Bæn dagsins

Drottinn sýnir þeim trúnað sem óttast hann og gerir þeim sáttmála sinn kunnan. Ég beini augum sífellt til Drottins því að hann leysir fætur mína úr snörunni. Snú þér til mín og ver mér náðugur því að ég er einmana og beygður. Frelsa mig frá kvíða hjarta míns, leið mig úr nauðum. Amen. 

Sálm 25:14-17

Bæn dagsins

Hverjum þeim sem óttast Drottin vísar hann veginn sem hann skal velja. Sjálfur mun hann búa við hamingju og niðjar hans mund erfa landið. AMEN.

Sálm 25:12-13.

Bæn dagsins

Hann leiðir hógværa á vegi réttlætisins og vísar auðmjúkum veg sinn. Allir vegir Drottins eru elska og trúfesti fyrir þá sem halda sáttmála hans og boð. Vegna nafns þíns, Drottinn, fyrirgef mér sekt mína þó að hún sé mikil. AMEN.

Sálm 25:9-11

Bæn Dagsins

Minnst þú ekki æskusynda minna og afbrota, minnstu mín í elsku þinni sakir gæsku þinnar, Drottinn. Góður og réttlátur er Drottinn, þess vegna vísar hann syndurum veginn. AMEN.

Sálm 25:7-8

Bæn dagsins

Lát mig ganga í sannleika þínum og kenn mér því að þú ert Guð hjálpræðis míns, allan daginn vona ég á þig. Minnst þú, Drottinn, miskunnar þinnar og gæsku sem er frá eilífð. AMEN.

Sálm 25:5-6

Bæn dagsins

Ég er eins og vatn sem hellt er út, öll bein mín gliðnuð í sundur, hjarta mitt er sem vax, bráðnað í brjósti mér.

Sálm 22:15

Bæn dagsins

Vér eigi fjarri mér því að neyðin er nærri og enginn hjálpar. Sterk naut umkringja mig, Basans uxar slá hring um mig, sem bráðsólgið, öskrandi ljón. Amen. 

Sálm 22:12-14

Bæn dagsins

Þú leiddir mig fram af móðurlífi, lést mig liggja öruggan við brjóst móður minnar. Til þín var mér varpað úr móðurskauti, frá móðurlífi ert þú Guð minn.AMEN.

Sálm 22:10-11

Bæn dagsins

Megi hann lifa og hljóti hann gull frá Saba, sífellt biðji menn fyrir honum og blessi hann liðlangan daginn. AMEN.

Sálm 72:15

Bæn Dagsins

En ég er ætíð hjá þér, þú heldur í hægri hönd mína, þú leiðir mig eftir ályktun þinni og síðan munt þú taka við mér í dýrð. AMEN.

Sálm 73:23-24

Bæn dagsins

Það sem vér áður heyrðum höfum vér nú séð í borg Drottins hersveitanna, borg Guðs vors. Guð lætur hana standa að eilífu. Vér ígrundum, Guð, elsku þína í musteri þínu.

Bæn dagsins

Guð hefur í höllum hennar kunngjört sig sem vígi því að konungar söfnuðust saman, sóttu fram allir sem einn. Þegar þeir litu upp urðu þeir agndofa, skelfdust og flýðu. AMEN.

Sálm 48:4-6

Bæn dagsins

Guð, Drottinn Guð, talar, kallar á jörðina frá sólarupprás til sólarlags. Frá Síon, ímynd fegurðarinnar, birtist Guð í geisladýrð. AMEN.

Sálm.50:1-2

Bæn dagsins

Nei, hann sér að vitrir menn deyja, fífl og fáráðlingar farast hver með öðrum og láta öðrum eftir auð sinn. Grafir verða heimkynni þeirra um aldur, bústaðir þeirra frá kyni til kyns þótt þeir hafi kennt lendur við nafn sitt. Þrátt fyrir auð sinn er maðurinn dauðlegur, eins og dýrin hlýtur hann að deyja. Svo fer þeim sem treysta sjálfum sér og þeim sem fylgja þeim og þóknast tal þeirra. Þeir stefna til heljar sem sauðahjörð, dauðinn heldur þeim á beit. Að morgni ríkja réttlátir yfir þeim og mynd þeirra eyðist, hel verður bústaður þeirra. En Guð mun leysa lífmitt úr greipum heljar og hann mun taka við mér.AMEN.

Sálm 49:11-16

Bæn dagsins

En enginn fær keypt bróður sinn lausan eða greitt Guði lausnargjald fyrir hann, lausnargjaldið fyrir líf hans væri of hátt, ekkert mundi nokkru sinni nægja til að hann fengi að lifa um aldur og þyrfti aldrei að sjá gjöfina. AMEN.

Sálm 49:8-10

Bæn dagsins

Munnur minn mælir speki og ígrundun hjarta míns er hyggindi. Ég hneigi eyra mitt að spakmæli, ræð gátu mína við hörpuhljóm. AMEN.

Sálm 49:4-5

 

Bæn dagsins

Heyrið þetta, allar þjóðir, hlustið, allir heimsbúar, bæði háir og lágir, jafnt ríkir sem fátækir.AMEN.

Sálm 49:2-3

Bæn dagsins

Drottinn, þú ert minn Guð, þín leita ég. Sál mína þyrstir eftir þér, hold mitt þráir þig, í vatnslausu landi, skrælnuðu að þurrki. þannig hef ég litast um eftir þér í helgidóminum til að sjá mátt þinn og dýrð.AMEN.

Sálm 63:2-3

Bæn dagsins

Eitt hefur Guð sagt, tvennt hef ég heyrt: Hjá Guði er máttur og hjá þér, Drottinn, er miskunn því að þú geldur sérhverjum eftir verkum hans.AMEN.

Sálm 62:12-13

Bæn dagsins

Ég kalla til Guðs og hrópa, kalla til Guðs svo að hann heyri til mín. Í neyð minni leita ég til Drottins, rétti út hendur mínar um nætur og þreytist ekki, ég læt ekki huggast.AMEN.

Sálm 77:2-3