Bæn dagsins...

Þakkið Drottni því að hann er góður, því að miskunn hans varir að eilífu.

Hver getur sagt frá máttarverkum Drottins, kunngjört allan lofstír hans? Sælir eru þeir sem gæta réttarins, sem iðka réttlæti alla tíma. Minnstu mín, Drottinn, er þú miskunnar lýð þínum, vitja mín með hjálpræði þínu. Lát mig sjá heill þinna útvöldu, gleðjast með þjóð þinni og fagna með eignarlýð þínum. Amen.

Sálm 106:1-5

Bæn dagsins...

Hann klauf klett og vatn vall fram, rann sem fljót um skrælnað land. Það sem hann minntist síns heilaga heits við Abraham þjón sinn leiddi hann lýð sinn með gleði, sína útvöldu með fögnuði. Hann gaf þeim lönd annarra þjóða, þeir eignuðust ávöxt af erfiði þjóðanna svo að þeir héldu lög hans og varðveittu boðorð hans. Hallelúja. Amen.

Sálm:105:41-45

 

Bæn dagsins...

Síðan leiddi hann þá út með silfri og gulli og enginn af ættbálkum hans hrasaði. Egyptar glöddust yfir brottför þeirra því að ótti var kominn yfir þá. Hann bræddi út ský sem hlíf og eld til að lýsa um nætur. Þeir báðu, þá sendi hann lynghænsn og mettaði þá með brauði af himni. Amen.

Sálm:105:37-40

Bæn dagsins...

Hann bauð og engisprettur komu, lirfur sem ekki varð tölu á komið, sem átu allar jurtir í landi þeirra, allan ávöxt á ökrum þeirra. Hann laust alla frumburði í landi þeirra til bana, frumgróða karlmennsku þeirra. Amen.

Sálm:105:34-36

Bæn dagsins...

Hann bauð og þá komu flugur, mývargur um allt land þeirra. Hann sendi hagl fyrir regn, logandi eld yfir land þeirra, sló niður vínvið þeirra og fíkjutré og braut niður trén í landi þeirra. Amen.

Sálm:105:31:33

Bæn dagsins...

Hann sendi sorta og myrkvaði landið en þeir þrjóskuðust gegn boðum hans. Hann breytti vötnum þeirra í blóð og drap fiska þeirra, land þeirra varð kvikt af froskum alla leið inn í herbergi konungs. Amen.

Sálm:105:28-30

Bæn dagsins...

Ísrael kom til Egyptalands, Jakob varð gestur í landi Kams. Drottinn jók stórum frjósemi lýðs síns, gerði hann fjölmennari en fjandmenn hans. Hann sneri hjarta Egypta til haturs á lýð sínum, til lævísi gegn þjónum sínum. Hann sendi Móse, þjón sinn, og Aron sem hann hafði valið sér. Þeir gerðu tákn hans í Egyptalandi og undur í landi Kams. Amen.

Sálm:105:23-27

Bæn dagsins...

Jósep var seldur þræll. þeir særðu fætur hans með fjötrum, settu háls hans í járn þar til orð hans rættust og orð Drottins sönnuðu mál hans. Konungur sendi boð og lét leysa hann, drottnari þjóðanna leysti fjötra hans, gerði hann herra húss síns og stjórnanda allra eigna sinna svo að hann gæti leiðbeint hirðmönnum að vild og kennt öldungum hans speki. Amen.

Sálm:105:18-22

Bæn dagsins...

Þegar hann kallaði hungur yfir landið, svipti þá öllum birgðum brauðs, sendi hann mann á undan þeim. Amen.

Sálm:105:16-17

Bæn dagsins...

Hann sagði: ,,Þér fæ ég Kanaansland, það skal vera erfðahlutur yðar," þegar þér voru fámennur hópur og bjuggu þar sem fáliðaðir útlendingar. Þeir reikuðu frá einni þjóð til annarrar, frá einu konungsríki til annars. Hann leið engum að kúga þá en hegndi konungum þeirra vegna. ,,Snertið eigi mína smurðu og gerið eigi spámönnum mínum mein." Amen.

Sálm:105:11-15

Bæn dagsins...

Hann er Drottinn, Guð  vor, um víða veröld gilda boð hans. Hann minnist að eilífu sáttmála sína, fyrirheitanna sem hann gaf þúsund kynslóðum, sáttmálans sem hann gerði við Abraham og eiðsins sem hann sór Ísak og setti sem lög fyrir Jakob, ævarandi sáttmála fyrir Ísrael. Amen.

Sálm:105:7-10

Bæn dagsins...

Leitið Drottins og máttar hans, leitið sífellt eftir augliti hans. Minnist dásemdarverkanna sem hann vann, tákna hans og dómanna sem hann kvað upp, þér niðjar Abrahams, þjóns hans, synir Jakobs sem hann útvaldi. Amen.

Sálm:105:4-6

Bæn dagsins...

Syngið honum lof, leikið fyrir hann, segið frá öllum máttarverkum hans. Hrósið yður af hans heilaga nafni, hjarta þeirra sem leita Drottins gleðjist. Amen.

Sálm:105:2-3

Bæn dagsins...

Þakkið Drottni, ákallið nafn hans, gerið máttarverk hans kunn meðal þjóðanna. Amen.

Sálm:105:1

Bæn dagsins...

Dýrð Drottins vari að eilífu, Drottinn gleðjist yfir verkum sínum, hann sem lítur til jarðar svo að hún nötrar, sem snertir við fjöllunum svo að úr þeim rýkur. ég vil ljóða um Drottin meðan lifi, lofsyngja Guði mínum meðan ég er til. Ó, að mál mitt mætti falla honum í geð. Ég gleðst yfir Drottni. Ó, að syndarar mættu hverfa af jörðinni og óguðlegir ekki vera til framar. Lofa þú Drottin, sála mín. Hallelúja. Amen.

Sálm:104:31-35

Bæn dagsins...

Öll vona þau á þig að þú gefir þeim fæðu þeirra á réttum tíma. Þú gefur þeim og þau tína, þú lýkur upp hendi þinni og þau mettast gæðum. Þú byrgir auglit þitt, þá skelfast þau, þú tekur aftur anda þeirra, þá andast þau og hverfa aftur til moldarinnar. Þú sendir út anda þinn, þá verða þau til og þú endurnýjar ásjónu jarðar. Amen.

Sálm:104:27-30

Bæn dagsins...

Þú sendir myrkrið, þá verður nótt og öll skógardýrin fara á stjá. Ljónin öskra eftir bráð og krefjast ætis af Guði. Þegar sólin rís draga þau sig í hlé og leggjast í bæli sín. Þá fer maðurinn út til starfa sinna og vinnur þar til kvöldar.Hversu mörg eru verk þín, Drottinn? þú vannst þau öll af speki. Jörðin er full af því sem þú hefur skapað. Það er hafið, mikið og vítt á alla vegu. Þar er óteljandi grúi, smá dýr og stór. Þar fara skipin um og Levjatan er þú hefur skapað til þess að leika sér þar. Amen.

Sálm:104:20-26

Bæn dagsins...

Í gnæfandi fjöllum búa steingeitur og klettarnir eru skjól stökkhéra. Þú gerðir tunglið, sem ákvarðar tíðirnar, og   sólina sem veit hvenær hún á að ganga til viðar. Amen.

Sálm:104:18-19

Bæn dagsins...

Þú lætur gras spretta handa fénaðinum og jurtir sem maðurinn ræktar svo að jörðin gefi af sér brauð og vín sem gleður mannsins hjarta, olíu sem lætur andlit hans ljóma og brauð sem veitir honum þrótt. Tré Drottins drekka nægju sína, sedrustré Líbanons sem hann gróðursetti. Þar gera fuglar sér hreiður og storkar eiga sér bústað í krónum þeirra. Amen.

Sálm:104:14-17

Bæn dagsins...

Við þær búa fuglar himinsins, kvaka milli laufgaðra greina. Þú vökvar fjöllin frá hásal þínum og af ávexti verka þinna mettast jörðin. Amen.

Sálm:104:12-13