Bæn dagsins

Ég leyndi eigi réttlæti þínu í hjarta mér, ég vitnaði um trúfesti þína og hjálp og  dró eigi dul á náð þína og tryggð í hinum mikla söfnuði.AMEN. 40:11

Bæn dagsins

Drottinn er minn hirðir, mig mun ekkert bresta. Á grænum grundum lætur hann mig hvílast, leiðir mig að vötnum þar sem ég má næðis njóta. Hann hressir sál mína, leiðir mig um rétta vegu fyrir sakir nafns síns. Þótt  ég fari um dimman dal óttast ég ekkert illt því að þú ert hjá mér, sproti þinn og stafur hugga mig. þú býrð mér borð frammi fyrir fjendum mínum, þú smyrð höfuð mitt með olíu, bikar minn er barmafullur. Gæfa og náð fylgja mér alla ævidaga mína og í húsi Drottins bý ég langa ævi.AMEN.

Sálm 23

Bæn dagsins

Þegar Jesús kom til Kapernaúm gekk til hans hundraðshöfðingi og bað hann: ,,Drottinn, sveinn minn liggur heima lami, mjög þungt haldinn." Jesús sagði: ,,Ég kem og lækna hann." Þá sagði hundraðshöfðinginn: ,, Drottinn, ég er ekki verður þess að þú gangir inn undir þak mitt. Mæl þú aðeins eitt orð og mun sveinn minn heill verða. Því að sjálfur er ég maður sem verð að lúta valdi og ræð yfir hermönnum og ég segi við einn: Far þú, og hann fer, og við annan: Kom þú, og hann kemur, og við þjón minn: Ger þetta, og hann gerir það." Þegar Jesús heyrði þetta undraðist hann og mælti við þau sem fylgdu honum: ,,Sannlega segi ég ykkur, þvílíka trú hef ég ekki fundið hjá neinum í Ísrael. En ég segi ykkur: Margir munu koma frá austri og vestri og sitja til borðs með Abraham, Ísak og Jakob í himnaríki en börn ríkisins munu út rekin í ystu myrkur. Þar verður grátur og gnístran tanna." Þá sagði Jesús við hundraðshöfðingjann: ,,Far þú verði þér sem þú trúir." Og sveinninn varð heill á þeirri stundu. AMEN. Matt 8:5-13. 

Bæn dagsins

Nú gekk Jesús niður af fjallinu og fylgdi honum mikill mannfjöldi. Þá kom til hans líkþrár maður, laut honum og sagði: ,,Drottinn, ef þú vilt getur þú hreinsað mig. Jes´ðus rétti út höndina, snart hann og mælti : ,,Ég vil, verð þú hreinn!" Jafnskjótt verð hann hreinn af líkþránni. Jesús sagði við hann: ,,Gæt þess að segja þetta engum en far þú, sýn þig prestinum og færðu þá fórn sem Móse bauð, þeim til vitnisburðar." AMEN.

Matt 8:1-4

Bæn dagsins

En hver sem heyrir þessi orð mín og breytir ekki eftir þeim, sá er líkur heimskum manni er byggði hús sitt á sandi. Steypiregn skall á, vatnið flæddi, stormar blésu og buldu á því húsi. Það féll og fall þess var mikið." Þegar Jesús hafði lokið þessari ræðu varð mannfjöldinn djúpt snortinn af orðum hans því að hann kenndi eins og sá er vald hefur og ekki eins og fræðimenn þeirra. AMEN.

7:26-29

Bæn dagsins

Ekki mun hver sá sem segir við við mig: Drottinn, Drottinn, ganga inn í himnaríki heldur sá einn er gerir vilja föður míns sem er á himnum. Margir munu segja við mig á þeim degi: Drottinn, Drottinn, höfum vér ekki í þínu nafni flutt orð Guðs, rekið út illa anda og gert mörg kraftaverk? Þá mun ég votta þetta: Aldrei þekkti ég yður. Farið frá mér, illgjörðamenn. Hver sem heyrir þessi orð mín og breytir eftir þeim, sá er líkur hyggnum manni er byggði hús sitt á bjargi. Nú skall á steypiregn, vatnið flæddi, stormar blésu og buldu á því húsi en það féll eigi því það var grundvallað á bjargi.AMEN. Matt 7:21-25   

Bæn dagsins

Varist falsspámenn. Þeir koma til yðar í sauðaklæðum en innra eru þeir gráðugir vargar. Af ávöxtum þeirra skuluð þér þekkja þá. Hvort lesa menn vínber af þyrnum eða fíkjur af þistlum? Þannig ber sérhvert gott tré góða ávöxtu en slæmt tré vonda. Gott tré getur ekki borið vonda ávöxtu, ekki heldur slæmt tré góða ávöxtu. Hvert það tré, sem ber ekki góðan ávöxt, verður upp höggvið og því í eld kastað. Af ávöxtum þeirra skuluð þér því þekkja þá. AMEN. Matt 7:15-20

bæn dagsins

Gangið inn um þrönga hliðið. Því að vítt er hliðið og vegurinn breiður sem leggur til glötunar og margir þeir sem þar fara inn. Hve þröngt er það hlið og mjór sá vegur er liggur til lífsins og fáir þeir sem finna hann.AMEN.

Matt 7:13-14

Bæn dagsins

Biðjið og yður mun gefast, leitið og þér munuð finna, knýið á og fyrir yður munuð finna, knýið á og fyrir yður mun upp lokið verða. Því að hver sá öðlast sem biður, sá finnur sem leitar, og fyrir þeim sem á knýr mun upp lokið verða. Eða hver er sá maður meðal yðar sem gefur barni sínu stein er það biður um brauð? Eða höggorm þegar það biður um fisk? Fyrst þér þér sem eruð vond hafið vit á að gefa börnum yðar góðar gjafir, hve miklu fremur mun þá faðir yðar á himnum gefa þeim góðar gjafir sem biðja hann? Allt sem þér viljið að aðrir menn geri yður, það skuluð þér og þeim gera. Því að þetta er lögmálið og spámennirnir. AMEN. Matt 7:7-12

Bæn dagsins

Dæmið ekki svo að þér verðið ekki dæmd. Því að með þeim dómi, sem þér dæmið,munuð þér dæmd verða og með þeim mæli, sem þér mælið, mun yður mælt verða. Hví sér þú flísina í auga bróður þíns en tekur ekki eftir bjálkanum í auga þínu? Eða hvernig fær þú sagt við bróður þinn: Lát mig draga flísina úr auga þér? Og þó er bjálki í auga þínu. Hræsnari, drag fyrst bjálkann úr auga þér og þá sérðu glöggt til að draga flísina úr auga bróður þíns. Gefið ekki hundum það sem heilagt er og kastið eigi perlum yðar fyrir svín. Þau mundu troða þær undir fótum og þeir snúa sér við og rífa yður í sig. AMEN.

matt 7:1-6

Bæn dagsins

Drottinn er konungur um aldur og ævi, heiðingjum er eytt úr landi hans. Þú hefur heyrt óskir volaðra, Drottinn þú eykur þeim þor og hneigir eyra þitt að þeim,lætur munaðarlausa og kúgaða ná rétti sinum. 

Enginn maður á jörðu beiti framar ofbeldi.AMEN.

Sálm 10:16-18

 

 

 

Bæn dagsins

Þú lengir lífdaga konungs, lát ár hans vara frá kyni til kyns. Hann skal um eilífð sitja í hásæti frammi fyrir Guði, lát miskunn og trúfesti varðveita hann. Þá vil ég syngja nafni þínu lof um aldur, efna heit mín alla daga. AMEN.

Sálm 61:7-9

Bæn dagsins

Sál mín er beygð, því vil ég minnast þín frá Jórdanar - og Hermolandi, frá litla fjallinu. Eitt djúpið kallar á annað þegar fossar þínir duna, allir boðar þínir og bylgjur ganga yfir mig. Um daga býður Drottinn út náð sinni og um nætur syng ég honum ljóð, bæn til Guðs lífs míns. Ég segi við Guð, bjarg mitt: ,,Hví hefur þú gleymt mér? Hví verð ég að ganga um harmandi, kúgaður af óvinum?"

Háð fjandmanna minna nístir mig í merg og bein þegar þeir segja allan daginn: ,,Hvar er Guð þinn?"

Hví ert þú buguð, sál mín, og ólgar í mér? Vona á Guð því að enn mun ég fá að lofa hann, hjálpræði auglitis míns og Guð minn. AMEN.

Sálm 42:7-12

Bæn dagsins

Óvinir mínir óska mér ills: ,,Hvenær skyldi hann deyja og nafn hans að engu verða?" Komi einhver að vitja mín talar hann innantóm orð,leggur illgirnina á minnið, fer og beiðir hana út. Allir sem mig hata hvískra um mig, þeir hyggja á illt mér til handa: ,,Hann er altekinn helsótt, hann er lagstur og rís ekki framar." Jafnvel vinur minn, sem ég treysti og neytti matar við borð mitt, lyftir hæl sínum móti mér. En þú, Drottinn, ver mér náðugur  og hjálpa mér á fætur svo að ég megi endurgjalda þeim. Ef óvinur minn hlakkar ekki yfir mér veit ég að þú hefur þóknun á mér. Þú studdir mig af því að ég er saklaus og lætur mig standa frammi fyrir augliti þínu að eilífu. AMEN. 

Sálm 41:6-13

Bæn dagsins

En þeir sem leita þín skulu gleðjast og fagna yfir þér. Þeir sem unna hjálpræði þínu skulu sífellt segja: ,,Mikill er Drottinn." Ég er hrjáður og snauður en Drottinn ber umhyggju fyrir mér. Þú ert fulltingi mitt og frelsari, tef eigi, Guð minn. AMEN.

40:17-18

Bæn dagsins

Drottinn, lát þér þóknast að frelsa mig, Drottinn, skunda mér til hjálpar. Lát þá verða til skammar og hljóta kinnroða er sitja um líf mitt, lát þá hverfa aftur með skömm er óska mér ógæfu. Lát þá sem hrópa að mér háðsyrði hrylla við eigin smán. AMEN. Sálm 40:14

Bæn dagsins

Háð fjandmanna minna nístir mig í merg og bein þegar þeir segja allan daginn: ,,Hvar er Guð þinn?" Hví ert þú buguð, sál mín, og ólgar í mér? Vona á Guð því að enn mun ég fá að lofa hann, hjálpræði auglitis míns og Guð minn. AMEN. 42:11-12

Bæn dagsins

Lofaður sé Drottinn, Guð Ísraels, frá eilífðar.

AMEN.AMEN. Sálm.41:14

Eins og hindin þráir vatnslindir þráir sál mín, ó Guð. Sál mína þyrstir eftir Guði, hinum lifanda Guði, hvenær mun ég fá að koma og sjá andlit Guðs? Tjá mín urðu fæða mín dag og nótt því að daglangt var ég spurður: ,,Hvar er Guð þinn?" Ég bugast af sorg er ég minnist þess sem var þegar ég fór fyrir fylkingunni, fór fyrir þeim sem héldu að húsi Guðs, með gleðihrópum og lofsöng í fagnandi hátíðarskara. AMEN. 42:2-5

Bæn dagsins

Frelsa mig frá óvinum mínum, Guð minn, bjarga mér frá fjendum mínum. Frelsa mig frá illgjörðamönnunum og hjálpa mér undan morðingjunum. Sjá, þeir sitja um líf mitt, hinir sterku ráðast gegn mér þótt ég hafi ekki brotið eða syndgað, Drottinn. Þótt ég sé saklaus hlaupa þeir fram og búast til áhlaups. AMEN. Sálm 59:2-5

Bæn dagsins

Guð, þú hefur útskúfa oss og tvístrað, þú reiddist oss - reis oss við að nýju. þá lést jörðina skjálfa og rifna, lagfærðu sprungurnar því að hún riðar. AMEN. 

Sálm 60:3-4