Matteusarguðspjall.

Hann mun fela þig englum sínum og þeir munu bera þig á höndum sér að þú steytir ekki fót þinn við steini. matt,4,6.

Sælir eru fátækir í anda því að þeirra er himnaríki. matt,5,3.

Sálmarnir.

Allir, sem leita hælis hjá þér, munu gleðjast, þeir fagna um aldur. Þú skýlir þeim og þeir sem elska nafn þittbfagna yfir þér því að þú, Drottinn, blessar hinn réttláta, hlífir honum með náð þinni eins og með skildi. AMEN. sálm,5,12-13

Sálmarnnir.

Þjónið Drottni með lotningu, kyssið fætur hans titrandi til að firra yður reiði hans svo að þér farist ekki á veginum því að skjótt blossar upp reiði hans. Sæll er sá er leitar hælis hjáa hhonum. AMEN. sálm,2,11-13.

Rís upp, Drottinn, bjarga mér, Guð minn. sálm,3,8.

Jesaja.

Guð, Drottinn allsherjar, hvatti menn á þeim degi til að gráta og kveina til að raka á sig skalla og gyrða sig hærusekk. En þess í stað ríkti glaumur og gleði, naut voru felld. sauðum slátrað, kjöt snætt og vín drukkið: ,,Etum og drekkum því að á morgun deyjum vér." En Drottinn allsherjar lét hljóma í eyrum mínum: ,,Þessi sekt verður yður ekkifyrirgefin fyrr en þér deyið," segir Guð, Drottinn allsherja. AMEN. jesaja,22,12-14.

Jesaja.

Á þeim degi munuð þér segja: Lofið Drottin, ákallið þér nafn hans. Gerið máttaverk hans kunn meðal þjóðanna. Hafið í minnum að háleitt er nafn hans. Lofsyngð Drorrni því að dásemdarverk hefur hann gert, þasu verða þekkt um alla jörð. Fagnið og gleðjist, þér sem búið á Síon, því að Hinn heilahgi Ísraels er mikill á meðal yðar. AMEN.jesaja,12,4-6.

Sálmarnir.

Hjarta mitt svellur af ljúfum orðum, konungi flyt ég kvæði mitt, tunga mín er sem penni hraðritara. Fegurri ert þú öðrum mönnum, yndi streymir um varir þínar, fyrir því hefur Guð blessað þig að eilífu. Gyrð lendar þínar sverði, þú hetja, ljóma þínum og vegsemd. AMEN. sám,45,2-4.

Sálmarnir.

Um náðarverk Drottins nil ég syngja að eilífu og kunngjöra trúfesti þína með munni mínum frá kyni til kyns. Því að ég segi: Náð þín er traust að eilífu, trúfesti þín grundvölluð á himni. Ég gerði sáttmála við minn útvalda. vann Davíð þjóni mínum eið: Ég mun festa ætt þína í sessi að eilífu og hásæti þitt reisi ég frá kyni til kyns.AMEN.sálm,89,2-5.

Lofaður sé Drottinn að eilífu 

                       AMEN AMEN 

 

Prédikarinn.

Að fæðast hefur sinn tíma og að deyja hefur sinn tíma, að gróðursetja hefur sinn tíma og að rífa upp hið gróðursetta hefur sinn tíma, Amen. prédi,3,2.

 

Prédkarinn.

að kasta steinum hefur sinn tíma og að tína saman steina hefur sinn tíma, að faðmast hefur sinn tíma og að halda sér frá faðmlögum hefur sinn tíma, aðað leita hefur sinn tíma og að týna hefur sinn tíma, að geyma hefue sinn tíma og að fleygja hefur sinn tíma, að rífa sundur hefur sinn tíma og að sauma saman hefur sinn tíma, að þegja hefur sinn tíma og að tala hefur sinn tíma, að elska hefur sinn tíma og að hata hefur sinn tíma, stríð hefur sinn tíma og friður hefur sinn tíma. Hvaða gagn hefur verkamaðurinn af öllu striti sínu? AMEN. prédikarinn,3,5-9.

Sálmarnir.

Drottinn, til himna nær miskunn þín, til skýjanna trúfesti þín. Réttlæti þitt er sem hæstu fjöll, dómar þínir sem reginhaf. Mönnum og skepnum hjálpar þú, Drottinn. Hversu dýrmæt er miskunn þín, ó Guð, mannanna börn leita hælis í skugga vængja þinna. Þau seðjast af nægtum húss þíns og þú lætur þau drekka úr lækjum unaðssemda þinna því að hjá þér er uppspretta lífsins, í þínu ljósi sjáum vér ljós. Lát miskunn þína haldast við þá   sem þekkja þig og réttlæti þitt við þá sem hjartahreinir eru. AMEN. sálm,36,6-11.

Sálmarnir.

Drottinn, þú ert minn Guð, þín leita ég. Sál mína þyrstir eftir þér, hold mitt þráir þig, í vatnslausu landi, skrælnuðu af þurrki. Þannig hef ég litast um eftir þér í helgidóminum til að sjá mátt þinn og dýrð. Miskunn þín er mætari en lífið. Varir mínar skulu vegsama þig. Þannig mun ég lofa þig á meðan ég lifi, hefja upp hendurnar í þínu nafni.AMEN. sálm,63,2-5.

Sálmarnir.

Guð vertu mér náðugur sakir elsku þinnar, afmá brot mín sakir þinnar miklu miskunnsemi. þvo mig hreinan af misgjörð minni, hreinsa mig af synd minni.AMEN. sálm,51,3-4

Sálmarnir

Guð,Drottinn Guð, talar, kallar á jörðina frá sólarupprás til sólarlags. Frá Síon, ímynd fegurðarinnar, birtist Guð í geisladýrð. Guð vor kemur og þegir ekki, fyrir honum fer eyðandi eldur og um hann geisar stormur.AMEN. sálm,50,1-3.

Jóhannesarguðspjall.

Þá sagði Jesús við þá: ,,Sannlega sannlega segi ég yður: Ef þér etið ekki hold Mannssonarins og drekkið blóð hans þá er ekki líf í yður. Sá sem etur hold mitt og drekkur blóð mitt hefur eilíft líf og ég reisi hann upp áefsta degi. Hold mitt er sönn fæða og blóð mitt er sannur drykkur. Amen.Jóh,6,53-55.

      

Lúkasarguðspjall.

Dýrð sé Guði í upphæðum og friður á jörðu og velþóknum Guðs yfir mönnum. Lúk,2,14.

Drottin Guð þinn, skalt þú tilbiðja og þjóna honum einum.Lúk,4,8.

Hann mun fela englum sínum að gæta þín og: þeir munu bera þig á höndum sér, að þú steytir ekki fót þinn við steini. Lúk, 4, 8-11.

Lúkasarguðspjall.

Þá hóf Jesús upp augun, leit á lærisveina sína og sagði:

,,Sælir eruð þér, fátækir, því að yðar er Guðs ríki. Sælir eruð þér sem nú hungrar því að þér munuð saddir verða. Sælir eruð þér sem nú grátið því að þér munuð hlæja. Sælir eruð þér þá er menn hata yður, þá er þeir útskúfa yður og smána og bera út óhróður um yður vegna Mannssonarins. Fagnið á þeim degi og leikið af gleði því að laun yðar eru mikil á mimni og á sama veg fóru feður þeirra með spámennina. AMEN. Lúk,6,20-23.

Sálmarnir.

Hjá Drottni leita ég hælis, hvernig getið þér sagt við mig:,,Fljúgðu sem fugl til fjalla." Sjá hinir óguðlegu hafa spennt boga, lagt örvar á streng til að hæfa hina hjartahreinu í skjóli myrkurs. Sé grunnurinn brostinn, hvað megnar þá hinn réttláti? Drottinn er í sínu heilaga musteri, hásæti Drottins er á himnum. Amen. sálm,11,1-4.

Sálmarnir.

Drottinn, hversu margir eru óvinir mínir, margir rísa gegn mér, ,,Hann fær enga hjálp frá Guði." En þú, Drottinn, ert skjöldur minn, sæmd mín og lætur mig bera höfuðið hátt. Ég hrópa hátt til Drottins og hann svarar af sínu heilaga fjalli. Ég leggst til hvíldar og sofna, ég vakna því að Drottinn hjálpar mér. Ég óttast eigi þó að óvígur her fylki sér gegn mér á alla vegu. Gís upp, Drottinn, bjarga mér, Guð minn, því að þú löðrungar fjandmenn mína, brýtur tennur óguðlegra. Hjálpin kemur frá Drottni. Blessun þín komi yfir lýð þinn. AMEN. sálm,3,2-9.

Sálmarnir.

Heyr orð mín, Drottinn, gef gaum að andvörpum mínum. Heyr þú hróp mitt, konungur minn og Guð minn, því að til þín bið ég. Á morgnana heyrir þú ákall mitt, Drottinn, á morgnana færi ég þér fórn mína og bíð þín. Þú ert ekki guð sem gleðst yfir ranglæti, því geta vondir menn ekki leitað skjóls hjá þér. Dramblátir standast ekki fyrir augum þínum, illvirkja hatar þú. Þú tort´´imir lygurum. Drottinn hefur andstyggð á blóðþyrstum og svikurum. En ég fæ að ganga í hús þitt fyrir mikla miskunn þína, fæ að falla fram fyrir þínu heilaga mussteri í ótta frammi fyrir þér. AMEN.sálm,5,2-8.

Sálmarnir.

Heyr  bæn mína, Drottinn, legg eyru við ákalli mínu, ver eigi hljóður þegar ég græt því að ég er aðkomumaður hjá þér, útlendingur eins og allir feður mínir.Líttu af mér svo að hýrni yfir mér áður en égfer burt og er eigi framar til. AMEN. sálm,39,13-14.