Bæn.

Bæn dagsins:

Ég bið um ró, sem ekkert getur raskað. Ég bið að ég láti ekki hið veraldlega stjórna mér og bæla hið andlega.

Drottinn bíður þess að geta miskunnað yður og heldur kyrru fyrir, unz hann getur líknað yður. því að Drottinn er Guð réttlætis. Sælir eru allir þeir, sem á hann vona. Jes.30:18.

Bæn.

Bæn dagsins:

Ég bið að hugsun mín megi mótast af kærleika og að hann umlyki mig. Ég bið að hugsun mín verði hailbrigð sem og líf mitt allt.

Lát ekki hið vonda yfirbuga þig, heldur sigra þú illt með góðu. Róm.12:21.

Jesús sagði: ,,Hver, sem er ekki með mér, er á móti mér, og hver, sem safnar ekki saman með mér, hann sundurdreifir.'' Matt.12:30.

Bæn.

Bæn dagsins:

Ég bið að ég fái skilning á raunverulegum þörfum mínum og óskum. Ég bið að sá skilningur stuðli að svari við þeim.

Jesús sagði: ,,Komið til mín, allir þér, sem erfiði hafið og þungar byrðar, og ég mun veita yður hvíld.'' Matt.11:28.

Bæn.

Bæn dagsins:

Ég bið að ég fái lifað og hugsað þannig að trú mín eflist. Ég bið að trú mín megi stöðugt þroskast, því að í trúnni er kraftur Guðs ávallt til reiðu.

Jesús sagði: ,,Allt, sem þér viljið, að aðrir menn gjöri yður, það skuluð þér og þeim gjöra.'' Matt.7:12.

Bæn.

Bæn dagsins:

Ég bið, að vörn minni gegn illum hugsunum verði ekki spillr með skapvonsku, óþolinmæði og áhyggjum. Ég bið að ég geti rekið allt slíkt burt úr lífi mínu.

Lát engan líta smáum augum á æsku þína, en ver fyrirmynd trúaðra, í orði, í hegðun, í kærleika, í trú, í hreinleika. 1. Tím. 4:12.

Bæn.

Bæn dagsins:

Ég bið að litlu steinarnir, sem ég legg í mósaik lífs míns, myndi verðugt mynstur. Ég bið að ég öðlist þrautseigju og fái þannig notið samræmis og fegurðar.

Barn er oss fætt, sonur er oss gefinn. Á hans herðum skal höfðingjadómurinn hvíla. Nafn hans skal kallað Undraráðgjafi, Guðhetja, Eilífðarfaðir, Friðarhöfðingi. Jes.9:6.

Bæn.

Bæn dagsins:

Ég bið að ég megi hvílast og að mér verði gefinn styrkur Guðs. Ég bið að ég megi láta vilja minn lúta vilja Guðs og öðlast lausn frá streitu.

Jesús sagði: ,,Hver, sem gjörir vilja föður míns, sem er á himnum, sá er bróðir minn, systir og móðir.'' Matt.12:50.

Guð, lát þér þóknast að frelsa mig, Drottinn, skunda mér til hjálpar. Sálm 70:2.

Bæn.

Bæn dagsins:

Ég bið að ég megi hlýðnast Guði, ganga á hans vegum og hlusta á hann. Ég bið að mér auðnist að sigrast á sjálfselsku minni.

Sælir eru hjartahreinir, því að þeir munu Guð sjá. Matt.5:8.

Gangið inn um þrönga hliðið. Því að vítt er hliðið og vegurinn breiður, sem liggur til glötunar, og margir þeir, sem þar fara inn. Hve þröngt er það og mjór sá vegur, er liggur til lífsins, og fáir þeir, sem finnahann. Matt.7:13-14.

Bæn.

Bæn dagsins:

Ég bið að ég geti  alltaf sótt styrk minn til Guðs, meðan málmur lífs míns er í deiglunni. Ég bið að ég sjái þá hreinsun bera árangur, með Guðs hjálp.

Verið því eigi hryggir, því að gleði Drottins er hlífiskjöldur yðar. Neh.8:10.

Bæn.

 Bæn dagsins:

Ég bið að ég verði þakklátur fyrir það, sem mér hefur óverðugum fallið í skaut. Ég bið að þetta þakklæti gæði mig sannri auðmýkt.

Ef sonurinn gjörir yður frjálsa, munuð þér sannarlega verða frjálsir. 

Jóh.8:36.