Lúkasarguðspjall.

Dýrð sé Guði í upphæðum og friður á jörðu og velþóknum Guðs yfir mönnum. Lúk,2,14.

Drottin Guð þinn, skalt þú tilbiðja og þjóna honum einum.Lúk,4,8.

Hann mun fela englum sínum að gæta þín og: þeir munu bera þig á höndum sér, að þú steytir ekki fót þinn við steini. Lúk, 4, 8-11.

Lúkasarguðspjall.

Þá hóf Jesús upp augun, leit á lærisveina sína og sagði:

,,Sælir eruð þér, fátækir, því að yðar er Guðs ríki. Sælir eruð þér sem nú hungrar því að þér munuð saddir verða. Sælir eruð þér sem nú grátið því að þér munuð hlæja. Sælir eruð þér þá er menn hata yður, þá er þeir útskúfa yður og smána og bera út óhróður um yður vegna Mannssonarins. Fagnið á þeim degi og leikið af gleði því að laun yðar eru mikil á mimni og á sama veg fóru feður þeirra með spámennina. AMEN. Lúk,6,20-23.

Sálmarnir.

Hjá Drottni leita ég hælis, hvernig getið þér sagt við mig:,,Fljúgðu sem fugl til fjalla." Sjá hinir óguðlegu hafa spennt boga, lagt örvar á streng til að hæfa hina hjartahreinu í skjóli myrkurs. Sé grunnurinn brostinn, hvað megnar þá hinn réttláti? Drottinn er í sínu heilaga musteri, hásæti Drottins er á himnum. Amen. sálm,11,1-4.

Sálmarnir.

Drottinn, hversu margir eru óvinir mínir, margir rísa gegn mér, ,,Hann fær enga hjálp frá Guði." En þú, Drottinn, ert skjöldur minn, sæmd mín og lætur mig bera höfuðið hátt. Ég hrópa hátt til Drottins og hann svarar af sínu heilaga fjalli. Ég leggst til hvíldar og sofna, ég vakna því að Drottinn hjálpar mér. Ég óttast eigi þó að óvígur her fylki sér gegn mér á alla vegu. Gís upp, Drottinn, bjarga mér, Guð minn, því að þú löðrungar fjandmenn mína, brýtur tennur óguðlegra. Hjálpin kemur frá Drottni. Blessun þín komi yfir lýð þinn. AMEN. sálm,3,2-9.

Sálmarnir.

Heyr orð mín, Drottinn, gef gaum að andvörpum mínum. Heyr þú hróp mitt, konungur minn og Guð minn, því að til þín bið ég. Á morgnana heyrir þú ákall mitt, Drottinn, á morgnana færi ég þér fórn mína og bíð þín. Þú ert ekki guð sem gleðst yfir ranglæti, því geta vondir menn ekki leitað skjóls hjá þér. Dramblátir standast ekki fyrir augum þínum, illvirkja hatar þú. Þú tort´´imir lygurum. Drottinn hefur andstyggð á blóðþyrstum og svikurum. En ég fæ að ganga í hús þitt fyrir mikla miskunn þína, fæ að falla fram fyrir þínu heilaga mussteri í ótta frammi fyrir þér. AMEN.sálm,5,2-8.

Sálmarnir.

Heyr  bæn mína, Drottinn, legg eyru við ákalli mínu, ver eigi hljóður þegar ég græt því að ég er aðkomumaður hjá þér, útlendingur eins og allir feður mínir.Líttu af mér svo að hýrni yfir mér áður en égfer burt og er eigi framar til. AMEN. sálm,39,13-14.

Sálmarnir.

Lát mig ná rétti mínum, Guð, sæktu mál mitt gegn miskunnarlausri þjóð, bjarga mér frá svikulum og ranglátum mönnum. Því að þú ert sá Guð sem er mér vígi, hví hefur þú útskúfað mér, hví verð ég að ganga um harmandi, kúgaður af óvinum? Send ljós þitt og trúfesti þína, þau skulu leiða mig, þau skulu fara með mig til fjallsins þíns helga, til bústaðar þíns, svo að ég megi inn ganga að altari Guðs, til Guðs, minnar fagnandi gleði, og lofa þig undir hörpuslætti, Guð, þú Guð minn. Hví ert þú buguð, sál mín, og ólgar í mér? Vona á Guð því að enn mun ég fá að lofa hann, hjálpræði auglitis míns og Guð minn. AMEN. sálm. 43,1-5.

Sálmarnir.

Til þín, Drottinn, hef ég sál mína, Guð minn, þér treysti ég, lát mig eigi verða til skammar, lát eigi óvini mína hlakka yfir mér. Enginn sem á þig vonar  mun til skammar verða, þeir einir verða til skammar sem ótrúir eru að tilefnislausu. AMEN. sálm,25,2-3,

Vísa mér vegu þína, Drottinn, ken mér stigu þína.

 

Sálmarnir.

Hjá þér, Drottinn, leita ég hælis, lát mig aldrei verða til skammar. Bjarga mér í réttlæti þínu. Hneig eyra þitt að mér, kom skjótt mér til hjálpar. Ver mér verndarbjarg, vígi mér til hjálpar, því að þú ert bjarg mitt og vígi og sakir nafns þíns munt þú leiða mig og stjórna mér. Leystu mig úr netinu sem lagt var fyrir mig því að þú ert vöööörn  mín. Í þínar hendur fel ég anda minn, þú frelsar mig, Drottinn, þú trúfasti Guð. Ég hata þá sem dýrka fánýt skurðgoð en treysti Drottni.Amen. sálm,31,2-7.

Sálmaarnir.

Drottinn, þú heimtir sál mína úr helju, lést mig halda lífi þegar aðrir gengu til grafar. Syngið Drottni lof, þér hans trúuðu, vegsamið hans heilaga nafn. Andartak stendur reiði hans en alla ævi náð hans. Að kveldi gistir oss grátur en gleðisöngur að morgni. Ég uggði ekki að mér og sagði: ,,Aldrei skriðnar mér fótur." Drottinn, af náð þinni gerðir þú fjall mitt að vígi en þegar þú huldir auglit þitt skelfdist ég. Til þín, Drottinn, hrópaði ég og ákallaði Guð minn um miskunn: ,, Hvaða ávinningur er af dauða mínum, af því að ég gengi til grafar? Getur duftið lofað þig, kunngjört trúfesti þína? Heyr, Drottinn, ver mér náðugur, Drottinn, kom mér til hjálpar." Þú breyttir gráti mínum í gleðidans, leystir af mér hærusekkinn og gyrtir mig fögnuði, því vil ég syngja þér lof og eigi þagna. Drottinn, Guð minn, ég vil þakka þér að eilífu. AMEN. sálm.30,4-13,

 

Sálmarnir.

Til þín, Drottinn, hrópa ég, þú bjarg mitt ,ver eigi hjóður gagnvart mér. Ef þú þegir við mér verð ég sem þeir er til grafar eru gengnir. Heyr þú grátbeiðni mína þegar ég hrópa til þín á hjálp, þegar ég lyfti höndum til  hins allra helgasta í musteri þínu. Sviptu mér ekki burt með óguðlegum og níðingum sem tala vinsamlega við náunga sinn en hafa illt í hyggju. Launa þeim eftir verkum þeirra, eftir þeirra illu breytni, launa þeim eftir verkum handa þeirra, lát þá kenna á eigin verkum. Þar sem þeir virða verk Drottins einskis eða handaverk hans mun hann rífa þá niður og aldrei reisa þa upp. AMEN. sálm,28,1-5.

Ég lofa þig, Drottinn, því að þú dróst mig upp úr djúpinu og lést óvini mína ekki hlakka yfir mér. Drottinn, Guð minn, ég hrópaði til þín og þú læknaðir mig. AMEN. sálm 30,3.

Sálmarnir.

Lofaður sé Drottinn því að hann hefur heyrt grátbeiðni mína. Drottinn er styrkur minn og skjöldur, honum treystir hjarta mitt. Ég hlaut hjálp, því fagnar hjarta mitt, og með ljóðum mínum lofa ég hann. Drottinn er styrkur lýð sínum, vígi til varnar sínum smurða Hjálpa lýð þínum og blessa eign þína. Ver hirðir þeirra og ber þá að eilífu. AMEN. sálm,28,6-9.

Sálmarnir.

Þótt faðir minn og móðir yfirgefi mig tekur Drottinn mig að sér. Vísa mér veg þinn, Drottinn, leiddu mig á beina braut vegna óvina minna. Ofursel mig ekki græðgi hatursmanna minna, falsvitni rísa gegn mér og blása af heift. En ég treysti því að fá að sjá gæsku Drottins á landi lifenda. Já, vona á Drottin, ver öruggur og hugrakkur, vona á Drottin. AMEN. sálm,27,10-14.

Sálmarnir.

Eins hef ég beðið Drottin, það eitt þráð ég, að ég fái að dveljast í húsi Drottins alla ævidaga mína til þess að horfa á yndisleik Drottins og leita svara í musteri hans. Því að hann geymir mig í skjóli sínu á óheilladeginum, hylur mig í fylgsnum tjalds síns og lyftir mér upp á klett. Nú ber ég höfuðið hátt gagnvart óvinum mínum umhverfis mig, með fögnuði færi ég fórnir í tjaldi hans, syng og leik Drottni. Heyr, Drottinn, ég hrópa hátt, ver mér náðugur og bænheyr mig. Ég minnist þess að þú sagðir: ,,Leitið auglitis míns." Ég vil leita auglitis þíns, Drottinn. Hyl eigi auglit þitt fyrir mér, vísa þjóni þínum ekki frá þér í reiði, þú, sem hefur hjálpað mér. Hrind mér eigi burt og yfirgef mig eigi, þú Guð hjálpræðis míns. AMEN. sálm,27,4-9.

Sálmarnir.

Drottinn er ljós mitt og fulltingi, hvern ætti ég að óttast? Drottinn er vígi lífs míns, hvern ætti ég að hræðast? þegar illvirkjar þrengja að mér til þess að gleypa mig verða það andstæðingar mínir og óvinir sem hrasa og falla. Þó að her setjist um mig óttast hjarta mitt ekki, þó að stríð brjótist út gegn mér er ég samt öruggur. AMEN. sálm.27,1-3.

Bæn.

Jesús sagði: ,,Hjarta yðar skelfist ekki. Trúið á Guð, og trrúið á mig." Jóh.14:1.

Trúin er fullvíssa um það, sem menn vona, sannfæring um þá hluti, sem eigi er auðið  að sjá. Heb.11:1

bæn.

Hjálp mín kemur frá Drottni, skapara himins og jarðar.Sálm 121,2.

Sálmarnir.

Lát mig ná rétti mínum, Drottinn, því að ég geng fram í ráðvendni,ég treysti Drottni og bifast ekki. Rannsaka mig, Drottinn, og reyn mig, prófa nýru mín og hjarta. því að ég hef gæsku þína fyrir augum og geng í trausti til þín.AMEN.sálm.26,1-3.

Hann,sem þyrmdi ekki sínum eigin syni, heldur framseldi hann fyrir oss alla, hví skyldi hann ekki líka gefa oss allt með honum? Róm.8:32.

Bæn.

Verið því eigi hryggir, því að gleði Drottins er hlífiskjöldur yðar, Neh.8:10

Lofið Drottin, öll hans verk, vegsamið hann og miklið að eilífu.

Bæn.

Sérhver, sem trúir á Krist, mun ekki verða til wskammar.Róm.9,33.