matteus

Lýður þessi heiðrar mig með vörunum, en hjarta þeirra er langt frá mér. Til einskis dýrka þeir mig, er þeir kenna þá lærdóma, sem eru mannasetningar einar."

matt,15:8-9.mannakorn í dag 6,02,08

kvöldbænir

Láttu ljósið þitt.

Loga við rúmið mitt.

Hafðu það sess og sæti,

signaði Jesús mæti.

(ókunnur höfundur)

__________________

Legg ég nú bæði líf og önd,

ljúfi Jesús, í þína hönd,

síðast þegar ég sofna fer,

sitji Guðs englar yfir mér.

(Hallgrímur Pétursson)

sálmarnir

Því að þín vegna býður hann út englum sínum til þess að gæta þín á öllum vegum þínum. Þeir munu bera þig á höndum sér, til þess að þú steytir ekki fót þinn við steini.

sálm,91:11-12.mannakorn í dag 5,02,08.

bæn

Kristur minn, ég kalla á þig,

komdu að rúmi mínu.

Gakktu hér inn og geymdu mig,

Guð,í faðmi þínum.

            (ókunnur höfundur)

TRÚARJÁTNINGIN

Ég trúi á Guð föður, almáttugan skapara himins og jarðar.

Ég trúi á Jesú Krist, hans einkason, Drottin

vorn, sem getinn er af heilögum  anda, fæddur af

Maríu mey, píndur á dögum Pontíusar Pílatusar,

krossfestur, dáinn og grafinn, steig niður til heljar,

reis á þriðja degi aftur upp frá dauðum, steig upp

til himna, situr við hægri hönd Guðs föður

almáttugs, og mun þaðan koma, að dæma

lifendur og dauða.

Ég trúi á heilgan anda, heilaga almenna kirkju,

samfélag heilagra, fyrirgefningu syndanna,

upprisu mannsins og eilíft líf

                                              Amen

Með þessum orðum hafa kristnir menn játað

trú sína um aldir. Í trúarjátningunni eru aðalatriði

trúarinnar rakin í stuttu máli. Trúarjátningin minnir

mig á trúna, sem ég var skírður til.

orð í gleði

Drottinn blessi þig

Drottinn blessi þig og varðveiti þig!

Drottinn láti sína ásjónu lýsa yfir þig

og sé þér náðugur!

Drottinn upplyfti sínu augliti yfir þig

og gefi þér frið!

Í nafni Guðs, föður, sonar

og heilags anda. Amen.

orðskviðirnir

Um tvennt bið ég þig, synja mér þess eigi, áður en ég dey: Lát fals og lygaorð vera fjarri mér, gaf mér hvorki fátækt né auðæfi, en veit mér minn deildan verð. Ég kynni annars að verða of saddur og afneita og segja: ,,Hver er Drottinn?" eða ef ég yrði fátækur, kynni ég að stela og misbjóða nafni Guðs minn.

orðskv:7-9. mannakorn í dag. 4,02,08.

orð í gleði

Gjöf lífsins

Lífið er tækifæri,gríptu það.

Lífið er fegurð,dáðu hana.

Lífið er gjöf,njóttu hennar.

Lífið er draumur, láttu hann verða að veruleika.

Lífið er áskorun, taktu henni.

Lífið er skylda, gerðu hana.

Lífið er leikur, leiktu hann.

Lífið er dýrmætt, gættu þess.

Lífið er auðlegð, varðveittu hana.

Lífið er kærleikur, gef þig honum á vald.

Lífið er loforð, láttu það rætast.

Lífið er sorg, sigraðu hana.

Lífið er söngur, syngdu hann!

                           (móðir Teresa)

                          

orð í gleði

Hið fegursta

Fagurt er allt sem bindur himin og jörð,regnboginn,stjörnuskinið,þíðan, snjókornin. En fegurst þó er bros barnsins sem ekki hefur enn gleymt fegurð himinsins.

            (Zenta maurina)

sálmarnir

Hinir auðmjúku sjá það og glrðjast, þér sem leitið Guðs - hjörtu yðar lifni við. Því að Drottinn hlustar á hina fátæku og fyrirlítur eigi bandingja sína. Hann skulu lofa himinn og jörð, höfin og allt sem í þeim hrærist. Því að Guð veitir Síon hjálp og reisir við borgirnar í Júda, og menn skulu búa þar og fá landið til eignar.

sálm.69:33-36 mannakorn í dag 3,02,08.