Bæn dagsins.

Hann var særður vegna vora synda og kraminn vegna misgjörða. Hegningin, sem vér höfðum til unnið     , kom niður á honum, og fyrir hans benjar urðum vér heilbrigðir. Jes.53:5.

Ef einhver er í Kristi, er hann skapaður á ný, hið gamla varð að engu, sjá, nýtt er orðið til.2. Kor.5:17.

Jesús sagði: ,,Hjarta yðar skelfist ekki. Trúið á Guð, og trúið á mig." Jóh.14:1.

Markúsarguðspjall.

Sá er mikill vill verða

Þá komu til Jesú Jakob og Jóhannes, synir Sebedeusar, og sögðu við hann: ,, Meistari, okkur langar að þú gerir fyrir okkur það sem við ætlum að biðja þig." Hann spurði þá: ,,Hvað viljið þið að ég geri fyrir ykkur?" Þeir svöruðu: ,, Veit okkur að við fáum að sitja þér við hlið í dýrð þinni, annar til hægri handar þér og hinn til vinstri." Jesús sagði við þá: ,,Þið vitið ekki hvers þið biðjið. Getið þið drukkið þann kaleik, sem ég drekk, eða skírst þeirri skírn sem ég skírist?" Þeir sögðu við hann: ,,Það getum við." Jesús mælti. ,,Þann kaleik, sem ég drekk, munuð þið drekka g þið munuð skírast þeirri skírn sem ég skírist. En ég ræð því ekki hver situr mér til hægri handar eða vinstri. Það veitist þeim sem það er fyrirbúið. Þegar hinir tíu heyrðu þetta gramdist þeim við þá Jakob og Jóhannes. En Jesús kallaði þá til sín og mælti: ,,Þið vitið að þeir sem teljast ráða fyrir þjóðum drottna yfir þeim og höfðingjar þeirra láta menn kenna á valdi sínu. En eigi sé svo meðal ykkar heldur sé sá sem mikill vill verða meðal ykkar þjónn ykkar. Og sá er vill fremstur vera meðal ykkar sé allra þræll. Því að Mannssonurinn er ekki kominn til þess að láta þjóna sér heldur til að þjóna og gefa líf sitt til lausnargjalds fyrir alla." Mark.10:35-45.

Markúsarguðspjall.

Upp til Jerúsalem

Þeir voru nú á leið upp til Jerúsalem.Jesús gekk á undan þeim en þeir voru skelfdir og þau sem eftir fylgdu voru hrædd. Og enn tók Jesús til sín þá tólf og fór að segja þeim hvað fram við sig ætti að koma. ,,Nú förum við upp til Jerúsalem. Þar verður Mannssonurinn framseldur æðstu prestum og fræðimönnum. Þeir munu dæma hann til dauða og framselja hann heiðingjum. Og þeir munu hæða hann, hrækja á hann, húðstrýkja og lífláta en eftir þrjá daga mun hann upp rísa." Mark.10:32-34.

Bæn dagsins.

Jesús Kristur er í gær og í dag hinn sami og um aldir. Heb.13:8.

Sýnið enga fégirni í hegðun yðar, en látið yður nægja það, sem þér hafið. Guð hefir sjálfur sagt: ,Ég mun ekki sleppa af þér hendinni né yfirgefa þig." Heb.13:5.

Jesús sagði: ,,Hvar, sem tveir eða þrír eru saman komnir í mínu nafni, þar er ég mitt á meðal þeirra." Matt.18:20.

Bæn dagsins.

Jesús sagði: ,,Leyfið börnunum að koma, varnið þeim eigi, því að slíkra er Guðs ríki."Mark.10:14

Þú skalt vegsama Drottin  þinn fyrir landið góða, sem hann gaf þér. 5.Mós.8:10.

Jesús sagði: ,,Þann, sem blygðast sín fyrir mig og mín orð hjá þessari ótrúu, syndugu kynslóð, mun Mannssonurinn blygðast sín fyrir, er hann kemur í dýrð föður síns með heilögum englum." Mark.8:38.

Markúsarguðspjall.

Eins er þér vant

Þegar Jesús var að leggja af stað kom maður hlaupandi, féll á kné fyrir honum og spurði hann: ,, Góði meistari, hvað á ég að gera til þess að öðlast eilíft líf?" Jesús sagði við hann: ,,Hví kallar þú mig góðan? Enginn er góður nema Guð einn. Þú kannt boðorðin: Þú skalt ekki morð fremja. þú skalt ekki drýgja hór, þú skalt ekki stela, þú skalt ekki bera ljúgvitni, þú skalt ekki pretta, heiðra föður þinn og móður." Hinn svaraði honum: ,, Meistari alls þessa hef ég gætt frá æsku." Jesús horfði á hann með ástúð og sagði við hann: ,, Einn er þér vant. Far þú, sel allt sem þú att og gef fátækum og munt þú fjársjóð eiga á himni. kom síðan og fylg mér." En hann varð dapur í bragði við við þessi orð og fór burt hryggur enda átti hann miklar eignir. Þá leit Jesús í kring og sagði við lærisveina sína: ,,Hve torvelt verður þeim sem auðinn hafa að ganga inn í Guðs ríki." Lærisveinunum brá mjög við orð Jesú en hann sagði aftur við þá: ,,Börn, hve torvelt er að komast inn í Guðs ríki. Auðveldara er úlfalda að fara gegnum nálarauga en auðmanni að komast inn í Guðs ríki." En þeir urðu steini lostnir og sögðu sín á milli: ,,Hver getur þá orðið hólpinn?" Jesús horfði á þá og sagði. ,,Menn hafa engin ráð til þessa en Guði er ekkert um megn." Þá sagði Pétur við hann: ,, Við yfirgáfum allt og fylgdum þér." Jesús sagði: ,,Sannlega segi ég ykkur að enginn hefur yfirgefið heimili, bræður eða systur, móður eða föður, börn eða akra vegna mín og fagnaðarerindisins án þess að hann fái hundraðfalt aftur, nú á þessum tíma heimili, bræður og systur, maður, börn og akra, jafnframt ofsóknum, og hinum komanda heimi eilíft líf. En margir hinir fyrstu munu verða síðastir og hinir síðustu fyrstir." Mark.10:17-31.

Markúsarguðspjall.

Slíkra er Guðs ríki

Menn færðu börn til Jesú að hann snerti þau en lærisveinarnir átöldu þá. Þegar Jesús sá það sárnaði honum og hann mælti við þá: ,,Leyfið börnunum að koma til mín, varnið þeim eigi því að slíkra er Guðs ríki. Sannlega segi ég ykkur. Hver sem tekur ekki við Guðs ríki eins og barn mun aldrei inn í það koma." Og Jesús tók þau sér í faðm, lagði hendur yfir þau og blessaði þau. Mark.10:13-16.

 

Bæn dagsins.

Augu Drottins hvarfla um alla jörðina, til þess að hann megi sýna sig máttakan þeim til hjálpar,sem eru heils hugar við hann. 2. kron.16:9.

Leitið Drottins, meðan hann er að finna, kallið á hann, meðan hann er nálægur! Jes.55:6.

Jesús sagði: ,,Hverja þá bæn, sem tveir yðar verða einhuga um á jörðu, mun faðir minn á himnum veita þeim." Matt.18:19.

Markúsarguðspjall.

Það sem Guð hefur tengt

Jesús tók sig upp þaðan og hélt til byggða Júdeu handan Jórdanar. Fjöldi fólks safnast enn til hans og hann kenndi því eins og hann var vanur. Farísear komu og spurðu Jesú hvort maður mætti skilja við konu sína. þeir vildu reyna hann. hann svaraði þeim: ,, Hvað hefur Móse boðið ykkur? Þeir sögðu: ,,Móse leyfði að rita skilnaðarbréf og skilja við hana." Jesús mælti þá til þeirra: ,,Hann ritaði ykkur þetta boðorð vegna þverúðar ykkar en frá upphafi sköpunar gerði Guð þau karl og konu. Fyrir því skal maður yfirgefa föður sinn og móður og bindast konu sinni og þau tvö skulu verða einn maður. Þannig eru þau ekki framar tvö heldur einn maður. Það sem Guð hefur tengt saman má maður eigi sundur skilja." Þegar lærisveinarnir voru komnir inn spurðu þeir Jesú aftur um þetta. En hann sagði við þá: ,, Sá sem skilur við konu sína og kvænist annarri drýgir hór gegn henni. Og ef kona skilur við mann sinn og giftist öðrum drýgir hún hór." Mark.10:1-12.

Bæn dagsins.

Sæll er sá maður, sem stenzt freistingu, því að þegar hann hefir reynzt hæfur, mun hann öðlast kórónu lífsins, sem Guð hefir heitið þeim, er elska hann. Jak.1:12.

Ef einhver óttast Drottin, mun hann kenna honum veg þann, er hann á að velja. Sálm.25:12.

Drottinn láti sína ásjónu lýsa yfir þig og sé þér náðugur! Drottinn upplyfti sínu augliti yfir þig og gefi þér frið! 4.Mós.6:25-26.

Markúsarguðspjall.

Varnið þess ekki

Jóhannes sagði við hann: ,,Meistari, við sáum mann reka út illa anda í þínu nafni og vildum við varna honum þess af því að hann fylgdi okkur ekki." Jesús sagði: ,,Varnið honum þess ekki því að enginn gerir kraftaverk í mínu nafni og fer þegar á eftir að tala illa um mig. Sá sem er ekki á móti okkur er með okkur. Sannlega segi ég ykkur að hver sem gefur ykkur bikar vatns að drekka vegna þess að þið hafið játast Kristi, hann mun alls ekki missa af launum sínum. Mark.9:38-41.

Hverju skal til kosta?

Hverjum þeim sem tælir til falls einn af þessum smælingjum sem trúa væri betra að vera varpað í hafið með mylnustein um hálsinn. Ef hönd þín tælir þig til falls þá sníð hana af. Betra er þér handarvana inn að ganga til lífsins en hafa báðar hendur og fara til helvítis, í hinn óslökkvandi eld. (Þar sem ormarnir deyja ekki og eldurinn slokknar ekki.) Ef fótur þinn tælir þig til falls þá sníð hann af. Betra er þér höltum inn að ganga til lífsins en hafa báða fætur og verða kastað í helvíti. (Þar sem ormarnir deyja ekki og eldurinn slokknar ekki.) Og ef auga þitt tælir þig til falls þá ríf það úr. Betra er þér eineygðum inn að ganga í Guðs ríki en hafa bæði augu og verða kastað í helvíti þar sem ormarnir deyja ekki og eldurinn slokknar ekki. Sérhver mun eldi saltast. Saltið er gott en ef saltið missir seltuna, með hverju viljið þið þá krydda það? Hafið salt í sjálfum ykkur og haldið frið ykkar á milli.." Mark.9:42-50.

Bæn dagsins.

Prófa mig, Guð, og þekktu hjarta mitt, rannsaka mig og þekktu hugsanir mínar, og sjá þú, hvort ég geng á glötunarvegi, og leið mig hinn eilífa veg. Sálm.139:23-24.

Svo elskaði Guð heiminn, að hann gaf einkason sinn, til þess að hver sem á hann trúir, glatist ekki, heldur hafi eilíft líf. Jóh.3:16.

fyrst þér því eruð uppvaktir með Kristi, þá keppist eftir því, sem er hið efra, þar sem Kristur situr við hægri hönd Guðs. Hugsið um það, sem er hið efra, en ekki um þa, sem á jörðunni er. Kól.3:1-2.

Markúsarguðsplajj.

Þeir skildu ekki

Þeir héldu nú brott þaðan og fóru um Galíleu en Jesús vildi ekki að neinn vissi það því að hann var að kenna lærisveinum sínum. Hann sagði þeim: ,,Mannssonurinn verður framseldur í manna hendur og þeir munu lífláta hann en eftir þrjá daga mun hann rísa upp." En þeir skildu ekki það sem hann sagði og þorðu ekki að spyrja hann. 

Hver er mestur?

Þeir komu til Kapernaúm. Þegar þeir voru komnir inn spurði Jesús þá: ,,Hvað voruð þið að ræða á leiðinni?" En þeir sögðu . Þeir höfðu verið að ræða það sín á milli á leiðinni hver væri mestur. Hann settist niður, kallaði á þá tólf og sagði við þá: ,,Hver sem vill vera fremstur sé síðastur allra og þjónn allra."  Og hann tók lítið barn, setti það meðal þeirra, tók það sér í faðm og sagði við þá: ,,Hver sem tekur við einu slíku barni í mínu nafni tekur við mér og hver sem tekur við mér tekur ekki aðeins við mér heldur og við þeim er sendi mig." Mark.9:30-37.

 

Bæn dagsins

Hvern á ég annars að á himnum? Og hafi ég þig, hirði ég eigi um neitt á jörðu. Þótt hold mitt og hjarta tærist, er Guð bjarg hjarta míns og hlutskipti mitt um eilífð. Sálm.73:25-26.

Hvernig fáum vér undan komizt, ef vér vanrækjum slíkt hjálpræði, sem flutt var að upphafi af Drottni?

Heb.2:3.

Drottinn er í nánd Fil.4:5.

Þetta er sú djörfung, sem vér höfum til hans: Ef vér biðjum um eitthvað eftir hans vilja, þá heyrir hann oss. 1.Jóh.5:14.

 

Bæn dagsins

Jesús sagði: ,,Mitt ríki er ekki af þessum heimi." Jóh.18:36.

Jesús sagði: ,,Hvar, sem fjársjóður yðar er, þar mun og hjarta yðar vera." Lúk.12:34.

Ég leitaði Drottins, og hann svaraði mér,frelsaði mig frá öllu því, er ég hræddist. Sálm.34:5.

Bæn dagsins.

Hann skaltu láta heita Jesúm, því að hann mun frelsa lýð sinn frá syndum þeirra. Matt.1:21

Ég og ættmenn mínir munum þjóna Drottni. Jós.24:15.

Ef sonurinn frelsar yður munuð þér sannarlega verða frjálsir. Jóh.8:36.

 

 

Bæn dagsins

Verið góðviljaðir hver við annan, miskunnsamir, fúsir til að fyrirgefa hver öðrum, eins og Guð hafir í Kristi fyrirgefið yður. Efes.4:32.  Ef vér játum syndir vorar, þá er hann trú og réttlátur, svo að hann fyrirgefur oss syndirnar og hreinsar oss af öllu ranglæti. 1.Jóh.1:9.

Markúsarguðspjall.

Hjálpa þú vantrú minni

Þegar þeir komu til lærisveinanna sáu þeir mannfjölda mikinn kringum þá og fræðimenn að þrátta við þá. En um leið og fólkið sá hann sló þegar felmtri á menn og þeir hlupu til og heilsuðu Jesú. Hann spurði þá: ,,Um hvað eruð þið að þrátta við þá?" En einn úr mannfjöldanum svaraði honum: ,,Meistari, ég færði til þín son minn sem er haldinn illum anda svo að hann getur ekki talað. Hvar sem andinn grípur hann slengir hann honum flötum og hann froðufellir, gnístir tönnum og stirðnar upp. Ég bað lærisveina þína að reka hann út en þeir gátu það ekki." Jesús svaraði þeim: ,,þú vantrúa kynslóð, hversu lengi á ég að vera hjá ykkur? Hversu lengi á ég að umbera ykkur? Færið hann til mín." Þeir færðu hann þá til Jesú en um leið og andinn sá hann teygði hann drenginn ákaflega, hann féll til jarðar, veltist um og froðufelldi. Jesús spurði þá föður hans: ,,Hve lengi hefur honum liðið svo? Faðirinn sagði: ,,Frá bernsku. Og oft hefur illi andinn kastað honum Bæði í eld og vatn til að fyrirfara honum. En ef þú getur nokkuð þá sjá aumur á okkur og hjálpa okkur." Jesús sagði við hann: ,,Ef þú getur! Sá getur allt sem trúir." Jafnskjótt hrópaði faðir sveinsins: ,,Ég trúi, hjálpa þú vantrú minni." Nú sér Jesús að mannfjöldi þyrpist að. Þá hastar hann á óhreina andann og segir: ,,Þú daufdumbi andi, ég býð þér, far út af honum og kom aldrei framar í hann." Þá æpti andinn, teygði hann mjög og fór en sveinninn varð sem nár svo að flestir sögðu: ,,Hann er dáinn." En Jesús tók í hönd honum og reisti hann upp og hann stóð á fætur. Þegar Jesús var kominn inn og orðinn einn með lærisveinum sínum spurðu þeir hann: ,,Hvers vegna gátum við ekki rekið hann út?" Jesús mælti: ,,Þetta kyn verður eigi út rekið nema með bæn." Mark.9:14-29.

Bæn dagsins

Í upphafi skapaði Guð himin og jörð. 1.Mós.1:1

Ef þú játa með muni þínum: Jesús er Drottinn - og trúir í hjarta þínu, að Guð hafi uppvakið hann frá dauðum, muntu hólpinn verða. Með hjartanu er trúað til réttlætis, en með munninum játað til hjálpræðis. Róm.10:9-10.

Hvað segir ritningin: ,,Abraham trúði Guði, og það var reiknað honum til réttlætis." Róm.4:3.

markúsarguðspjall.

Þessi er minn elskaði sonur

Eftir sex dagar tekur Jesús með sér þá Pétur, Jakob og Jóhannes og fer með þá upp á hátt fjall að þeir væru einir saman. þar ummyndaðist hann fyrir augum þeirra og klæði hans urðu fannhvít og skínandi og fær enginn bleikir á jörðu svo hvítt gert. Og Elía og Móse birtust þeim og voru þeir á tali við Jesú. Þá tekur Pétur til máls og segir við Jesú: ,,Meistari, gott er að við erum hér. Gerum þrjár tjaldbúðir, þér eina, Móse eina og Elía eina." Hann vissi ekki hvað hann átti að segja enda urðu þeir mjög skelfdir. Þá kom ský og skyggði yfir þá og rödd kom úr skýinu: ,,Þessi er minn elskaði sonur, hlýðið á hann! Og jafnskjótt litu lærisveinarnir í kringum sig og sáu engan framar hjá sér nema Jesú einan. Á leiðinni ofan fjallið bannaði Jesús þeim að segja nokkrum frá því er þeir höfðu sér fyrr en Mannssonurinn væri risinn upp frá dauðum. Þeir festu orðin í minni og ræddu um hvað væri að rísa upp frá dauðum. Og þeir spurðu hann: ,,Hví segja fræðimennirnir að Elía eigi fyrst að koma?"  Jesús svaraði þeim: ,,Víst kemur Elía fyrst og færir allt í lag. En hvernig er ritað um Mannssoninn? Á hann ekki margt að líða og verða smáður' En ég segi ykkur. Elía er kominn og þeir gerðu honum allt sem þeir vildu, eins og ritað er um hann." Mark.9:2-13.