Bæn dagsins

Guð þekkar fórnir eru sundurmarinn andi. Sundurmarið og sundurkramið hjarta munt þú, ó Guð, eigi fyrirlíta. AMEN.

Sálm 51:19

Bæn dagsins

Drottinn, opna varir mínar að munnur minn kunngjöri lof þitt. Þú hefur ekki þóknun á sláturfórnum og færi ég   þér brennifórn tekur þú ekki við henni. AMEN.

Sálm 51:17-18

Bæn dagsins

Varpa mér ekki burt frá augliti þínu og tak ekki þinn heilaga anda frá mér. Veit mér aftur fögnuð þíns hjálpræðis og styð mig með fúsleiks anda. AMEN. 

Sálm 51:13-14

Bæn dagsins

En ég hrópa til Guðs og Drottinn mun hjálpa mér.

Sálm 55:17

Bæn dagsins

Hlíð Guð, á bæn mína, fel þig eigi þegar ég sárbæni þig. Hlusta og svara mér, ég er órór og kveina, skelfingu lostinn yfir hrópum óvinarins, ásókn hins óguðlega, því að þeir steypa yfir mig ógæfu og ofsækja mig grimmilega.AMEN.

Sálm 55:2-4

Bæn dagsins

Skapa í mér hreint hjarta, ó Guð og lát mér fá stöðuna nýjan anda

Bæn dagsins

Ég vil ekki hafa illvirki fyrir augum, ég hata þá sem aðhafast illt og samneyti þeim ekki. Svikult hjarta skal frá mér víkja, illmenni vil ég eigi þekkja.AMEN.

Sálm 101:3=4

 

 

 

Bæn dagsins

Ég vil syngja um náð og rétt, lofsyngja þér, Drottinn. Ég vil gefa gætur að vegi hins ráðvanda, hvenær kemur þú til mín ? Í grandvarleik hjartans vil ég ganga um í húsi mínu. AMEN. 

Sálm 101:1-2

Bæn dagsins

Drottinn, heyr þú bæn mína, hrópa mitt berist til Þín.Byrg eigi auglit Þitt fyrir mér Þegar ég er í nauðum staddur, hneig eyra Þitt að mér svara mér skjótt Þegar ég kalla.

Bæn dagsins

Öll veröldin fagni fyrir Drottni. Þjónið Drottni með gleði, komið fyrir auglit hans með fagnaðarsöng. Játið að Drottinn er Guð, hann hefur skapað oss og hans erum vér, lýður hans og gæsluhjörð. Gangið inn um hlið hans með þakkargjörð, í forgarða hans með lofsöng. Lofið hann, tignið nafn hans, því að Drottinn er góður, miskunn hans varir að eilífu og trúfesti hans frá kyni til kyns. AMEN.

Sálm 100:2-5

Bæn dagsins

Drottinn, Guð vor, þú bænheyrðir þá, þú reyndist þeim fyrirgefandi Guð en refsaðir þeim fyrir misgjörðir þeirra. Tignið Drottin, Guð vorn, og fallið fram fyrir hans heilaga fjalli því að heilagur er Drottinn, Guð vor. AMEN. Sálm 99:8-9

Bæn dagsins

Móse og Aron voru meðal presta hans, Samúel meðal þeirra er ákölluðu nafn hans. Þeir hrópuðu til Drottins og hann bænheyrði þá. Hann talaði til þeirra í skýstólpanum og þeir héldu boð hans og lög þau sem hann sett þeim. AMEN.

Sálm 99:6-7

bæn dagsins

Voldugi konungur, þú elskar réttinn. Réttvísina stofnsettir þú, komst á rétti og réttlæti í Jakob. Tignið Drottin, Guð vorn, og fallið fram fyrir fótskör hans. Heilagur er hann. AMEN.

Sálm 99:4-5

Bæn dagsins

Drottinn er konungur, þjóðirnar skjálfa, hann situr uppi yfir kerúbunum, jörðin nötrar. Drottinn er voldugur á Síon og hafinn yfir allar þjóðir, þær lofi nafn þitt, máttugt og ógnþrungið. Heilagur er hann. AMEN. 

Sálm 99:2-3

Bæn dagsins

Tak þú eigi miskunn þína frá mér, Drottinn, lát náð þína og trúfesti ætíð vernda mig því að ótal hættur umkringja mig, misgjörðir mínar hafa náð mér svo að ég má eigi sjá, þær eru fleiri en hárin á höfði mér, mér fellst hugur. AMEN.

Sálm 40:12-13

Bæn dagsins

Ég hef flutt fagnaðarboðin um réttlæti í stórum söfnuði, ég lauk ekki vörunum aftur, það veist þú, Drottinn. AMEN.

Sálm 40:10

Bæn dagsins

Drottinn er nálægur þeim sem hafa sundurmarið hjarta, hann hjálpar þeim sem hafa sundurkraminn anda. Margar eru raunir réttláts manns en Drottinn frelsar hann úr þeim öllum.AMEN Sálm 34:19-20

Bæn dagsins

Drottinn, Guð minn, hjá þér leita ég hælis, hjálpa mér frá öllum ofsækjendum mínum og bjarga mér svo að enginn rífi mig sundur eins og ljón, dragi mig burt, þangað sem enginn  hjálpar. Drottinn, Guð minn, hafi ég gert þetta loðir ranglæti við hendur mínar, hafi ég gert vinveittum illt eða rúið óvin minn öllu að ástæðulausu þá má fjandmaður minn elta mig og ná mér, traðka á lífi mínu og troða sæmd mína niður í svaðið. AMEN Sálm 7:2-6

Bæn dagsins

Frelsa mig frá öllum syndum mínum, lát mig eigi verða heimskingjum að spotti. Ég þegi, lýk ekki upp munni mínum því að þetta er verk þitt.AMEN.

Sálm 39:9-10

Bæn dagsins

Þá sté Jesús í bát og hélt yfir um og kom til borgar sinnar. Þar færa menn honum lama mann sem lá í rekkju. Þegar Jesús sá trú þeirra sagði hann við lama manninn: ,,Vertu hughraustur, barnið mitt, syndir þínar eru fyrirgefnar."AMEN. 

Matt 9:1-2