Speki Salómons.

Speki Salómons

Guð heyrir orð vor

Spekin er andi sem elskar menn og lætur orðum lastarans ekki óhegnt. Guð er vitni þess sem bærist með manninum, vakir yfir hjarta hans og hlýðir á það sem hann mælir. Andi Drottins fyllir alla heimsbyggðina, hann heldur öllu í skorðum og nemur hvert hljóð. Þess vegna getur enginn dulist sem fer með ranglátt mál né vikist undan réttlætisdómi hans. Vélráð hins óguðlega munu rannsökuð, orð hans munu berast Drottni og sanna misgjörðir hans. Því að Drottinn hlustar eftir öllu með vandlæti, minnsti kurr fer ekki fram hjá honum. Varist því ónytsamt högl og gætið þess að mæla ekki öðrum á bak. Það sem sagt er í leyndum dregur dilk á eftir sér og lyginn munnur tortímir sálinni. 1:6-11.