Bæn dagsins...

Það er viska að vera seinn til reiði og sæmd að láta rangsleitni ekki á sig fá. Reiði konungs er eins og ljónsöskur en hylli hans sem dögg  á grasi. Heimskur sonur steypir föður sínum í glötun, konuþras er sem sífelldur þakeki. Amen.

Orðs:19:11-13

Bæn dagsins...

Falsvotti verður ekki látið órefsað, sá sem fer með lygar kemst ekki undan. Margir smjaðra fyrir tignarmanninum, allir eru vinir hins örláta. Allir bræður hins snauða fyrirlíta hann, hve miklu fremur forðast þá vinir hans hann. Sá sem öðlast skilning vinnur sér mest gegn, sá sem ann skynseminni hlýtur hamingju. Falsvotti verður ekki látið órefsað og sá sem fer með lygar tortímist. Sællífi hæfir ekki heimskum manni, hvað þá þræli að drottna yfir höfðingjum. Amen.

Orðs:19:5-10 

Bæn dagsins...

Betri er fátækur maður og ráðvandur en sá sem er flár í orðum og heimskur. Kapp er best með forsjá og sá hrasar sem hraðar sér. Flónska mannsins eyðir efnum hans en hjarta hans kennir Drottni um. Auður fjölgar vinum en fátækum manni bregst vinur. Amen.

Orðs:19:1-4

Bæn dagsins...

Dauði og líf eru á valdi tungunnar, sá sem henni beitir mun og þiggja ávöxt hennar. Sá sem eignast konu eignast gersemi og hlýtur náðargjöf frá Drottni. Hinn fátæki biður í auðmýkt en hinn ríki svarar með hörku. Til eru vinir sem bregðast og til er sá vinur sem reynis tryggari en bróðir. Amen.

Orðs:18:21-24

Bæn dagsins...

Hlutkestið bindur enda á deilu og sker úr málum hinna voldugu. Hlunnfarinn bróðir er sem rammbyggt virki, deilur sem slagbrandar fyrir hallardyrum. Af ávexti munnsins mettast kviðurinn, uppskeran varanna seður manninn. Amen.

Orðs:18: 18-20

Bæn dagsins

Gjöf greinir þeim veg sem gefur og leiðir hann fram fyrir stórmenni. Sá er fyrst flytur mal sitt virðist hafa á réttu  að standa uns andstæðingurinn vefengir rök  hans. Amen. Orðs:18:16=17

bæn dagsins...

Guð, lát þér þóknast að frelsa mig, Drottinn, skunda mér  til hjálpar. Lát þá verða til skammar og hljóta kinnroða er sitja um líf mitt, Lát þá hverfa aftur með skömm er óska mér ógæfu. Amen. Sálmar: 70:2=3 

Bæn dagsins...

Svari einhver áður en hann hlustar er það heimska hans og skömm. Kjarkur styrkir menn í sjúkleika en hver fær borið dapurt geð? Hjarta hins hyggna aflar sér  og eyra hinna vitru leitar þekkingar. Amen. Orðs:18;13=15

Bæn dagsins...

Drottinn,  Guð vor, þú bænheyrðir þá, þú reyndist þeim fyrirgefandi Guð en refsaðir þeim fyrir misgjörðir þeirra. Tignið Drottin, Guð vorn, og fallið fram fyrir hans heilaga fjalli því að heilagur er Drottinn,  Guð vor. Amen. Sálmur 99: 8=9

Bæn dagsins...

Auður ríks manns er honum Öflug vigi og okleifur mutveggur að hans   hyggju. Dramb hjartans er undanfari falls, hogværð er undanfari sæmdar. Amen.

 

 

 

Bæn dagsins...

Það er ekki rétt að draga taum hins rangláta og halla rétti hins saklausa í dómi. Orð heimskingjans valda deilum, munnur hans býður höggunum heim. Munnur heimskingjans verður honum að falli og varirnar eru lífi hans snara. Sæt eru orð rógberans, þau ná til innstu fylgsna mannsins. Kærulaus verkmaður er albróðir niðurrifsmannsins. Nafn Drottins er sterkur turn, þangað hleypur hinn réttláti og er óhultur. Amen.

Orðs:18:5-10

Bæn dagsins...

Sérlyndur maður fer að eigin geðþótta og hafnar hverju hollráði. Heimskinginn keppir ekki að hyggindum heldur að gera skoðanir sínar kunnar. Komi illmennið kemur háðungin einnig og smáninni fylgir skömm. Djúp vötn eru orð af manns munni, lind viskunnar er sem rennandi lækur.Amen.

Orðs:18:1-4

Bæn dagsins...

Hinn meinfýsni öðlast enga gæfu og sá sem fer með lygar ratar í vanda. Það er mæða að geta af sér heimskingja og faðir glópsins fagnar ekki. Glatt hjarta veitir góða heilsubót en dapurt geð tærir beinin. Hinn rangláti dregur fram mútur á laun til að halla réttinum. Hygginn maður hefur viskuna fyrir  augum sér en augu heimskingjans rása með himinskautum. Heimskur sonur er föður sínum til ama og angur konunni  sem ól hann. Að refsa saklausum er ekki lofsvert, né heldur að berja á göfugmennum. Hygginn maður er orðvar  og skynsamur maður er fáorður. Jafnvel heimskinginn virðist vitur, þegi hann, og skynsamur, loki hann vörum sínum. Amen.

Or4ðs:17:20-28

Bæn dagsins...

Að sýkna sekan og sakfella saklausan, hvort tveggja er Drottni andstyggð. Hvað stoða peningar í hendi heimskingjans til þess að kaupa speki  þar sem vitið er ekkert? Vinur lætur aldrei af vináttu sinni, í andstreymi reynist hann sem bróðir. Fávís er sá sem handsalar fyrir náunga sinn og gengur í ábyrgð fyrir hann. Sá sem ann þrætum sækir í yfirsjón, sá sem gerir þröskuld sinn háan hnýtur um hann. Amen.

Orðs:17:15-19

Bæn dagsins...

Ávítur frá meira á hygginn mann en hundrað högg á heimskingja. Illvirkinn hyggur á uppreisn en óvæginn sendiboði verður sendur gegn honum. Betra er að mæta birnu sem svipt er húnum sínum en heimskingja í flónsku hans. Launi maður gott með illu víkur ógæfan aldrei frá húsi hans. Þegar deila kviknar er sem tekin sé úr stífla, láttu hana því niður falla áður en sennan hefst. Amen. 

Orðs:17:10-14

Bæn dagsins...

Ekki hæfa heimskum manni stóryrði og lygin hæfir enn síður göfugum manni. Mútan er sem töfragripur þeim er hana þiggur, hvarvetna kemur hann sínu fram. Sá sem breiðir yfir bresti annars leitar vinfengis en sá sem bregst trúnaði veldur vinaskilnaði. Amen.

Orðs:17:7-9

Bæn dagsins...

Betri er þurr brauðbiti í næði en veisla í húsi fullu af deilum. hygginn þræll mun drottna yfir spilltum syni og taka erfðahlut með bræðrunum. Deiglan er fyrir silfrið og bræðsluofninn fyrir gullið en Drottinn prófar hjörtun. Illmennið ljær illmælginni eyra, lygarinn hlýðir á róginn. Sá sem hæðir fátækling óvirðir skapara hans, sá sem hlakkar yfir ógæfu um svara til saka. Barnabörnin eru kóróna öldunganna og foreldrarnir eru sæmd barnanna. Amen.

Orðs:17:1-6

Bæn dagsins...

Hungur erfiðismannsins knýr hann til til verka því að sulturinn rekur á eftir honum. Varmennið bruggar vélráð, orð hans eru sem brennandi eldur. Vélráður maður kveikir illdeilur og rógberinn  veldur vinaskilnaði. Ofbeldismaðurinn ginnir náunga sinn og leiðir hann í ófæru. Hálflukt augu vitna um ill áform, herptar varir um  unnið ódæði. Gráar hærur eru heiðurskóróna, á vegi réttlætis öðlast menn hana.  Sá sem er seinn til reiði er betri en kappi og sá sem stjórnar geði sínu er meiri en sá sem vinnur borgir. Í skikkjufellingu eru teningarnir hristir en   Drottinn ræður hvað upp kemur. Amen.

Orðs. 16:26-33

Bæn dagsins...

Vel farnast þeim sem vel rækir erindi sitt og sæll er sá sem treystir Drottni. Hinn vitri leitar ráða spekinga og vel mælt orð eykur fræðslu. Skynsemin er lífslind þeim sem hana á en heimskan er refsing heimskra. Hjarta spekingsins ræður orðum hans og eykur fræðsluna á vörum hans. Vingjarnleg orð eru hunang. sæt fyrir góminn,lækning fyrir beinin. Margur vegur virðist greiðfær en reynist þó heljarslóð. Amen.

Orðs:16:20-25

Bæn dagsins...

Hve miklu betra er að afla sér visku en gulls og ágætara að afla sér skynsemi en silfurs? Háttur hreinskilinna er að forðast illt, líf sitt varðveitir sá sem gætir breytni sinnar. Dramb er falli næst, hroki veit á hrun. Betra er að vera hógvær með lítillátum en deila feng með dramblátum.Amen.

Orðs:16:16-19