Bæn dagsins...

Þeir sem sýktust vegna syndugs lífernis, þjáðust vegna misgjörða sinna, þeim bauð við allri fæðu og þeir voru nærri dauðans dyrum. Amen.

Sálm:107:17-18

bæn dagsins...

Með hverju getur ungur maður haldið vegi sínum hreinum? Með því að gefa gaum að orði þínu, sálm:119:9

Ég leita þín af öllu hjarta, lát mig eigi villast frá boðum þínum. Ég geymi orð þín í hjarta mínu svo að ég syndgi ekki gegn þér. Amen.

Sálm:119:9-11

Bæn dagsins...

Þeir skulu þakka Drottni miskunn hans og dásemdarverk hans við mannanna börn því að hann braut eirhliðin og mölvaði járnslárnar. Amen.

Sálm:107:15-16

Bæn dagsins...

Hann beygði hug þeirra með mæðu, þeir hrösuðu og enginn kom til hjálpar. Þeir hrópuðu til Drottins í neyð sinni, hann bjargaði þeim úr þrengingum þeirra, leiddi þá út úr sortanum og svartnættinu og sleit sundur fjötra þeirra. Amen.

Sálm:107:12-14

Bæn dagsins...

Þeir skulu þakka Drottni miskunn hans og dásemdarverk hans við mannanna börn því að hann svalaði hinum þyrsta og mettaði  hungraðan gæðum.  Þeir sem sátu í sorta og svartnætti voru fangar í eymd og járnum því að þeir höfðu þrjóskast gegn boðorðum Guðs og haft að engu ráð hins hæsta. Amen.

Sálm:107:8-11

Bæn dagsins...

Þá hrópuðu þeir til Drottins í neyð sinni, hann bjargaði þeim úr þrengingum þeirra, leiddi þá á réttan veg svo að þeir komust til byggilegrar borgar. Amen.

Sálm:107:6-7

Bæn Dagsins...

Þeir reikuðu um eyðimörkina, um veglaus öræfin, og fundu eigi leið til byggilegrar borgar.

Þá hungraði og þyrsti og lífskraftur þeirra þvarr. Amen.

Sálm:107:4-5

Bæn dagsins...

Fimmta Bók

Þakkið Drottni því að hann er góður, því að miskunn hans varir að eilífu. Svo skulu hinir endurleystu Drottins segja, þeir er hann hefur leyst úr nauðum og safnað saman frá öðrum löndum, frá austri og vestri, frá norðri og suðri. amen.

Sálm:107:1-3

Bæn Dagsins...

Lofaður sé Drottinn, Ísraels Guð, frá eilífð til eilífar. Allur lýðurinn segi: Amen. Hallelúja.

Sálm:106:48

Bæn dagsins...

Hjálpa þú oss, Drottinn, Guð vor, og safna oss saman frá þjóðunum, svo að vér getum lofað þitt heilaga nafn og fagnandi sungið þér lof. amen.

Sálm:106:47