Bæn dagsins...

Þar sem hann er mér trúr bjarga ég honum, ég vernda hann því að hann þekkir nafn mitt. Amen.

Sálm:91:14

Bæn dagsins...

Þitt hæli er Drottinn, þú hefur gert Hinn hæsta að athvarfi þínu. Engin ógæfa hendir þig og engin plága nálgast tjald þitt því að þín vegna býður hann út englum sínum til þess að gæta þín á öllum vegum þínum. Amen.

Sálm:91:9-11

Bæn dagsins...

Þótt þúsund falli þér við hlið og tíu þúsund þér til hægri handar þá nær það ekki til þín. Þú munt sjá með eigin augum, horfa á hvernig óguðlegum er endurgoldið. Amen.

Sálm:91:7-8

Bæn dagsins...

Hann frelsar þig úr snöru fuglarans, frá drepsótt eyðingarinnar, hann skýlir þér með fjöðrum sínum, undir vængjum hans mátt þú hælis leita, trúfesti hans er skjöldur og vígi. Eigi þarft þú að óttast ógnir næturinnar eða örina sem flýgur um daga, drepsóttina sem læðist um í dimmunni eða sýkina sem geisar um hádegið. Amen.

Sálm:91:3-6

Bæn dagsins...

Sá er situr í skjóli Hins hæsta og dvelst í skugga Hins almáttka segir við Drottin: ,,Hæli mitt og háborg, Guð minn, er ég trúi á." Amen.

Sálm:91:1-2

Bæn dagsins...

Fjórða Bók

Bæn guðsmannsins Móses.

Drottinn, þú  hefur verið oss athvarf frá kyni til kyns. áður en fjöllin fæddust og jörðin og heimurinn urðu til, frá eilífð til eilífðar ert þú, ó Guð. Þú lætur manninn hverfa aftur til duftsins og segir: ,,Hverfið aftur, þér mannanna börn." Því að þúsund ár eru í þínum augum sem dagurinn í gær, þegar hann er liðinn, já eins og næturvaka. Þú hrífur þau burt sem í svefni, þau er að morgni eru sem gróandi gras. Að morgni blómgast það og grær, að kvöldi fölnar það og visnar. Vér hverfum fyrir reiði þinni, skelfumst bræði þína. Þú hefur sett þér fyrir sjónir misgjörðir vorar og leyndar syndir fyrir ljós auglitis þíns. Allir dagar vorir hverfa fyrir reiði þinni, ár vor líða sem andvarp. Ævidagar vorir eru sjötíu ár og þegar best lætur áttatíu ár, og dýrasta hnossið er mæða  og hégómi, því að þeir líða í skyndi og vér fljúgum burt. Hver skilur mátt reiði þinnar, heift þína, svo að hann óttist þig? Kenn oss að telja daga vora, að vér megum öðlast viturt hjarta. Snú þú aftur, Drottinn. Hversu lengi? Sýn þjónum þínum miskunn. Metta oss að morgni með miskunn þinni, að vér megum fagna og gleðjast alla duga vora. Veit oss gleði í stað daga þeirra er þú lægðir oss, ára þeirra er vér máttum illt þola. Sýn þjónum þínum dáðir þínar og dýrð þína börnum þeirra. Gæska Drottins, Guðs vors, sé með oss, blessa þú verk handa vorra. Amen.

Sálm:90:1-17

Bæn dagsins...

Minnstu, Drottinn, háðungar þjóna þinna, á mér hvílir háð margra þjóða sem fjandmenn þínir smánuðu þig með, Drottinn, og vanvirtu fótspor þíns smurða. Lofaður sé Drottinn að eilífu. Amen. Amen.

Sálm:89:51-53

Bæn dagsins...

Hversu lengi, Drottinn, ætlar þú að dyljast, á reiði þín að loga sem eldur? Minnstu þess hve ævi mín er stutt og til hvílíks  þú hefur skapað mennina. Hver er sá er lifir og sér eigi dauðann, hver heimtir líf sitt úr greipum Heljar? Hvar eru fyrri náðarverk þín, Drottinn, sem þú sórst Davíð í trúfesti þinni? Amen. 

Sálm:89:47-50

Bæn dagsins

Þú hefur hafið hægri hönd óvina hans og glatt alla fjandmenn hans. Þú snerir sverðseggjum hans undan og studdir hann ekki í stríðinu. Þú eyddir vegsemd hans og steyptir hásæti hans til jarðar. Þú hefur stytt æskudaga hans og hulið hann smán. Amen.

Sálm:89:43-46

Bæn dagsins ...

En nú hefur þú hafnað þínum smurða, útskúfað honum í reiði þinni, þú hefur rift sáttmálanum við þjón þinn, vanhelgað kórónu hans og fleygt til jarðar. Þú braust niður alla varnarmúra hans og lagðir virki hans í rúst. Allir vegfarendur ræna hann og grannar hans hæða hann. Amen.

Sálm:89.39-42