sálmur:

Ég lúinn fer um land og sjó með lekan bát og slitna skó, með ljósið dauft á döprum kveik, í dimmri hríð og þéttum reyk.

Hvert skref er stutt á langri leið þó líði hratt mitt æviskeið og veik er oft á vegi þeim sú von að maður komist heim.

Þá kemur þú sem glæðir glóð og gefur mér þitt nýja ljóð, hinn skæra eld, hið besta blóm, hinn bjarta klið í allt mitt tóm.

Þú nálgast mig sem blíður byr, í brjósti mínu opnast dyr, þú kemur þangað, Kristur, inn og klæðir mig í faðminn þinn.

Þinn andi lifir innst í mér, þitt auga lengra mínu sér.  Við öll mín spor og leiðarlok þú leiðir mig og berð mitt ok.

                                      Svavar A Jónsson

Athugasemdir

[Gróa Hreinsdóttir, 8.11.2010 kl. 14:24]

Við hvaða lag er þessi fallegi sálmur sunginn?

[Gunnlaugur Halldór Halldórsson, 8.11.2010 kl. 15:31]

veit ekki  Gróa

[Gróa Hreinsdóttir, 8.11.2010 kl. 17:11]

O.k. ég tala bara við Svavar :)