Bæn dagsins

Dæmið ekki svo að þér verðið ekki dæmd. því að með þeim dómi, sem þér dæmið, munuð þér dæmd verða og með þeim mæli, sem þér mælið, mun yður mælt verða.AMEN.

Matt 7:1-2

Bæn dagsins

Ár mín og líkami. og líf mitt í andvörpum, mér förlast kraftur sakir sektar minnar og bein mín tærast. Ég verð öllum óvinum mínum að spotti, háðsefni grönnum mínum og kunningjar hræðast mig og þeir sem mæta mér á götu sneiða hjá mér. Ég er gleymdur sem látinn væri, orðinn eins og brotið ker. Ég heyri hvískur margra, ógn í öllum áttum. Þeir sitja á svikráðum við mig og ætla að svipta mig lífi. En ég treysti þér, Drottinn, og segi: ,,Þú ert Guð minn." Í þinni hendi ertu dagar mínir, frelsa mig úr greipum óvina minna og ofsækjenda. Lát ásjónu þína lýsa yfir þjón þinn, hjálpa mér sakir elsku þinnar.AMEN.

sálm 31:11-17 

Bæn dagsins

Miskunna mér, Drottinn, því að ég er í nauðum staddur, döpruð af harmi eru augu mín, sál mín og líkami.AMEN.

sálm 31:10

Bæn dagsins

Ég gleðst og fagna yfir trúfesti þinni því að þú sást neyð mína og gafst gætur að mér í þrengingum, lést mig ekki ganga í greipar óvinarins heldur beindir fótum mínum á víða velli.AMEN.

sálm 31:8-9

Bæn dagsins

Í þínar hendur fel ég anda minn, þú frelsar mig, Drottinn, þú trúfasti  Guð. Ég hata þá sem dýrka fánýt skurðgoð en treysti Drottni. AMEN.

sálm 31:6-7

Bæn dagsins

Hjá þér, Drottinn, leita ég hælis, lát mig aldrei verða til skammar. Bjarga mér í réttlæti þínu. Hneig eyra þitt að mér, kom skjótt mér til hjálpar. Ver mér verndarbjarg, vígi mér til hjálpar, því að þú ert bjarg mitt og vígi og sakir nafns þíns munt þú leiða mig og stjórna mér. Leystu mig úr netinu sem lagt var fyrir mig því að þú ert vörn mín. AMEN.

sálm 31:2-5

Bæn dagsins

þú breyttir gráti mínum í gleðidans, leystir af mér hærusekkinn og gyrtir mig fögnuði, því vil ég syngja þér lof og eigi þagna. 

Drottinn, Guð minn, ég vil þakka þér að eilífu. AMEN.

sálm 30:12-13

Bæn dagsins

Til þín, Drottinn, hrópaði ég og ákallaði Guð minn um miskunn: ,,Hvaða ávinningur er af dauða mínum, af því að ég gangi til grafar? Getur duftið lofað þig, kunngjört trúfesti þína? Heyr, Drottinn, ver mér náðugur, Drottinn, kom mér til hjálpar." AMEN.

sálm 30:9-11.

Bæn dagsins

Ég uggði ekki að mér og sagði: ,,Aldrei skriðnar mér fótur." Drottinn, af náð þinni gerðir þú fjall mitt að vígi en þegar þú huldir auglit þitt skelfdist ég. AMEN.

Sálm 30:7-8

Bæn dagsins

Andartak stendur reiði hans en alla ævi náð hans. Að kveldi gistir oss grátur en gleðisöngur að morgni. AMEN.

sálm 30:6

Bæn dagsins

Drottinn, Guð minn, ég hrópaði til þín og þú læknaði mig. Drottinn, þú heimtir sál mína úr helju, lést mig halda lífi þegar aðrir gengu til grafar. Syngið Drottni lof, þér hans trúuðu, vegsamið hans heilaga nafn. AMEN.

sálm 30:3-5

Bæn dagsins

Ég lofa þig, Drottinn, því að þú dróst mig upp úr djúpinu og lést óvini mína ekki hlakka yfir mér.AMEN.

sálm 30:2

Bæn dagsins

Raust Drottins brýtur sedrustré, Drottinn brýtur sundur sedrustrén á Líbanon. Hann lætur Líbanon hoppa eins og kálf, Sirjonfjall eins og villinaut.AMEN

sálm 29:5-6

Bæn dagsns

Raust Drottins hljómar yfir vötnunum, Guð dýrðarinnar lætur þrumur drynja, Drottinn ríkir yfir hinum miklu vötnum. Raust Drottins hljómar með krafti, raust Drottins hljómar með tign. AMEN.

sálm 29:3-4

Bæn dagsins

:Tjáið Drottni vegsemd, þér guðasynir, tjáið Drottni vegsemd og vald. Tjáið Drottni dýrð þá er nafni hans hæfir, fallið fram fyrir Drottin í helgum skrúða. AMEN.

Sálm 29:1-2

Bæn dagsins

Hjálpa lýð þínum og blessa eign þína. Ver hirðir þeirra og ber þá að eilífu. AMEN

sálm 28:9

Bæn dagsins

Ég hlaut hjálp, því fagnar hjarta mitt, og með ljóðum mínum lofa ég hann. Drottinn er styrkur lýð sínum, vígi til varnar sínum smurða.AMEN.

sálm 28:7-8

Bæn dagsins

Lofaður sé Drottinn því að hann hefur heyrt grátbeiðni mína. Drottinn er styrkur minn og skjöldur, honum treystir hjarta mitt.AMEN.

sálm 28:6-7

Bæn dagsins

Til þín, Drottinn, hrópa ég, þú bjarg mitt, ver eigi hljóður gagnvart mér. Ef þú þegir við mér verð ég sem þeir er til grafar eru gengnir. Heyr þú grátbeiðni mína þegar ég hrópa til þín á hjálp, þegar ég lyfti höndum til hins allra helgasta í musteri þínu. Sviptu mér ekki burt með óguðlegum og níðingum sem tala vinsamlega við náunga sinn en hafa illt í hyggju. Launa þeim eftir verkum þeirra, eftir þeirra illu breytni, launa þeim eftir verkum handa þeirra, lát þá kenna á eigin verkum. Þar sem þeir virða verk Drottins einskis eða handaverk hans mun hann rífa þá niður og aldrei reisa þá upp.AMEN.

sálm 28:1-5 

Til hamingju

Ofursel mig ekki græðgi hatursmanna minna, falsvitni rísa gegn mér og blása af heift. En ég treysti því að fá að sjá gæsku Drottins á landi lifenda. Já, vona á Drottin, ver öruggur og hugrakkur, vona á Drottin. AMEN.

sálm 27:12-14