Bæn dagsins.

Jesús sagði: ,,Hvar, sem tveir eða þrír eru saman komnir í mínu nafni, þar er ég mitt á meðal þeirra." Matt.18:20

Um Jesúm: ,,Ekki er hjálpræðið í neinum öðrum. Og ekkert annað nafn er mönnum gefið um víða veröld, sem getur frelsað oss." Post.4:12.

Ef vér segjum: ,,Vér höfum samfélag við hann," og göngum þó ío myrkrinu, þá ljúgum vér og iðkum ekki sannleikann. 1:Jóh.1:6.

Markúsarguðspjall.

Gott verk gerði hún

Jesús var í Betaníu, í húsi Símonar líkþráa, og sat að borði. Þá kom þar kona og hafði alabastursbuðk með ómenguðum, dýrum nardussmyrslum. Hún braut buðkinn og hellti yfir höfuð honum. En þar voru nokkrir er gramdist þetta og þeir sögðu sín á milli: ,,Til hvers er þessi sóun á smyrslum? Þessi smyrsl hefði mátt selja fyrir meira en þrjú hundruð denara og gefa fátækum. Og þeir atyttu hana. En Jesús sagði: ,,Látið hana í friði! Hvað eruð þig að angra hana? Gott verk gerði hún mér. Fátæka hafið þig jafnan hjá ykkur og getið gert þeim gott nær þið viljið en mig hafið þið ekki ávallt. Hún gerði það sem í hennar valdi stóð. Hún hefur fyrir fram smurt líkama minn til greftrunar. Sannlega segi ég ykkur: Hvar sem fagnaðarerindið verður flutt, um heim allan, mun og getið verða þess sem hún gerði og hennar minnst." Mark.14:3-9.

Markúsarguðspjall.

Með svikum

Nú voru tveir dagar til páska og hátíðar ósýrðu brauðanna. Og æðstu prestarnir og fræðimennirnir leituðu fyrir sér hvernig þeir gætu handsamað Jesú með svikum og tekið hann af lífi. En þeir sögðu: ,,ekki á hátíðinni, þá gæti orðið uppþor meðal fólksins." Mark.14: 1-2.

markúsarguðspjall.

Vakið

En þann dag eða stund veit enginn, hvorki englar á himni né sonurinn, enginn nema faðirinn. Gætið yðar, vakið þér vitið ekki nær tíminn er kominn. Svo er þetta sem maður fari úr landi, skilji við hús sitt og feli þjónum sínum umráðin, hverjum sitt verk. Dyraverðinum býður hann að vaka. Vakið því, þér vitið ekki nær húsbóndinn kemur, að kveldi, á miðnætti, í óttu eða dögun. Látið hann ekki finna yður sofandi þegar hann kemur allt í einu. Það sem ég segi yður, það segi ég öllum: Vakið!" Mark.13:32-37.

Bæn dagsins.

Augu mín mæna til himins. Drottinn, ég er í nauðum, líkna þú mér. Jes.38:14.

Látið orð Krists búa ríkulega hjá yður með allri sprki. Fræðið og áminnið hver annan með sálmum, lofsöngum og andlegum ljóðum, og syngið Guði sætlega lof í hjörtum yðar. Kól.3:16.

Sérhver gefi eins og hann hefir ásett sér í hjarta sínu, ekki með ólund eða með nauðung, því að Guð elskar glaðan gjafara. 2.Kor.9:7.

Bæn dagsins.

Hjálp vor er fólgin í nafni Drottins, skapara himins og jarðar. Sálm.124:8.

Óttist aðeins og þjónið honum trúlega af öllu hjarta yðar, því sjáið,hversu mikið hann hefir fyrir yður gjört. 1. Sam.12:24

Ákalla mig á degi neyðarinnar, og ég mun  frelsa þig, og þú skalt vegsama mig. Sálm.50:15.

Markúsarguðspjall.

Sumar í nánd

Nemið líkingu af fíkjutrénu. Þegar greinar þess fara að mýkjast og laufið að springa út, þá vitið þér að sumar er í nánd. Eins skuluð þér vita,þegar þér sjáið þetta verða, að endirinn er í nánd, fyrir dyrum. Sannlega segi ég yður: Þessi kynslóð mun ekki líða undir lok uns allt þetta er komið fram. 

Himinn og jörð munu líða undir lok en orð mín munu aldrei undir lok líða. Mark.13:28-31.

Markúsarguðspjall.

Mannssonurinn kemur

En á þeim dögum, eftir þrenging þessa,

mun sólin sortna og tunglið hætta að skína.

Stjörnurnar munu hrapa af himni og festingin riðlast.

Þá munu menn sjá Mannssoninn koma í skýjum með miklum mætti og dýrð. Og hann mun senda út englana og safna sínum útvöldu úr áttunum fjórum, frá skautum jarðar til himinskauta. Mark.13:24-27.

Bæn dagsins.

Jesús sagði: ,,Hver, sem gjörir vilja föður míns, sem er á himnum, sá er bróðir minn, systir og móðir." Matt.12:50.

Jesús sagði: ,,Hverja þá bæn, sem tveir yðar verða einhuga um á jörðu, mun faðir minn á himnum veita þeim." Matt.18:19.

Allt megna ég fyrir hjálp hans, sem mig styrkan gjörir. Fil.4:13.

Markúsarguðspjall.

Verið vör um yður

Gætið að sjálfum yður. Menn munu draga yður fyrir dómstóla, í samkundum verðið þér húðstrýkt og þér munuð leidd fyrir landshöfðingja og konunga mín vegna til þess að bera vitni um mig. En fyrst á að prédika öllum þjóðum fagnaðarerindið. Þegar menn taka yður og draga fyrir rétt skuluð þér ekki hafa áhyggjur af því hvað þér eigið að segja heldur talið það sem yður verður gefið á þeirri stundu. Það eruð ekki þér sem talið heldur talar heilagur andi í yður. Þú mun bróðir selja bróður í dauða og faðir barn sitt. Börn munu rísa gegn foreldrum og valda þeim dauða. Allir munu hata yður af því að þér trúið á mig. En sá sem staðfastur er allt til enda verður hólpinn. En þegar þér sjáið viðurstyggð eyðingarinnar standa þar er síst skyldi - lesandinn athugi það - þá flýi þau, sem í Júdeu eru, til fjalla. Sá sem er uppi á þaki fari ekki ofan og inn í húsið að sækja neitt. Og sá sem er á akri skal ekki hverfa aftur að taka yfirhöfn sína. Veit þeim sem þungaðar eru eða börn hafa á brjósti á dögum. Biðjið að það verði ekki um vetur. Á þeim dögum verður sú þrenging sem engin hefur þvílík verið frá upphafi sköpunar allt til þessa og mun aldrei verða. Ef Drottinn hefði ekki stytt þessa daga kæmist enginn maður af. En hann hefur stytt þá vegna þeirra sem hann hefur útvalið. Og ef einhver segir þá við yður: Hér er Kristur, eða: Þar, þá trúið því ekki. Því að fram munu koma falskistur og falsspámenn og þeir munu gera tákn svo að þeir gætu leitt hin útvöldu afvega ef það væri hægt. Gætið yðar. Ég hef sagt yður allt fyrir. Mark.13:9-23.

Bæn dagsins

Jesús sagði: ,,Ég er ljós heimsins, Sá, sem fylgir mér, mun ekki ganga í myrkri, heldur hafa ljós lífsins." Jóh.8:12.

Lát ekki hið vonda yfirbuga þig, heldur sigra þú illt með góðu. Róm.12:21.

Jesús sagði: ,,Sælla er að gefa en þiggja." Post.20:35.

Bæn dagsins.

Barn er oss fætt, sonur er oss gefinn. Á hans herðum skal höfðingjadómurinn hvíla. Nafn hans skal kallað Undraráðgjafi, Guðhetja, Eilífðarfaðir, Friðarhöfðingi. Jes.9:6.

Þú ert skjól mitt, þú leysir mig úr nauðum, með frelsisfögnuði umkringir þú mig. Sálm.32:7.

Gangið inn um þrönga hliðið. Því að vítt er hliðið og vegurinn breiður, sem liggur til glötunar, og margir þeir, sem þar fara inn. Hve þröngt er það hlið og mjór sá vegur, er liggur til lífsins, og fáir þeir, sem finna hann. Matt 7:13-14.

Markúsarguðspjall.

Skelfist ekki

Þegar Jesús gekk út úr helgidóminum segir einn lærisveina hans við hann: ,,Meistari, sjáðu, hvílíkir steinar byggingar!" Jesús svaraði honum: ,,Sérðu þessar miklu byggingar? Hér verður ekki steinn yfir steini, allt lagt í rúst." Þá er Jesús sat á Olíufjallinu gegnt helgidóminum spurðu hann einslega þeir Pétur, Jakob, Jóhannes og Andrés: ,,Seg þú okkur, hvenær verður þetta? Og hvert mun tákn þess að allt þetta sé að koma fram?" En Jesús tók að segja þeim: ,,Varist að láta nokkurn leiða yður í villu. Margir munu koma í mínu nafni og segja: Það er ég! og marga munu þeir leiða í villu. En þegar þér spyrjið hernað og ófriðartíðindi þá skelfist ekki. Þetta á að verða en endirinn er ekki þar með kominn. Þjóð mun rísa gegn þjóð og ríki gegn ríki, þá verða landskjálftar á ýmsum stöðum og hungur. Þetta er upphaf fæðingarhríðanna. Mark.13:1-8.

 

Bæn dagsins.

Jesús sagði: ,,Mínir sauðir heyra raust mína og ég þekki þá, og þeir fylgja mér. Ég gef þeim eilíft líf, og þeir skulu aldrei að eilífu glatast, og enginn skal slíta þá úr hendi minni." Jóh.10:27-28.

Sjá Guðs lambið, sem ber synd heimsins. Jóh.1:29.

Bæn dagsins.

Um Krist: ,,Vér mátum hann einskis. En vorar þjáningar voru það, sem hann bar, og vor harmkvæli, er hann á sig lagði." Jes.53:3-4.

Hver sá, sem ákallar nafn Drottins, mun frelsast. Post.2:21.

Markúsarguðspjall.

Viðvörun

Þegar Jesús var að kenna þeim sagði hann: ,,Varist fræðimennina sem fýsir að ganga í síðskikkjum og láta heilsa sér á torgum, vilja skipa æðsta bekk í samkundum og hefðarsæti í veislum. Þeir mergsjúga heimili ekkna en flytja langar bænir að yfirskini. Þeir munu fá því þyngri dóm.

Eyrir ekkjunnar

Jesús settist gegnt fjárhirslunni og horfði á fólkið leggja peninga í hana. Margir auðmenn lögðu þar mikið. Þá kom ekkja ein fátæk og lét það tvo smápeninga, eins eyris virði. Og Jesús kallaði til sín lærisveina sína og sagði við þá: ,,Sannlega segi ég ykkur, þessi fátæka ekkja gaf meira en allir hinir er lögðu í fjárhirsluna. Allir gáfu þeir af allsnægtum sínum en hún gaf af skorti sínum allt sem hún átti, alla  björg sína." Mark.12:38-44.

Markúsarguðspjall.

Kristur er Drottinn

Þegar Jesús var að kenna í helgidóminum sagði hann: ,,Hvernig geta fræðimennirnir sagt að Kristur sé sonur Davíðs? Sjálfur mælti Davíð af heilögum anda: 

Drottinn sagði við minn drottin: Set þig mér til hægri handar þangað til ég geri óvini þína að fótskör þinni.

Davíð kallar hann sjálfur drottin. Hvernig getur hann þá verið sonur hans?" Og hinn mikli mannfjöldi hlýddi fúslega á hann. 12:35-37.

Bæn dagsins.

Jesús sagði: ,,Þér munuð öðlast, kraft, er heilagur andi kemur yfir yður, og þér munuð verða vottar mínir í Jerúsalem og allri, Júdeu, í Samaríu og allt til endimarka jarðarinnar." Post.1:8.

Þitt orð er lampi fóta minna og ljós á vegum mínum. Sálm.119:105.

Markúsarguðspjall.

Æðsta boðorð

Þá kom til Jesú fræðimaður einn. Hann hafði hlýtt á orðaskipti þeirra og  fann að Jesús hafði svarað þeim vel. Hann spurði: ,,Hvert er æðsta allra boðorða?" Jesús svaraði: ,,Æðst er þetta: Heyr, Ísrael! Drottinn, Guð vor, hann einn er Drottinn. Og þú skalt elska Drottin, Guð þinn, af öllu hjarta þínu, allri sálu þinni, öllum huga þínum og öllum mætti þínum. Annað er þetta: Þú skalt elska náunga þinn eins og sjálfan þig. Ekkert boðorð annað er þessum meira." Fræðimaðurinn sagði þá við Jesú: ,, Rétt er það, meistari, satt sagðir þú. Einn er Guð og enginn er Guð annar en hann. Og að elska hann af öllu hjarta, öllum skilningi og öllum mætti og elska náðungann eins og sjálfan sig, það er öllum brennifórnum og sláturfórnum meira." Jesús sá að hann svaraði viturlega og sagði við hann: ,,Þú ert ekki fjarri Guðsríki." Og enginn þorði framar að spyrja hann. Mark.12:28-34. 

Bæn dagsins

Vér vitum, að maðurinn réttlætist ekki af lögmálsverkum, heldur fyrir trú á Jesúm Krist. Og vér tókum trú á Krist Jesúm, til þess að vér réttlættumst af trú á Krist, en ekki af lögmálsverkum. Gal.2:16.

Sælir eru hjartahreinir, því að þeir munu Guð sjá. Matt.5:8.

Jesús sagði: ,,Biðjið, og þér munuð öðlast, svo að fögnuður yðar verði fullkominn." Jóh. 16:24.