Bæn dagsins...

En ég fæ að ganga í hús þitt fyrir mikla miskunn þína, fæ að falla fram fyrir þínu heilaga musteri í ótta frammi fyrir þér. Amen.

Sálm:5:8.

Bæn dagsins...

Lofið Drottin, allir þjónar Drottins, þér sem standið í húsi Drottins um nætur. Lyftið höndum til helgidómsins og lofið Drottin. Drottinn blessi þig frá Síon, Hann sem skapaði himin og jörð. Amen.

Sálm:134:1-3

Bæn dagsins...

Drottinn horfir á mennina af himnum ofan til að sjá hvort nokkur sé hygginn, nokkur sem leiti Guðs. Amen.

Sálm:53:3

Bæn dagsins...

Þitt orð er lampi fóta minna og ljós á vegum mínum. Ég hef svarið og haldið það að varðveita þín réttláta ákvæði. Amen.

Sálm:119:105-106

Bæn dagsins...

Guðs ríki í nánd

Þegar Jóhannes hafði verið tekinn höndum kom Jesús til Galíleu, prédikaði fagnaðarerindi Guðs og sagði: ,,Tíminn er fullnaður og Guðs ríki í nánd. Takið sinnaskiptum og trúið fagnaðarerindinu." Amen.

Markús:1:14-15

Sælir eru fátækir í anda því að þeirra er himnaríki. Amen.

Matt:5:3

 

 

Bæn dagsins...Tóbítsbók

Trúfesti Tóbíts við trú feðranna

Ég var sá eini sem hélt oft til Jerúsalem á hátíðum en það bjóða eilíf fyrirmæli ritninganna öllum Ísrael. Til Jerúsalem hafði ég með mér frumgróða uppskerunnar og hjarðarinnar, tíund búfjárins og fyrstu ullina af ánum. Þetta afhenti ég prestunum af Arons ætt til fórnar á altarinu. En tíund af korni, víni, ólífuolíu,  granateplum og fíkjum og öðrum ávöxtum afhenti ég Levítunum sem þjónuðu Guði í Jerúsalem. Aðra tíund þess seldi ég ár hvert að frátöldu hinu sjöunda og fór árlega til Jerúsalem og varði fénu þar. Þriðja hvert ár gaf ég það fé munaðarlausum, ekkjum og þeim sem gengið höfðu trú Gyðinga á hönd. Neyttum við máltíðar samkvæmt fyrirmælum þar um í lögmáli Móse og boðorðunum sem Debóra móðir Ananíels afa míns, lagði mér á hjarta en við fráfall föður míns hafði ég orðið munaðarlaus. Amen.

Tóbítsbók:1:6-8

Bæn dagsins:Tóbítsbók.

Bók þessi segir sögu Tóbíts Tóbíelssonar. Tóbíel faðir hans var sonur Ananíels Adúelssonar sem var sonur Gabaels Rafaelssonar Ragúelssnar. Hann var niðji Asíels af ættkvísl Naftalí. Á tímum Salmanesers Assýríukonungs var Tóbít tekinn herfangií Tísbe sem er suður af Kedes í Naftalí í EfriGalíleu. Er tísbe gegnt Hasór og handan vesturvegarins norðan Fogor.

Æskuár Tóbíts

Ég Tóbít, gekk á vegi sannleikans, iðkaði réttlæti alla ævidaga mína og gerði margt góðverk bræðrum mínum og löndum sem herleiddir voru eins og ég til Níníve í Assýríu. Er ég var ungur maður og var heima í átthögum mínum í Ísrael hafði öll ætt Naftalí forföður míns gerst fráhverf konungsætt Davíðs og Jerúsalem. Sú borg var útvalin af öllum ættkvíslum Ísraels til þess að þær skyldu færa fórnir á þeim stað. Þar var musterið reist sem var byggt og helgað Guði og standa skyldi að eilífu. Allir bræður mínir og ætt Naftalí forföður míns færðu kálfinum fórnir. Jeróbóam Ísraelskonungur hafði látið reisa hann í Dan og á öllum fjöllum í Galíleu. Amen.

Tóbítsbók:1:1-5

 

 

Bæn dagsins...

Styð mig, að ég megi frelsast og ætíð gefa gaum að lögum þínum. Þú hafnar öllum sem villast frá lögum þínum því að svik þeirra eru til einskis. Þú metur sem sorp alla óguðlega, þess vegna elska ég fyrirmæli þín.  Ég nötra af hræðslu við þig og skelfist dóma þína. Amen.

Sálm:119.117-120

Bæn dagsins...

Ég hef iðkað rétt og réttlæti, sel mig eigi í hendur kúgurum mínum. Tryggðu þjóni þínum velfarnað, lát eigi ofstopamennina kúga mig Augu mín daprast af þrá eftir hjálp þinni og réttlátu fyrirheiti þínu. Amen.

Sálm:119:121-123

Bæn dagsins...

Ég vil vegsama Drottin alla tíma, ætíð sé lof hans mér í munni. Ég hrósa mér af Drottni, hinir snauðu skulu heyra það og fagna.Amen.

Sálm:34:2-3

Bæn dagsins...

Elskið Drottin, allir þér hans trúuðu. Drottinn varðveitir hina trúföstu en geldur hrokafullum margfalt. Verið sterkir og hughraustir, allir sem bíðið Drottins. Amen.

Sálm:31:24-25

Bæn dagsins...

Kom þú, Drottinn, til hvíldarstaðar þíns, þú og örk máttar þíns. Prestar þínir íklæðist réttlæti og dýrkendur þínir fagni. Sakir Davíðs þjóns þíns vísa þú þínum smurða eigi frá. Drottinn sór Davíð óbrigðulan eið sem hann mun ekki rjúfa: ,,Af ávexti kviðar þíns mun ég setja  mann í hásæti þitt. Haldi synir þínir sáttmála minn, lög mín sem ég kenni þeim, þá skulu þeir og þeirra synir um aldur og ævi sitja í hásæti þínu." Amen.

Sálm:132:8-12

Bæn dagsins...

Þegar Ísrael fór út af Egyptalandi, Jakobs ætt frá þjóð sem mælti á framandi tungu,

varð Júda helgidómur hans,Ísrael konungsríki hans. Hafið sá það og flýði, Jórdan hörfaði undan, fjöllin stukku sem hrútar, hæðirnar sem lömb. Hvað veldur því, hef, að þú flýrð, Jórdan, að þú hörfar undan, fjöll, að þér stökkvið sem hrútar, og þér, hæðir, sem lömb? Titra þú jörð fyrir augliti Drottins, fyrir augliti Jakobs Guðs sem gerði klettinn að vatnsflaumi og tinnusteininn að vatnslind. Amen.

Sálm:114:1-8

Bæn dagsins...

Þú, Guð lofsöngs míns, ver eigi hljóður því að óguðlegan og svikulan munn opna þeir gegn mér, tala við mig með ljúgandi tungu. Með hatursorðum umkringja þeir mig og áreita mig að ástæðulausu. Þeir launa elsku mína með fjandskap en ég endurgeld þeim með bæn. Þeir launa mér gott með illu og elsku mína með hatri. Amen.

Sálm:109:2-5

Bæn dagsins...

Hvernig gætum vér sungið Drottins ljóð í framandi landi? Ef ég gleymi þér, Jerúsalem, þá visni hægri hönd mín. Amen.

Sálm:137:4-5

Bæn dagsins...

Drottinn launaði mér réttlæti mitt, endurgalt mér hreinleika handa minna því að ég vék ekki af vegi Drottins og brást ekki Guði mínum. Amen.

Sálm:18:21-22

Bæn dagsins...

Sæll er sá er afbrotin eru fyrirgefin, synd hans hulin. Sæll er sá maður sem Drottinn tilreiknar ekki misgjörð og ekki gleymir svik í anda. Amen.

Sálm:32:1-2

Bæn dagsins...

Drottinn stýrir skrefum mannsins þegar hann hefur þóknun á vegferð hans. Þó að hann hrasi fellur hann ekki flatur því að Drottinn heldur í hönd hans.Amen.

Sálm:37:23-24

Bæn dagsins...

Biðjið Jerúsalem friðar, að þeir sem elska þig megi búa óhultir. Friður sé innan múra þinna, heill í höllum þínum. Amen.

Sálm:122:6-7

Bæn dagsins...

Jesús læknar

Jesús kom í hús Péturs og sá að tengdamóðir hans lá með sótthita. Hann snart hönd hennar og sótthitinn fór úr henni. Hún reis á fætur og gekk honum fyrir beina. Þegar kvöld var komið færðu menn til hans marga er haldnir voru illum öndum. illu andana rak hann út með orði einu og alla þá er sjúkir voru læknaði hann. Orð Jesaja spámanns áttu að rætast: ,,Hann tók á sig mein vor og bar sjúkdóma vora." Amen.

Matt:8:14-17