Bæn dagsins...Pétur og Jóhannes fyrir ráðinu

Meðan þeir Pétur og Jóhannes voru að tala til fólksins komu að þeim prestarnir, varðforingi helgidómsins og saddúkearnir.

Þeir voru æfir yfir því að postularnir voru að kenna fólkinu og boða upprisuna frá dauðum í krafti Jesú.

Lögðu þeir hendur á þá og hnepptu þá í varðhald til næsta morguns því að kvöld var komið.

En mörg þeirra, er heyrt höfðu orðið, tóku trú og tala karlmennanna einna varð um fimm þúsundir. Amen.

Post:4:1-4

Bæn dagsins...Pétur talar.

Þá mun Drottinn láta upp renna endurlífgunartíma og hann mun senda Krist sem ykkur er fyrirhugaður sem er Jesús.

Hann á að vera í himninum allt til þess tíma þegar Guð endurreisir alla hluti eins og hann hefur frá alda öðli látið heilaga spámenn sína boða.

Móses sagði: Spámenn líka mér mun Drottinn, Guð ykkar, kalla fram úr hópi bræðra ykkar.

Á hann skuluð þig hlýða í öllu er hann talar til ykkar.

Og sérhver sá sem hlýðir ekki á þennan spámann skal upprættur verða úr samfélagi Guðs.

Allir spámennirnir, Samúel og þeir sem á eftir komu, allir þeir sem talað hafa, boðuðu og þessa daga.

Þið eruð börn spámannanna og eigið hluti í s´æattmálanum sem Guð gerði við forfeður ykkar er hann sagði við Abraham:; Af þínu afkvæmi skulu allar ættkvíslir jarðarinnar blessun hljóta. Guð hefur reist upp þjón sinn og sent hann fyrst til ykkar til að blessa ykkur og snúa hverju ykkar frá vondri breytnisinni." Amen.

Post:3:20-26

Bæn dagsins...Pétur talar.

Nú veit ég, systkin, að þið gerðuð það af vanþekkingu, sem og höfðingjar ykkar.

 En Guð lét þannig rætast það sem hann hafði látið alla spámennina boða, að Kristur hans skyldi líða.

 Takið því sinnaskiptum og snúið ykkur til Guðs svo að hann afmái syndir ykkar. Amen.

Post:3:17-19

Bæn dagsins...Pétur talar.

Þið afneituðuð hinum heilaga og réttláta en beiddust að manndrápari yrði ykkur gefinn.

Þið lífl´tuð höfðingja lífsins en Guð uppvakti hann frá dauðum og að því erum við vottar.

Trúin á nafn Jesú gerði þennan mann, sem þið sjáið og þekkið, styrkan.

Nafn hans og trúin, sem hann gefur, veitti manninum þennan albata fyrir augum ykkar allra. Amen.

Póst:3:14-16

 

Bæn dagsins...Pétur talar.

Maðurinn hélt sér að Pétri og Jóhannesi og og þá flykktist allt fólkið furðu lostið til þeirra í súlnagöngin sem kennd eru við Salómon.

Þegar Pétur sá það ávarpaði hann fólkið: ,,Ísraelsmenn, hví furðar ykkur á þessu eða hví starið þið á okkur eins og við hefðum af eigin mætti eða guðrækni komið því til leiðar að þessi maður gengur? Guð forfeðra vorra, Guð Abrahams, Ísaks og Jakobs, hefur gert þjón sinn, Jesú, dýrlegan, sama Jesú sem þið framselduð og afneituðuð frammi fyrir Pílatusi er hann hafði ályktað að láta hann lausan.Amen.

Post:3:11-13

Bæn dagsins...Við Fögrudyr.

Pétur og Jóhannes gengu upp í helgidóminn til síðdegisbæna.

Þá var þangað borinn maður, lami frá móðurlífi, er dag hvern var settur við þær dyr helgidómsins sem nefndar eru Fögrudyr til að beiðast ölmusu af þeim er inn gengu í helgidóminn.

Er hann sá þá Pétur og Jóhannes á leið inn í helgidóminn baðst hann ölmusu.

Þeir horfðu fast á hann og Pétur sagði: ,,Lít þú á okkur."

Hann starði á þá í von um að fá eitthvað hjá þeim. 

Pétur sagði: ,,Silfur og gull á ég ekki en það sem ég hef, það gef ég þér: Í nafni Jesú Krists frá Nasarit, statt upp og gakk!" Og hann tók í hægri hönd honum og reisti hann upp.

Jafnskjótt urðu fætur hans og ökklar styrkir, hann spratt upp, stóð í fætur og tók að ganga.

Hann fór inn með þeim í helgidóminn, gekk um og stökk og lofaði Guð.

 Allt fólkið sá hann ganga um og lofa Guð.

Menn könnuðust við að hann var sá er hafði setið fyrir Fögrudyrum helgidómsins til að beiðast ölmusu.

Urðu þeir furðu lostnir og frá sér numdir af því sem fram við hann hafði komið. Amen.

Post:3:1-10.

Bæn dagsins...Samfélag trúaðra.

Ótta setti að hverjum manni en mörg undur og tákn gerðust fyrir hendur postulanna.

Allir þeir sem trúðu héldu hópinn og höfðu allt sameiginlegt.

Menn seldu eigur sínar og muni og skiptu meðal allra eftir því sem hver hafði þörf á.

Daglega komu menn saman með einum huga í helgidóminum, brutu brauð í heimahúsum, neyttu fæðu saman í fögnuði og einlægni hjartans.

Þeir lofuðu Guð og höfðu vinsældir af öllum.

En Drottinn bætti daglega við í hópinn þeim er frelsast létu. amen.

Post:2:43-47.    .

 

bæn dagsins...Ræða Péturs

Þennan Jesú reisti Guð upp og erum við allir votta þess.

Nú er hann hafinn upp til hægri handar Guðs og hefur af föðurnum tekið við heilögum anda, sem fyrirheitið var, og úthellt honum eins og þið sjáið og heyrið.

Ekki steig Davíð upp til himna en hann segir: Drottinn sagði við minn drottin: Set þig mér til hægri handar þangað til ég geri óvini þína að fótskör þinni.

Með öruggri vissu viti þá öll Ísraels ætt að þennan Jesú, sem þið krossfestuð, hefur Guð gert bæði að Drottni og Kristi."

Er menn heyrðu þetta var sem stungið væri í hjörtu þeirra og þeir sögðu við Pétur og hina postulana: ..Hvað eigum við að gera, bræður?" Pétur sagði skírast í nafni Jesú Krists svo að þið öðlist fyrirgefningu syndanna og gjöf heilags anda.

Því að ykkur er ætlað fyrirheitið, börnum ykkar og öllum þeim sem í fjarlægð eru, öllum þeim sem Drottinn Guð vor kallar til sín.

Og með öðrum fleiri orðum brýndi hann þá og hvatti og sagði: ,,Látið frelsast frá þessari rangsnúnu kynslóð.

En þau sem veittu orði hans viðtöku tóku skírn og þann dag bættust við um þrjú þúsund sálir.

þau ræktu trúlega uppfræðslu postulanna og samfélagið, brotning brauðsins og bænirnar. Amen.

Post:2:32-42.

Bæn dagsins...Ræða Péturs

Systkin,óhikað get ég talað við ykkur um ættföðurinn Davíð.

Hann dó og var grafinn og leiði hans er til hér allt til þessa dags.

En hann var spámaður og vissi að Guð hafði með eiði heitið honum að setja einhvern niðja hans í hásæti hans.

Því var það upprisa Krists sem hann sá fyrir þegar hann sagði: Ekki varð hann eftir skilinn í helju og ekki varð líkami hans rotnun að bráð.  Amen.

Post:2:29-31

Bæn dagsins...Ræða Péturs.

Ísraelsmenn, heyrið þessi orð: Jesús frá Nasaret var maður sem kom til ykkar frá Guði.

Guð sannaði ykkur það með því að láta hann gera kraftaverk, undur og tákn meðal ykkar eins og þið vitið sjálfir.

Hann fenguð þið framseldan eins og Guð vissi fyrir og felldi að áætlun sinni og þið létuð lögleysingja negla hann á kross og taka af lífi.

En Guð leysti hann úr dauðans böndum og reisti hann upp, enda gat það aldrei orðið að dauðinn fengi haldið honum því að Davíð segir um hann: Ávallt hafði ég Drottin fyrir augum mér.

Hann er mér til hægri handar svo að mér sé borgið.

Fyrir því gladdist hjarta mitt og tunga mín fagnaði.

Meira að segja mun líkami minn hvílast í von.

Því að ekki mun þú skilja sálu mína eftir í helju og eigi láta þinn heilaga verða rotnun að bráð.

Kunna gerðir þú mér lífsins vegu og návist þín fyllir mig fögnuði. Amen.

Post:2:22-28

 

 

Bæn dagsins...Ræða Péturs.

Jafnvel yfir þræla mína og ambáttir mínar mun ég á þeim dögum úthella anda mínum, og þau munu spá.

Og ég mun láta undur verða á himnum uppi og tákn á jörðu niðri, blóð, eld og reykjarmökk.

Sólin mun snúast í myrkur og tunglið í blóð áður en dagur Drottins kemur, hinn mikli og dýrlegi.

En hver sá sem ákallar nafn Drottins mun frelsast. Amen.

Poist:2:18-21.

 

Bæn dagsins...Ræða Péturs.

Þá steig Pétur fram og þeir ellefu og hann hóf upp raust sína og mælti til þeirra: ,,Gyðingar og allir Jerúsalembúar! Þetta skuluð þið vita.

Ljáið eyru orðum mínum. 

Eigi eru þessir menn drukknir eins og þig ætlið enda aðeins komin dagmál.

Hér er að rætast það sem spámaðurinn Jóel segir: Það mun verða á efstu dögum, segir Guð, að ég mun úthella anda mínum yfir alla menn.

Synir yðar og dætur munu spá, ungmenni yðar munu sjá sýnir og aldraða yðar á meðal mun drauma dreyma. Amen.

Post:2:14-17

Bæn dagsins...Gjöf heilags anda.

Þá er uppvar runninn hvítasunnudagur voru allir saman komnir á einum stað.

Varð þá skyndilega gnýr af himni, eins og óveður væri að skella á, og fyllti allt húsið þar sem þeir voru.

Þeim birtust tungur, eins og af eldi væru, er kvísluðust og settust á hvert og eitt þeirra.

Allir fylltust heilögum anda og tóku að tala öðrum tungum, eins og andinn gaf þeim að mæla.

Í Jerúsalem dvöldust  Gyðingar, guðræknir menn, frá öllum löndum undir himninum.

Er þetta hljóð heyrðist kom allur hópurinn saman.

Þeim brá mjög við því að hver og einn heyrði þá mæla á sína tungu.

Menn voru frá sér af undrun og sögðu: ,,Eru þetta ekki allt Galíleumenn sem hér eru að tala? Hvernig má það vera að við, hvert og eitt, heyrum þá tala okkar eigið móðurmál? Við erum Partar, Medar og Elamítar, við erum frá Mesópótamíu, Júdeu, Kappadókíu, Pontus og Asíu, frá Frýgíu og Pamfýlíu, Egyptalandi og Líbýubyggðum við Kýrene og við sem hingað erum flutt frá Róm.

Hér eru bæði gyðingar og þeir sem tekið hafa trú Gyðinga, Kríteyingar og Arabar.

Við heyrum þá tala á tungum okkar um stórmerki Guðs." 

Allir voru furðu lostnir og ráðalausir og sögðu hver við annan: ,,Hvað getur þetta verið?" En aðrir höfðu að spotti og sögðu: ,,Fólkið er drukkið af sætu víni." Amen.

Post:2:1-13

Bæn dagsins...Postuli valinn.

Þá sneru þeir aftur til Jerúsalem frá Olíufjallinu, sem svo er nefnt og er í nánd við Jerúsalem, hvíldardagsleið þaðan.

Er þeir komu þangað fóru þeir upp í loftstofuna þar sem þeir dvöldust: það voru þeir Pétur og Jóhannes,Jakob og Andrés, Filippus, Tómas, Bartólómaus, Mattheus, Jakob Alfensson, Símon vandlætari og Júdas Jakobsson.

Konurnar voru einnig með þeim og María móðir Jesú og bræður hans.

Öll voru þau með einum huga stöðug í bæninni.

Post:1:12-14

Á þessum dögum stóð Pétur upp meðal lærisveinanna.

Þar var saman kominn flokkur manna, um eitt hundrað og tuttugu að tölu.

Hann mælti: ,,Systkin, rætast hlaut það sem heilagur andi sagði fyrir munn Davíðs í Heilagri ritningu um Júdas sem vísaði leið þeim er tóku Jesú höndum.

Hann var í okkar hópi og honum var falin sama þjónusta.

Hann keypti landspildu fyrir launin sem hann fékk fyrir ódæði sitt, steyptist á höfuðið og brast sundur í miðju svo að iðrin öll lágu úti.

Þetta varð kunnugt öllum Jerúsalembúum og er spilda sú kölluð Akeldamak á tungu þeirra, það er Blóðreitur.

Ritað er í Sálmunum: Bústaður hans skal í eyði verða, enginn skal í honum búa, Annar taki embætti hans.

Einhver þeirra manna sem með okkur voru alla tíð meðan Drottinn Jesús gekk inn og út á meðal okkar, allt frá skírn Jóhannesar til þess dags er hann varð upp numinn frá okkur, verður nú að gerast vottur upprisu hans ásamt okkur." 

Menn völdu tvo, Jósef, kallaðan Barsabbas, öðru nafni Jústus, og Matthías, báðust fyrir og sögðu: ,,Drottinn, þú sem þekkir hjörtu allra.

Sýn þú hvorn þessara þú hefur valið til að taka við þessari þjónustu og postuladómi sem Júdas vék frá til að fara til síns eigin staðar.

Þeir hlutuðu um þá og kom upp hlutur Matthíasar.

Var hann tekinn í tölu postulanna með þeim ellefu. Amen.

Post:1:15-26

 

 

 

 

Bæn dagsins...Upp numinn.

Meðan þeir voru saman spurðu þeir hann: ,,Drottinn, ætlar þú á þessum tíma að endurreisa ríkið handa Ísrael?" Hann svaraði: ,,Ekki er það yðar að vita tíma eða tíðir sem faðirinn hefur sjálfur ákveðið.

En þér munuð öðlast kraft er heilagur andi kemur yfir yður og þér munuð verða vottar mínir í Jerúsalem og allri Júdeu, í Samaríu og allt til endimarka jarðarinnar."

Þegar hann hafði mælt þetta verð hann upp numinn að þeim ásjáandi og ský huldi hann sjónum þeirra.

Er þeir störðu til himins á eftir honum þegar hann hvarf, þá stóðu hjá þeim allt í einu tveir menn í hvítum klæðum og sögðu: ,,Galíleumenn, hví standið þér og horfið til himins? Þessi Jesús, sem varð upp numinn frá yður til himins, mun koma á sama hátt og þér sáuð hann fara til himins." Amen.

Post:1:6-11

Bæn dagsins...Postulasagan.

Fyrri sögu mína, þeófílus, samdi ég um allt sem Jesús gerði og kenndi frá upphafi, allt til þess dags er hann varð upp numinn.

Áður hafði hann gefið postulunum, sem hann hafði valið með heilögum anda, fyrirmæli sín.

Hann birtist þeim eftir dauða sinn og sýndi þeim með órækum sönnunum að hann lifði.

Hann lét þá sjá sig í fjörutíu daga og talaði um Guðs ríki.

Er Jesús neytti matar með þeim bauð hann þeim að fara ekki burt úr Jerúsalem heldur bíða eftir því sem faðirinn gaf fyrirheit um ,,og þér hafið heyrt mig tala um.

Því að Jóhannes skírði með vatni en þér skuluð skírðir verða með heilögum anda, nú innan fárra daga." amen.

Post:1:1-5

Bæn dagsins...Háðsyrði um hjáguðadýrkun.

Helminginn af viðnum brennir hann í eldi, á glóðinni steikir hann kjöt, etur steik og verður saddur, hlýjar sér og segir: ,,Nú er mér vel heitt, ég nýt eldsins."

Úr því sem gengur af gerir hann sér  guð, skurðgoð sem hann krýpur fyrir, tilbiður og segir: ,,Hjálpa mér því að þú ert guð minn."

Þ:eir skynja hvorki né skilja því að augu þeirra eru lokuð svo að þeir sjá ekki, og hjörtu þeirra einnig svo að þeir skilja ekki.

Hann hugsar ekki neitt, hefur hvorki skyn né skilning til að segja: ,,Ég brenndi helming viðarins í eldi og bakaði brauð við glæðurnar, steikti á þeim kjöt og neytti en úr því sem  eftir var gerði ég mér viðurstyggð og ég kraup fyrir trjádrumbi."

Þann mann, sem sækist eftir ösku, hefur táldregið hjarta blekkt og hann bjargar ekki lífi sínu og segir: ,,Er það ekki tál sem ég hef í hægri hendi? Amen.

Jesaja:44:16-20

 

 

Bæn dagsins...Háðsyrði um hjáguðadýrkun.

Járnsmiður vinnur verk sitt við glóðir, slær smíði sína til með hamri og mótar hana með sterkum armi.

Þegar hann hungrar missir hann máttinn, fái hann ekki vatn að drekka. þreytist hann.

Trésmiður mælir með þræði, dregur upp útlínur með krít, sker úr viðinn með hnífi sínum, markar fyrir með sirkli og gerir mannsmynd, fríðleiksmann sem á að búa í húsi.

Hann fellir sedrustré, velur sér steineik eða aðra eik, lætur trén vaxa innan um önnur skógartré.

Hann gróðursetur ask sem regnið veitir vöxt svo að hann nýtist mönnum til eldiviðar.

Hann tekur nokkuð af viðnum og ornar sér, kveikir eld við hluta hans og bakar brauð, úr nokkru gerir hann guð og fellur fram fyrir honum, mótar hann sem líkneski og krýpur fyrir því. Amen.

Jesaja:44:12-15

Bæn dagsins...Háðsyrði um hjáguðadýrkun.

Þeir sem gera skurðgoð eru einskis nýtir og guðirnir, sem þeir elska, eru fánýti og vitni þeirra sjá ekkert, vita ekkert og verða sér til skammar.

Hver gerir skurðgoð eða steypir líkneski nema til þess að hafa gagn af því? Allir sem reiða sig á það verða sér til skammar.

Smiðirnir eru aðeins menn, þeir ættu að safnast saman og taka sér stöðu, þeir mundu allir skelfast og verða sér til skammar.Amen.

Jesaja:44:9-11

Bæn dagsins...Guð er einn.

Svo segir Drottinn, konungur Ísraels, lausnarinn, Drottinn allsherjar: Ég er hinn fyrsti og ég er hinn síðasti.

Enginn Guð er nema ég.

Hver er sem ég? Hann gangi fram og tali og lýsi því yfir, skýri mér frá því.

Hver sagði fyrir um framtíðina í upphafi? Skelfist ekki og látið ekki hugfallast.

Lét ég yður ekki heyra þetta, boðaði það frá öndverðu? 

Þér eruð vitni mín.

Er nokkur annar Guð en ég? Enginn annar klettur er til það ég veit. Amen.

Jesaja:44:6-8