Bæn dagsins...Sálmarnir

Í fjörutíu ár bauð mér við þessari kynslóð og ég sagði: ,,Hjarta þessa fólks hefur villst af leið, það ratar ekki vegu mína."

Ég sór því í reiði minni: ,,þeir skulu eigi ná til hvíldarstaðar míns." Amen.

Sálm:95:10-11

Bæn dagsins...Sálmarnir

Ó, að þér í dag vilduð heyra raust hans: Herðið ekki hjörtu yðar eins og við Meríba, eins og daginn hjá Massa í eyðimörkinni þegar feður yðar freistuðu mín, reyndu mig þó að þeir sæju verk mín.

Sálm:95:8-9

Bæn dagsins...Sálmarnir

Í hendi hans eru jarðardjúpin og fjallatindarnir heyra honum til, hans er hafið, hann hefur skapað það og hendur hans mynduðu þurrlendið.

Komið, föllum fram og tilbiðjum, beygjum kné vor fyrir Drottni, skapara vorum.

Því að hann er vor Guð og vér erum gæslulýður hans, hjörðin sem hann gætir. amen.

Sálm:95:4-7

Bæn dagsins...Sálmarnir

Komið, fögnum fyrir Drottni, látum gleðióp gjalla fyrir kletti hjálpræðis vors.

Göngum fyrir auglit hans með þakkargjörð, syngjum gleðiljóð fyrir honum. 

Því að Drottinn er mikill Guð og mikill konungur yfir öllum guðum. Amen.

Sálm:95:1-3

Bæn dagsins...Sálmarnir

Niðjar Efraíms, vopnaðir boga, flýðu á orrustudeginum.

Þeir héldu ekki sáttmála Guðs og vildu ekki fylgja lögum hans, gleymdu stórvirkjum Drottins og máttarverkunum sem hann lét þá sjá.

Sálm:78:9-11

Bæn dagsins...Sálmarnir

Þau setji traust sitt á Guð, gleymi ekki stórvirkjum Guðs og varðveiti boðorð hans en verði ekki eins og feður þeirra, þrjósk og ódæl kynslóð, reikul í ráði með anda ótrúan Guð. Amen.

Sálm:78:7-8

Bæn dagsins...Sálmarnir

Hann setti Jakobi reglur og lögmál í Ísrael sem hann bauð feðrum vorum að kenna börnum sínum svo að komandi kynslóð nemi og börn, sem síðar fæðast, gangi fram og segi sínum börnum. Amen.

Sálm:78:5-6

Bæn dagsins...Sálmarnir

Hlýð þú, þjóð mín, á kenningu mína, legg eyrun að ræðu munns míns.

Ég vil opna munn minn með líkingu og túlka liðna tíð.

Það sem vér höfum heyrt og þekkjum og feður vorir sögðu oss frá ætlum vér ekki að dylja fyrir börnum þeirra heldur segja komandi kynslóð frá dáðum Drottins og mætti hans og máttarverkunum sem hann vann.Amen.

Sálm:78:1-4

Bæn dagsins...

Bæn dagsins...Biðjið, leitið

Biðjið og yður mun gefast, leitið og þér munuð finna, knýið á og fyrir yður mun upp lokið verða. Því að hver sá öðlast sem biður, sá finnur sem leitar, og fyrir þeim sem á knýr mun upp lokið verða.Amen.

Matt:7:7-8