Bæn dagsins...

Við yfirgáfum allt

Þá sagði Pétur: ,,Við yfirgáfum allt sem við áttum og fylgdum þér." Jesús sagði við þá: ,,Sannlega segi ég yður að enginn hefur yfirgefið heimili, konu, bræður, foreldra eða börn vegna Guðs ríkis án þess að hann fái margfalt aftur á þessum tíma og í hinum komandi heimi eilíft líf." Amen.

Lúk:18:28-30

Bæn dagsins...

Leyfið börnunum að koma til mín

Menn færðu og til hans ungbörnin svo að hann snerti þau. Lærisveimarnir sáu það og átöldu þá. En Jesús kallaði þau til sín og mælti: ,,Leyfið börnunum að koma til mín, varnið þeim eigi því að slíkra er Guðs ríki. Sannlega segi ég yður:Hver sem tekur ekki við Guðs ríki eins og barn mun aldrei inn í áð koma." Amen.

Lúk:18:15-17

Bæn dagsins...

Sá sem þann dag er á þaki uppi og á muni sína í húsinu fari ekki ofan að sækja þá. Og sá sem er á akri skal ekki heldur hverfa aftur. Minnist konu Lots. Sá sem vill sjá lífi sínu borgið mun týna því en sá sem týnir því mun öðlast líf. Ég segi yður: Á þeirri nóttu verða tveir í einni hvílu, annar mun tekinn, hinn eftir skilinn. Tvær munu mala á sömu kvörn, önnur verður tekin, hin eftir skilin. (Tveir verða á akri, annar mun tekinn, hinn eftir skilinn) Þeir spurðu hann þá: ,,Hvar, herra?" En hann sagði við þá: ,,Þar mun ernirnir safnast sem hræið er." Amen.

Lúk:17:31-37

Bæn dagsins...

Eins og var á dögum Nóa, svo mun og verða á dögum Mannssonarins: Menn átu og drukku, kvæntust og giftust allt til þess dags er Nói gekk í örkina og flóðið kom og tortímdi öllum. Eins var og á dögum Lots: Menn átu og drukku, keyptu og seldu, gróðursettu og byggðu. En daginn sem Lot fór úr Sódómu rigndi eldi og brennisteini af himni og tortímdi öllum. Eins mun verða á þeim degi er Mannssonurinn opinberast. Amen.

Lúk:17:26-30

Bæn dagsins...

Er Mannssonurinn opinberast

Og Jesús sagði við lærisveinana: ,,Þeir dagar munu koma að þér þráið að sjá einn dag Mannssonarins og munuð eigi sjá hann. Menn munu segja við yður: Sjá hér, sjá þar. En farið ekki og hlaupið eftir því. Mannssonurinn kemur eins og elding sem leiftrar og lýsir frá einu skauti himins til annars. En fyrst á hann margt að líða og þessi kynslóð mun útskúfa honum. Amen.

Lúk:17:22-25

Bæn dagsins...

Innra með yður

Farísear spurðu Jesú hvenær Guðs ríki kæmi. Hann svaraði þeim: ,, Guðs ríki kemur ekki þannig að á því beri. Ekki munu menn segja: Sjá, þar er það eða hér er það því að Guðs ríki er innra með yður. Amen.

Lúk:17:20-21

Bæn dagsins...

Hvar eru hinir níu?

Svo bar við á ferð Jesú til Jerúsalem að leið hans lá á mörkum Samaríu og Galíleu. Og er hann kom inn í þorp nokkurt mættu honum tíu líkþráir menn. Þeir stóðu álengdar, hófu upp raust sína og kölluðu: ,,Jesús, meistari, miskunna þú oss!"  Jesús sá þá og sagði við þá: ,,Farið og sýnið yður prestunum." Þeir héldu af stað og nú brá svo við að þeir urðu hreinir. En einn þeirra sneri aftur er hann sá að hann var heill orðinn og lofaði Guð hárri raustu. Hann féll fram að fótum Jesú og þakkaði honum. En hann var Samverji. Jesús sagði: ,,Urðu ekki allir tíu hreinir? Hvar eru hinir níu? Urðu engir til þess að snúa aftur að gefa guði dýrðina nema þessi útlendingur?" Síðan mælti Jesús við hann: ,,Statt upp og far leiðar þinnar. Trú þín hefur bjargað þér." Amen.

Lúk:17:11-19

Bæn dagsins...

Þjónusta

Hafi einhver yðar þjón, er plægir eða hirðir fénuð, segir hann þá við hann þegar hann kemur inn af akri: Kom þegar og set þig til borðs? Segir hann ekki fremur við hann: Bú þú mér kvöldverð, tak þig til og þjóna mér meðan ég et og drekk, síðan getur þú etið og drukkið. Og er hann þakklátur þjóni sínum fyrir að gera það sem boðið var? Eins skuluð þér segja, þá er þér hafið gert allt sem yður var boðið: Ónýtir þjónar erum vér. Vér höfum gert það eitt sem oss bar að gera. Amen.

Lúk:17:7-10

Bæn dagsins...

Trú

Postularnir sögðu við Drottin: ,,Auk oss trú!" En Drottinn sagði: ,,Ef þér hefðuð trú eins og mustarðskorn gætuð þér sagt við mórberjatré þetta: Ríf þig upp með rótum og fest rætur í sjónum, og það mundi hlýða yður. Amen.

Lúk:17:5-6

Bæn dagsins...

 

Fyrirgefning

Hafið gát á sjálfum yður. Ef bróðir þinn syndgar, þá ávíta hann og ef hann sér að sér, þá fyrirgef honum. Og þótt hann misgeri við þig sjö sinnum á dag og snúi sjö sinnum aftur til þín og segi: Ég iðrast, þá sakalt þú fyrirgefa honum." Amen.

Lúk:17:3-4

Bæn dagsins...

Vel þeim er veldur

Jesús sagði við lærisveina sína: ,,Eigi verður umflúið að menn séu tældir til falls en vel þeim sem því veldur. Betra væri honum að hafa mylnustein um hálsinn og vera varpað í hafið en að tæla einn af þessum smælingjum til falls. Amen.

Lúk:17:1-2

Bæn dagsins...

Hverju er Guðs ríki líkt?

Jesús sagði nú: ,,Hverju er Guðs ríki líkt? Við hvað á ég að líkja því? Líkt er það mustarðskorni sem maður tók og sáði í jurtagarð sinn. Það óx og varð tré og fuglar himins hreiðruðu sig í greinum þess." Og aftur sagði Jesús: ,,Við hvað á ég að líkja Guðs ríki? Líkt er það súrdeigi er kona tók og fól í þrem mælum mjöls uns það sýrðist allt." Amen.

Lúk:13:18-21

Bæn dagsins...

Fjársjóður sem fyrnist ekki

Vertu ekki hrædd, litla hjörð, því að föður yðar hefur þóknast að gefa yður ríkið. Seljið eigur yðar og gefið ölmusu, fáið yður pyngjur er slitna ekki, fjársjóð á himnum er þrýtur ekki, þar sem þjófur fær eigi í nánd komist né mölur spillt. Því hvar sem fjársjóður yðar er, þar mun og hjarta yðar vera. Amen.

Lúk:12:32-34

Bæn dagsins...

Fyrirgef oss vorar syndir enda fyrirgefum vér öllum vorum skuldunautum. Og eigi leið þú oss í freistni."

Lúk:11:4

Biðjið og yður mun gefast

Og Jesús sagði við þá: ,,Nú á einhver yðar vin og fer til hans um miðnætti og segir við hann: Vinur, lánaðu mér þrjú brauð því að vinur minn er kominn til mín úr ferð og ég hef ekkert að bera á borð fyrir hann. Mundi hinn þá svara inni: Ger mér ekki ónæði. Það er búið að loka dyrum og börn mín og ég komin í rúmið. Ég get ekki farið á fætur að fá þér brauð? Ég segi yður, þótt hann fari ekki á fætur og fái honum brauð vegna vinfengi þeirra, þá fer hann samt fram úr sakir áleitni hans og fær honum eins mörg og hann þarf. Og ég segi yður: Biðjið og yður mun gefast, leitið og þér munuð finna, knýið á og fyrir yður mun upp lokið verða. Því að hver sá öðlast sem biður, sá finnur sem leitar og fyrir þeim sem á knýr mun upp lokið verða. Er nokkur sá faðir yðar á meðal sem gæfi barni sínu höggorm ef það biður um fisk eða sporðdreka ef það biður um egg? Fyrst þér, sem eruð vondir, hafið vit á að gefa börnum yðar góðar gjafir, hve miklu fremur mun þá faðirinn himneski gefa þeim heilagan anda sem biðja hann." amen.

Lúk:11:5-13

Bæn dagsins...

Kenndu okkur að biðja

Svo bar við, er Jesús var á stað einum að biðjast fyrir, að einn lærisveina hans sagði við hann þá er hann lauk bæn sinni: ,,Drottinn, kenndu okkur að biðja eins og Jóhannes kenndi lærisveinum sínum." En hann sagði við þá: ,,Þegar þér biðjist fyrir, Þá segið:

Faðir, helgist þitt nafn, til komi þitt ríki, gef oss hvern dag vort daglegt brauð.Amen.

Lúk:11:1-3

Bæn dagsins...

Menn þekktu ekki Guð

En reiði Guðs opinberast af himni yfir öllu guðleysi og illsku manna sem kefja sannleikann með ranglæti. Það sem vitað verður um Guð blasir við þeim. Guð hefur birt þeim það. Ósýnilega veru hans, eilífan mátt og guðdómstign má skynja og sjá af verkum hans allt frá sköpun heimsins. Því eru mennirnir án afsökunar. Þeir þekktu Guð en hafa samt ekki tignað hann sem Guð né þakkað honum heldur fylltu þeir hugann af hégiljum og skynlaust hjarta þeirra hjúpaðist myrkri. Þeir þóttust vera vitrir en urðu heimskingjar. Í stað þess að tilbiðja dýrlegan, eilífan Guð hafa þeir tilbeðið myndir af dauðlegum mönnum, fuglum, ferfætlingum og skriðkvikindum. Þess vegna hefur Guð látið fýsnir þeirra til saurlífis ná valdi yfir þeim svo að þeir svívirtu líkami sína hver með öðrum. Þeir völdu lygina í staðinn fyrir sannleika Guðs, hafa göfgað og dýrkað hið skapaða í stað skaparans, hans sem er blessaður að eilífu. Því hefur Guð ofurselt þá svívirðilegum girndum. Bæði hafa konur breytt eðlilegum mökum í óeðlileg  og eins hafa karlar hætt eðlilegum mökum við konur og brunnið í losta hver til annars, karlmenn hafa framið skömm með karlmönnum og tóku svo út á sjálfum sér makleg málagjöld villu sinnar. Fyrst menn hirtu ekkert um að þekkja Guð sleppti hann þeim á vald ósæmilegs hugafars. Þeir urðu fullir alls kyns rangsleitni, vonsku, ágirndar og illsku. Þeir eru öfundsjúkir, morðfúsir, deilugjarnir sviksamir, illgjarnir, illmálugir, bakbítar. Þeir eru guðshatarar, ofjátar, hrokafullir, gortarar, hrekkvísir, óhlýðnir, kærleikslausir, miskunnarlausir. Þeir vita að Guð dæmir rétt og að allir, sem slíkt fremja eru dauðasekir. Samt fremja þeir þetta og gera að auki góðan róm að slíkri breytni hjá öðrum. Amen.

Róm:1:18-32

Bæn dagsins...

Fagnaðarerindið - kraftur Guðs

Ég fyrirverð mig ekki fyrir fagnaðarerindið. Það er kraftur Guðs sem frelsar hvern þann mann sem trúir, Gyðinginn fyrst og aðra síðan. Réttlæti Guðs opinberast í því fyrir trú til trúar eins og ritað er: Hinn réttláti mun lifa fyrir trú. Amen.

Róm:1:16-17

Bæn dagsins...

Páll og söfnuðurinn í Róm

Fyrst og fremst þakka ég Guði mínum í nafni Jesús Krists fyrir ykkur öll af því að orð fer af trú ykkar í öllum heimi. Guð, sem ég þjóna í anda mínum með fagnaðarerindinu um son hans, er mér vottur þess að ég sífellt minnist ykkar í bænum mínum. Ég bið þess stöðugt að mér mætti loks auðnast að koma einhvern tíma til ykkar, ef Guð lofar. Ég þrái að sjá ykkur til þess að geta miðlað af gjöfum andans svo að þið styrkist eða réttara sagt: Svo að við getum uppörvast saman í sömu trú, ykkar og minni. Ég vil að þið vitið, bræður og systur, að ég hef oftsinnis ætlað mér að koma til ykkar en hef verið hindraður  hingað til. Ég vildi sjá einhvern ávöxt hjá ykkur eins og öðrum sem áður voru heiðingjar. Ég er í skuld bæði við Grikki og útlendinga, vitra og fávísa. Því fýsir mig að boða fagnaðarerindið einnig ykkur í Róm. amen.

Róm:1:8-15

Bæn dagsins...

Kveðja

Páll heilsar ykkur, þjónn Jesú Krists, sem Guð hefur kallað til að vera postuli og valið til að boða fagnaðarerindi sitt, sem hann lét spámenn sína áður flytja fyrirheit um í helgum ritningum, fagnaðarerindið um son hans, Jesú Krist, Drottin vorn. Sem maður er hann fæddur af kyni Davíðs en heilagur andi hans auglýsti með krafti að hann er sonur Guðs þegar hann reis upp frá dauðum. Af náð hans er ég postuli og á að leiða heiðna menn hvarvetna til þess að lúta honum í trú, nafni hans til dýrðar. Meðal þeirra eruð og þið sem Jesús Kristur hefur kallað sér til eignar. Ég heilsa öllum sem Guð elskar í Róm og kallar til heilags lífs. Náð sé með yður og friður frá Guði föður vorum og Drottni Jesú Kristi. Amen. 

Róm:1:1-7

Bæn dagsins...

Guð freistar einskis manns

Sæll er sá maður sem stenst freistingu og reynist hæfur. Guð mun veita honum kórónu lífsins sem hann heitið þeim er elska hann. Enginn má segja er hann verður fyrir freistingu: ,,Guð freistar mín." Hið illa getur eigi freistað Guðs og sjálfur freistar hann einskis manns. Það er eigin girnd sem freistar sérhvers manns og dregur hann og tælir. Þegar girndin síðan er orðin þunguð elur hún synd og þegar syndin er orðin fullþroskuð leiðir hún til dauða. Villist ekki, elskuð systkin. Sérhver góð gjöf og sérhver fullkomin gáfa er ofan að, frá föður ljósanna. Hjá honum er engin umbreyting né flöktandi skuggar. Hann er ávallt hinn sami. Hann ákvað að láta orð sannleikans vekja okkur til lífs til þess að við skyldum vera frumg´róði sköpunar hans. Amen.

Hið almenna bréf Jakobs:1.12-18