Sálmar.

Vísa mér veg þinn, Drottinn, að ég gangi í sannleika þínum, gef mér heilt hjarta, að ég tigni nafn þitt. Ég vil þakka þér, Drottinn, Guð minn, af öllu hjarta og tigna nafn þitt að eilífu því að miskunn þín er mikil við mig, þú hefur frelsað sál mína frá djúpi heljar.amen. sálm 86:11-13.

 

bæn.

Drottinn, Guð þinn, skalt þú tilbiðja og þjóna honum einum.

Hann mun fela englum sínum að gæta þín og þeir munu bera þig á höndum sér, að þú steytir ekki fót þinn við steini.

Fyrirgefið öðrum og Guð mun fyrirgefa yður.

sálmur.

Ég elska þig, Drottinn,styrkur minn. Drottinn, bjarg mitt og vígi, frelsari minn, Guð minn hellubjarg mitt, þar sem ég leita hælis, skjöldur minn og horn hjálpræðis míns, háborg mín. sálm.18:2-3.

sálmarnir.

Drottinn, lát þér þóknast að frelsa mig, Drottinn, skunda mér til hjálpar. Lát þá verða til skammar og hljóta kinnroða er sitja um líf mitt, lát þá hverfa aftur með skömm er óska mér ógæfu. Lát þá sem hrópa að mér háðsyrði hrylla við eigin smán. En þeir sem leita þín skulu gleðjast og fagna yfir þér. Þeir sem unna hjálpræði þínu skulu sífellt segja: ,,Mikill er Drottinn." Ég er hrjáður og snauður en Drottinn ber umhyggju fyrir mér. Þú ert fulltingi mitt og frelsari, tef eigi Guð minn. amen.sálm.40:14-18.