Bæn dagsins

Sjá, Guð er hjálp mín, Dottinn er styrkur minn. Bölið bitni á fjandmönnum mínum, eyddu þeim, Drottinn, sakir trúfesti þinnar. AMEN.

sálm 54:6-7

Bæn dagsins

Ég minnist verka Drottins, Já, ég vil minnast fyrri dáða þinna, ég vil hugleiða öll þín verk, íhuga stórvirki þín.AMEN.

sálm 77:12-13

Bæn dagsins

Og þú skalt elska Drottin, Guð þinn, af öllu hjarta þínu, allri sálu þinni, öllum huga þínum og öllum mætti þínum. AMEN.

Mark 12:30

Bæn dagsins

Öll veröldin fagni fyrir Drottni. Þjónið Drottni með gleði, komið fyrir auglit hans með fagnaðarsöng. AMEN.

sálm 100:1-2

Bæn dagsins

Betra er gott mannorð en góð ilmsmyrsl og betri er dauðadagur en fæðingardagur. Betra er að ganga í sorgarhús en að ganga í veislusal því að það eru endalok sérhvers manns og sá sem lifir hugfestir  það. Betri er hryggð en hlátur því að þegar andlitið er dapurt líður hjartanu vel. AMEN.

Prédikarinn 7:1-3

Bæn dagsins

Að hann er stöðugur í okkur þekkjum við af andanum sem hann hefur gefið okkur. AMEN

Fyrsta bréf Jóh 3:24

Bæn dagsins

Og þetta er hans boðorð, að við skulum trúa á nafn sonar hans Jesú Krist og elska hvert annað, samkvæmt því sem hann hefur gefið okkur boðorð um. Sá sem heldur boðorð Guðs er stöðugur í Guði og Guð í honum. AMEN.

Fyrsta bréf Jóh 3:23-

Bæn dagsins

Því að þetta er á boðskapur sem þið hafið heyrt frá upphafi: Við eigum að elska hvert annað. AMEN.

Fyrsta bréf Jóh 3:11

Bæn dagsins

Þannig kom Jóhannes skírari fram í óbyggðinni og boðaði mönnum að taka sinnaskiptum og láta skírast til fyrirgefningar synda og menn streymdu til hans frá allri Júdeubyggð og allir Jerúsalembúar og létu hann skíra sig í ánni Jórdan og játuðu syndir sínar. AMEN.

Mark 1:4-5

Bæn dagsins

Upphaf fagnaðarerindisins um Jesú Krist,Guðs son. Svo er ritað hjá Jesaja spámanni:

Ég sendi sendiboða minn á undan þér, hann á að greiða þér veg. Rödd hrópanda í eyðimörk: Greiðið veg Drottins, gerið beinar brautir hans. AMEN.

Mark:1-1-3

Bæn dagsins

Dæmið ekki svo að þér verðið ekki dæmd. því að með þeim dómi, sem þér dæmið, munuð þér dæmd verða og með þeim mæli, sem þér mælið, mun yður mælt verða.AMEN.

Matt 7:1-2

Bæn dagsins

Ár mín og líkami. og líf mitt í andvörpum, mér förlast kraftur sakir sektar minnar og bein mín tærast. Ég verð öllum óvinum mínum að spotti, háðsefni grönnum mínum og kunningjar hræðast mig og þeir sem mæta mér á götu sneiða hjá mér. Ég er gleymdur sem látinn væri, orðinn eins og brotið ker. Ég heyri hvískur margra, ógn í öllum áttum. Þeir sitja á svikráðum við mig og ætla að svipta mig lífi. En ég treysti þér, Drottinn, og segi: ,,Þú ert Guð minn." Í þinni hendi ertu dagar mínir, frelsa mig úr greipum óvina minna og ofsækjenda. Lát ásjónu þína lýsa yfir þjón þinn, hjálpa mér sakir elsku þinnar.AMEN.

sálm 31:11-17 

Bæn dagsins

Miskunna mér, Drottinn, því að ég er í nauðum staddur, döpruð af harmi eru augu mín, sál mín og líkami.AMEN.

sálm 31:10

Bæn dagsins

Ég gleðst og fagna yfir trúfesti þinni því að þú sást neyð mína og gafst gætur að mér í þrengingum, lést mig ekki ganga í greipar óvinarins heldur beindir fótum mínum á víða velli.AMEN.

sálm 31:8-9

Bæn dagsins

Í þínar hendur fel ég anda minn, þú frelsar mig, Drottinn, þú trúfasti  Guð. Ég hata þá sem dýrka fánýt skurðgoð en treysti Drottni. AMEN.

sálm 31:6-7

Bæn dagsins

Hjá þér, Drottinn, leita ég hælis, lát mig aldrei verða til skammar. Bjarga mér í réttlæti þínu. Hneig eyra þitt að mér, kom skjótt mér til hjálpar. Ver mér verndarbjarg, vígi mér til hjálpar, því að þú ert bjarg mitt og vígi og sakir nafns þíns munt þú leiða mig og stjórna mér. Leystu mig úr netinu sem lagt var fyrir mig því að þú ert vörn mín. AMEN.

sálm 31:2-5

Bæn dagsins

þú breyttir gráti mínum í gleðidans, leystir af mér hærusekkinn og gyrtir mig fögnuði, því vil ég syngja þér lof og eigi þagna. 

Drottinn, Guð minn, ég vil þakka þér að eilífu. AMEN.

sálm 30:12-13

Bæn dagsins

Til þín, Drottinn, hrópaði ég og ákallaði Guð minn um miskunn: ,,Hvaða ávinningur er af dauða mínum, af því að ég gangi til grafar? Getur duftið lofað þig, kunngjört trúfesti þína? Heyr, Drottinn, ver mér náðugur, Drottinn, kom mér til hjálpar." AMEN.

sálm 30:9-11.

Bæn dagsins

Ég uggði ekki að mér og sagði: ,,Aldrei skriðnar mér fótur." Drottinn, af náð þinni gerðir þú fjall mitt að vígi en þegar þú huldir auglit þitt skelfdist ég. AMEN.

Sálm 30:7-8

Bæn dagsins

Andartak stendur reiði hans en alla ævi náð hans. Að kveldi gistir oss grátur en gleðisöngur að morgni. AMEN.

sálm 30:6