gulli dori

6.7.2025 | 06:56

Bæn dagsins...

Hann gefur gaum að bæn hinna allslausu og hafnar ekki bæn þeirra. Þetta skal skráð fyrir komandi kynslóð og þjóð, sem enn er ekki sköpuð, skal lofa Drottin. Amen.Sálm:102:18-19

Trúmál | Slóð | Facebook | Athugasemdir (0)

5.7.2025 | 12:46

Dagar mínir eru sem síðdegisskuggi og ég visna sem gras. En þú, Drottinn, ríkir að eilífu og þín er minnst frá kyni til kyns. Þú munt rísa upp, sýna Síon miskunn því að nú er tími til kominn að líkna henni, já , stundin er runnin upp. Því að þjónar þínir elska steina Síonar og harma yfir rústum hennar. Þá munu þjóðirnar óttast nafn Drottins og allir konungar jarðarinnar dýrð þína því að Drottinn byggir upp Síon og birtist í dýrð sinni. Amen.

Sálm:102:12-17

Trúmál | Slóð | Facebook | Athugasemdir (0)

4.7.2025 | 07:29

Bæn dagsins...

Ég líkist pelíkana í eyðimörkinni, er eins og ugla í eyðirúst ég ligg andvaka, líkist einmana fugli á þaki. Fjandmenn mínir smána mig liðlangan daginn; þeir sem hamast gegn mér nota nafn mitt til formælinga. Já, ég neyti ösku sem brauðs, blanda drykk minn tárum vegna reiði þinnar og bræði því að þú hófst mig upp og varpaðir mér aftur til jarðar. Amen.

Sálm:102:7-11

Trúmál | Slóð | Facebook | Athugasemdir (0)

3.7.2025 | 07:31

Bæn dagsins...

Bæn hrjáðs manns þá er hann örmagnast og úthellir harmi sínum fyrir augliti Drottins.

Drottinn, heyr þú bæn mína, hróp mitt berist til þín.

Byrg eigi auglit þitt fyrir mér þegar ég er í nauðum staddur, hneig eyra þitt að mér, svara mér skjótt þegar ég kalla. Dagar mínir líða hjá sem reykur og bein mín brenna sem í eldi, hjarta mitt er mornað og þornað sem gras því að ég gleymi að eta brauð mitt. Af kveinstöfum mínum er ég sem skinin bein. Amen.

Sálm:102:1-6

Trúmál | Breytt 4.7.2025 kl. 07:12 | Slóð | Facebook | Athugasemdir (0)

2.7.2025 | 07:51

Bæn dagsins...

Ég vil ekki hafa illvirki fyrir augum, ég hata þá sem aðhafast illt og samneyti þeim ekki. Svikult hjarta skal frá mér víkja, illmenni vil ég eigi þekkja. Rægi einhver vin sinn á laun þagga ég niður í honum. Þann sem hefur þótta í augum og hroka í hjarta fæ ég ekki þolað. Augu mín hvíla á hinum trúföstu í landinu, þeir fá að búa hjá mér; sá sem gengur veg hins ráðvanda mun fá að þjóna mér. Enginn má hafast við húsi mínu er svik fremur. Sá sem fer með lygar stenst ekki fyrir augum mínum. Hvern morgun þagga ég niður í öllum óguðlegum í landinu og útrými úr borg Drottins öllum illgjörðamönnum. Amen.

Sálm:101:3-8

Trúmál | Slóð | Facebook | Athugasemdir (0)

1.7.2025 | 06:51

Bæn dagsins...

Ég vil syngja um náð og rétt, lofsyngja þér, Drottinn. Ég vil gefa gætur að vegi hins ráðvanda, hvenær kemur þú til mín? Í grandvarleik hjartans vil ég ganga um í húsi mínu. Amen.

Sálm:101:1-2

Trúmál | Breytt s.d. kl. 06:54 | Slóð | Facebook | Athugasemdir (0)

30.6.2025 | 07:58

Bæn dagsins...

Leiftur hans lýsa um jarðríki, jörðin sér það og nötrar, björgin bráðna sem vax fyrir augliti Drottins, frammi fyrir Drottni gjörvallrar jarðarinnar. Amen.

Sálm:97:4-5

Trúmál | Slóð | Facebook | Athugasemdir (0)

29.6.2025 | 06:53

Bæn dagsins...

Drottinn er konungur, jörðin fagni, eyjafjöldinn gleðjist. Ský og sorti umlykja hann, réttlæti og réttur eru grundvöllur hásætis hans. Eldur fer fyrir honum og eyðir fjandmönnum hans allt um kring. Amen.

Sálm:97:1-3

Trúmál | Slóð | Facebook | Athugasemdir (0)

28.6.2025 | 07:18

Bæn dagsins...

Fallið fram fyrir heilagri hátign Drottins, öll jörðin skjálfi frammi fyrir honum. Boðið meðal þjóðanna: Drottinn er konungur. Jörðin er á traustum grunni, hún bifast ekki. Hann dæmir þjóðirnar með réttvísi. Himinninn gleðjist og jörðin fagni, hafið drynji og allt sem í því er, foldin fagni og allt sem á henni er, öll tré skógarins fagni með þeim fyrir augliti Drottins því að hann kemur, hann kemur til að ríkja á jörðu, hann mun stjórna heiminum með réttlæti og þjóðunum af trúfesti sinni. Amen.

Sálm:96:9-14

Trúmál | Breytt s.d. kl. 07:19 | Slóð | Facebook | Athugasemdir (0)

27.6.2025 | 11:17

Bæn dagsins...

Því að allir guðir þjóðanna eru falsguðir en Drottinn hefur gert himininn, dýrð og hátign eru frammi fyrir honum, máttur og prýði í helgidómi hans. Tignið Drottin, þér ættir þjóða, tignið Drottin með dýrð og mætti, tignið Drottin, heiðrið nafn hans, færið fórn og komið til forgarða hans. Amen.

Sálm:96:5-8

Trúmál | Slóð | Facebook | Athugasemdir (0)

26.6.2025 | 05:16

Bæn dagsins...

Segið frá dýrð hans meðal þjóðanna, frá dásemdarverkum hans meðal allra lýða því að mikill er Drottinn og mjög vegsamlegur, óttalegri öllum guðum. Amen.

Sálm:96:3-4

Trúmál | Slóð | Facebook | Athugasemdir (0)

25.6.2025 | 05:21

Bæn dagsins...

Syngið Drottni nýjan söng, syngið Drottni, öll lönd, syndið Drottni, lofið, nafn hans, kunngjörið hjálpráð hans dag eftir dag. Amen.

Sálm:96:1-2

Trúmál | Slóð | Facebook | Athugasemdir (0)

24.6.2025 | 05:00

Bæn dagsins...

Í fjörutíu ár bauð mér við þessari kynslóð og ég sagi: ,,Hjarta þessa fólks hefur villst af leið, það ratar ekki vegu mína." Ég sór því í reiði minni: ,,þeir skulu eigi ná til hvíldarstaðar míns." Amen.

Sálm:95:10-11

Trúmál | Slóð | Facebook | Athugasemdir (0)

23.6.2025 | 05:01

Bæn dagsins...

Ó, að þér í dag vilduð heyra raust hans: Herðið ekki hjörtu yðar eins og við Meríba, eins og daginn hjá Massa í eyðimörkinni þegar feður yðar freistuðu mín, reyndu mig þó að þeir sæju verk mín. Amen.

Sálm:95:7-9

Trúmál | Slóð | Facebook | Athugasemdir (0)

22.6.2025 | 08:10

Bæn dagsins...

Komið, föllum fram og tilbiðjum, beygjum kné vor fyrir Drottni, skapara vorum. Því að hann er vor Guð og vér erum gæslulýður hans, hjörðin sem hann gætir. Amen.

Sálm:95:6-7

Trúmál | Slóð | Facebook | Athugasemdir (0)

21.6.2025 | 06:58

Bæn dagsins...

Komið, fögnum fyrir Drottni, látum gleðióp gjalla fyrir kletti hjálpræðis vors. Göngum fyrir auglit hans með þakkargjörð, syngjum gleðiljóð fyrir honum. Því að Drottinn er mikill Guð og mikill konungur yfir öllum guðum. Í hendi hans eru jarðardjúpin og fjallatindarnir heyra honum til, hans er hafið, hann hefur skapað það og hendur hans mynduðu þurrlendið. Amen.

Sálm:95:1-5

Trúmál | Slóð | Facebook | Athugasemdir (0)

20.6.2025 | 04:58

Bæn dagsins...

En Drottinn er mér háborg og Guð minn klettur mér til hælis. Hann geldur þeim misgjörð þeirra og tortímir þeim í illsku þeirra, Drottinn, Guð vor, afmáir þá. Amen.

Sálm:94:22-23

Trúmál | Slóð | Facebook | Athugasemdir (0)

19.6.2025 | 04:58

Bæn dagsins...

Þegar áhyggjur þjaka mig hressir huggun þín sál mína. Ert þú í bandalagi við hinn spillta dómstól sem misnotar lögin og veldur þjáningu? þeir sitja um líf hins réttláta og sakfella saklaust blóð. Amen.

Sálm:94:19-21

Trúmál | Slóð | Facebook | Athugasemdir (0)

18.6.2025 | 05:02

Bæn dagsins...

Hver mun rísa gegn guðlausum mín vegna, hver standa með mér gegn illgjörðamönnum? Hefði Drottinn ekki verið hjálp mín yrði bústaður minn brátt í landi þagnarinnar. Þegar ég hugsa: ,,Mér skriðnar fótur," þá styður mig miskunn þín, Drottinn. Amen.

Sálm:94:16-18

Trúmál | Slóð | Facebook | Athugasemdir (0)

17.6.2025 | 06:57

Bæn dagsins...

Drottinn mun ekki hafnalýð sínum, hann mun ekki yfirgefa arfleifð sína. Réttlætið mun aftur ríkja í réttarfari og allir hjartahreinir munu lúta því. Amen.

Sálm:94:14-15

Trúmál | Slóð | Facebook | Athugasemdir (0)

Næsta síða »