu ekki með drykkjurútum eða þeim sem háma í sig kjöt því að drykkjumenn og mathákar verða snauðir og víman mun klæða þig í tötra. Amen.

Orðs:23:17-21

Bæn dagsins...

færðu ekki úr stað landamerki ekkjunnar og gakktu ekki inn á akra munaðarleysingjanna því að lausnari þeirra er máttugur, hann mun flytja mál þeirra gegn þér . Snúðu hjarta þínu að umvönduninni og eyrum þínum að orðum viskunnar. Sparaðu ekki aga við hinn unga, ekki deyr hann þótt þú sláir hann með vendi. Þú slærð hann með vendinum og frelsar líf hans frá helju. Sonur minn, verði hjarta þitt viturt, þá gleðst ég líka í hjarta mínu og nýru mín fagna þegar varir þínar mæla það sem rétt er. Amen.

Orðs:23:10-16

Bæn dagsins...

Þegar þú situr til borðs með valdhafa gættu þess þá vel hvern þú hefur fyrir framan þig og settu hníf við barka þér sértu gráðugur. Láttu þig ekki langa í kræsingar hans því að þær eru hverful fæða. Leitastu ekki við að verða ríkur, hafðu vit á að gera það ekki. Beinir þú augum þínum til auðsins er hann horfinn. Hann á sér vængi sem örn og hverfur til himins. Matastu ekki hjá nískum manni og láttu þig ekki langa í kræsingar hans. Hann er eins og maður sem telur eftir. ,,Et og drekk," segir hann við þig en hugur fylgir ekki máli. Bitanum, sem þú kyngdir, verður þú að spýta upp aftur og fagurgalanum hefur þú sólundað. Talaðu ekki fyrir eyrum heimskingjans því að hann fyrirlítur skynsemisorð þín. Amen. 

orðs:23:1-9

Með hverju getur ungur maður haldið vegi sínum hreinum? 

Með því að gefa gaum að orði þínu. 

Ég leita þín af öll hjarta, lát mig eigi villast frá boðum þínum. Amen.

Sálm:119:9-10

 

 

 

 

 

 

 

Bæn dagsins...Orð hinna vitru...

Hneig eyra þitt og hlusta á orð hinna vitru, veit fræðslu minni athygli. Gott er að þú geymir þau í brjósti þér, að þau verði sífellt á vörum þér. Til þess að traust þitt sé á Drottni fræði ég þig dag, já, þig. Hef ég ekki ritað þér þrjátíu sinnum heilræði og fræðslu, til þess að gera þér ljósan sannleika, sannleiksorð, svo að þú flytjir þeim áreiðanleg orð er senda þig? Rændu ekki fátæklinginn af því að hann er fátækur og níðstu ekki á lítilmagnanum í borgarhliðinu því að Drottinn mun flytja mál þeirra og ræna þá lífinu er þá ræna. Leggðu ekki lag þitt við reiðigjarnan mann og eigðu ekki samneyti við hinn skapbráða til þess að þú temjir þér ekki hegðun hans og leggir snörur fyrir líf þitt. Vertu ekki einn af þeim sem ganga til handsala, þeim sem ganga í ábyrgð fyrir skuldum. Þegar þú átt ekkert að greiða með, þá verður hvílan tekin undan þér. Færðu ekki úr stað hin forna landamerki sem forfeður þínir hafa sett. Sjáir þú mann vel færan í verki sínu mun hann veita konungum  þjónustu sína en ekki þjóna ótignum mönnum. Amen.

orðs:22:17-29

 

Bæn dagsins...

Rektu spottarann burt, þá hverfur deilan  og þá linnir þrætu og smán. Sá sem ástundar hreinleika hjartans vinnur hylli konungs með geðfelldum orðum vara sinna. Augu Drottins gæta viskunnar en orðum svikarans kollvarpar hann. Letinginn segir: ,,Ljón er úti fyrir, ég verð drepinn fari ég út." Djúp gröf er munnur framandi kvenna, sá sem verður fyrir reiði Drottins fellur í hana. Setjist heimskan að í hjarta sveinsins, þá mun vöndur agans reka hana þaðan. Amen.

Orðs:22:10-15

Að kúga fátækan sér til ávinnings er eins og að gefa ríkum manni: hvort tveggja verður til þess eins að gera mann snauðan. Amen. 

Orðs:22:16

Bæn dagsins...

Þyrnar og snörur  eru á vegi hinna fláráðu, sá sem annt er um líf sitt forðast þá. Fræð hinn unga um veginn sem hann á að halda og á gamals aldri mun hann ekki af honum víkja. Ríkur maður drottnar yfir fátækum og lánþeginn verður þræll lánardrottins síns. Sá sem sáir ranglæti uppsker ógæfu, sproti heiftar hans verður að engu. Hinn örláta munu menn blessa því að hann gefur hinum fátæka af brauði sínu. Amen.

Orðs:22:5-9

Bæn dagsins...

Gott mannorð er dýrmætara en mikill auður, vinsældir eru betri en silfur og gull. Ríkur og fátækur mætast en Drottinn skapaði báða. Vitur maður sér ógæfuna og felur sig en einfeldningarnir halda áfram og gjalda þess. Laun auðmýktar og ótti Drottins eru auður, sæmd og líf. Amen. 

Orðs:22:1-4

Bæn dagsins...

Sá sem er hrokafullur og dramblátur kallast spottari, hann lætur stýrast af skefjalausum hroka. Óskir letingjans verða honum að falli, hendur hans vilja ekki vinna, langanir fylla hug hans daglangt en hinn réttláti gefur og er ekki naumur. Sláturfórn hins rangláta er Drottni andstyggð, einkum sé hún færð af illum ásetningi. Falsvottur mun tortímast en sá sem hlustar grannt er vitnisbær. Illmennið setur upp þóttafullan svip en hinn vammlausi hyggur að háttum sínum. Engin viska, engin skynsemi, engin ráð eru til gegn Dottni. Hesturinn er búinn til orrustudagsins en sigurinn er í hendi Drottins. Amen.

Orðs:21:24-31

Bæn dagsins...

Gjöf á laun  sefar reiði og umbun í leyni ákafa bræði. Réttlátum manni er gleði að gera það sem rétt er en illvirkjum er það skelfing. Sá maður sem villist af vegi viskunnar mun brátt hvílast í samneyti framliðinna. Öreigi verður sá sem sólginn er í skemmtanir, sá sem sólginn er í vín og olíu verður ekki ríkur. Hinn rangláti er lausnargjald hins réttláta og svikarinn kemur í stað hinna vammlausu. Betra er að búa í eyðimörk en með þrasgjarnri og geðillri konu. Dýrmætur fjársjóður og olía er í heimkynnum hins vitra en heimskur maður sólundar því. Sá sem ástundar réttlæti og kærleika öðlast líf, velgengni og heiður. Vitur maður vann borg kappanna og reif niður vígið sem hún treysti á. Sá sem gætir munns síns og tungu forðar sjálfum sér frá nauðum. Amen.

Orðs:21:14-23

Bæn dagsins...

Sé spottaranum refsað verður hinn fávísi hygginn og sé vitur maður fræddur vex hann að viti. Hinn réttláti fylgist með húsi hins rangláta og steypir óguðlegum í ógæfu. Sá sem daufheyrist við kveini hins fátæka mun sjálfur kalla og ekki fá bænheyrslu. Amen.

Orðs:21:11-13

Bæn dagsins...

Áform hins iðjusama færa arð en hroðvirkni endar í örbirgð. Fjársjóðir, fengnir með lygum, eru sem svipull vindblær og snörur dauðans. Ráðríki ranglátra feykir þeim burt því að þeir hafna réttlátri breytni. Hlykkjótt er leið hins seka en verk hins hreina eru vammlaus.Betri er dvöl í horni á húsþaki en sambúð við þrasgjarna konu. Hinn rangláti girnist illt, náungi hans finnur enga miskunn hjá honum. Amen.

Orðs:21:5-10

Bæn dagsins...

Hjarta konungsins er sem lækir í hendi Drottins, hann sveigir þá hvert sem honum þóknast. Maðurinn telur alla hætti sína rétta en Drottinn vegur hjörtun. Að ástunda réttlæti og rétt er Drottni þóknanlegra en sláturfórn. Drembilát augu og hrokafullt hjarta, lampi ranglátra er syndin. amen.

Orðs:21:1-4

Bæn dagsins...

Tvenns konar lóð eru Drottni andstyggð og fölsuð vog er ekki góð. Skref mannsins eru ákveðin af Drottni. Hvernig fær þá maðurinn skilið veg sinn? Það er gildra að gefa helgigjöf í flýti og hyggja fyrst að eftir að heit eru unnin. Vitur konungur vinsar hina ranglátu úr og lætur síðan þreskihjólið ganga yfir þá. Andi mannsins er lampi Drottins og rannsakar hvern afkima hjarta hans. Mildi og sannleikur vernda konunginn og hann styrkir hásæti sitt með réttlæti. Þrek er ungs manns þokki en hærurnar prýði öldunganna. Sár undan svipu hreinsa burt hið illa og högg sem taka djúpt í hold. Amen. 

Orðs:20:23-30

Bæn dagsins...

Vesæll er sá sem ljóstrar upp leyndarmálum, hafðu ekki samneyti við málugan mann. Formæli maður föður og móður mun lampi hans slokkna í náttmyrkrinu. Eignir, sem í upphafi voru skjótfengnar, blessast ekki að lokum. Segðu ekki: ,,Ég hefni hins illa." Treystu á Drottin og hann mun bjarga þér. Amen.

Orðs:20:19-22

Bæn dagsins...

Gnægð er af gulli og perlum en dýrmætastar eru þó vitar varir. Taktu skikkjuna af þeim sem hefur gengið í ábyrgð fyrir ókunnugan, taktu við af þeim sem hefur gengið í ábyrgð fyrir framandi. Sætt er svikabrauðið en eftir á fyllist munnurinn möl. Vel ráðin áform fá framgang, þiggðu hollráð ef þú heyr stríð. Amen.

Orðs:20:15-18

Bæn dagsins...

Jafnvel má þekkja af verkum barnsins hvort athafnir þess eru hreinar og einlægar. Eyrað sem heyrir og augað sem sér, hvort tveggja hefur Drottinn skapað. Elskaðu ekki svefninn svo að þú verðir ekki snauður, opnaðu augun, þá  muntu mettast af brauði. ,,Afleitt, afleitt," segir kaupandinn en þegar hann gengur burt hælist hann um. Amen.

Orðs:20:11-14