Bæn dagsins...

Spottarinn leitar visku en finnur ekki en hyggnum manni er hún auðfengin. Haltu þig fjarri heimskum manni, engin viskuorð hlýtur þú af honum. Viska hins hyggna er að þekkja réttan veg en fíflska heimskingjanna er blekking. Heimskingja má sætta með meðalgöngu en hreinskilnum nægir góðvild. Hjartað eitt þekkir kvöl sína og í gleði þess getur enginn annar blandað sér. Amen.

Orðs:14:6-10

Bæn dagsins...

Viska kvennanna reisir húsið en fíflska þeirra rífur það niður með berum höndum. sá sem breytir rétt óttast Drottin en sá sem fyrirlítur hann fer villur vegar. Í munni heimskingjans býr vöndur gegn hroka hans en varir hinna vitru varðveita þá. Þar sem engin naut eru, er jatan tóm en af krafti uxans fæst mikill ágóði. Sannorður vottur lýgur ekki en falsvottur fer með lygar. Amen.

Orðs:14:1-5

Bæn dagsins...

Fátækt og smán hlýtur sá sem ekki skeytir um áminningar en sá sem tekur umvöndun hlýtur sæmd. Uppfyllt ósk er sálinni sæt en að forðast illt er heimskingjunum andstyggð. Eigðu samneyti við vitra menn, þá verður þú vitur, en illa fer þeim sem leggur lag sitt við heimskingja. Óhamingjan eftir syndarana en gæfan hlotnast hinum réttlátu. Góður maður lætur eftir sig arf handa börnum og barnabörnum en eigur syndarans koma í hlut hins réttláta. Nýrækt fátæklinga gefur ærna fæðu en óhóf sviptir marga efnum. Sá sem sparar vöndinn hatar son sinn en sá sem elskar hann agar hann snemma. Hinn réttláti fær nægju sína en kviður ranglátra er galtómur. Amen.

Orðs:13:18-25

Bæn dagsins...

Kennsla hins vitra er lífslind og forðar frá snörum dauðans. Góðir vitsmunir veita hylli en vegur svikaranna leiðir í glötun. vitur maður fer að öllu með hyggindum en flónið dreifir um sig heimsku. Ótrúr sendiboði færir ógæfu en trúr sendimaður lækningu.Amen.

Orðs:13:14-17

Bæn dagsins...

Skjótfenginn auður hjaðnar en þeim sem safnar smátt og smátt vex auður. Löng eftirvænting gerir hjartað sjúkt en uppfyllt ósk er lífstré. Sá sem fyrirlítur hollráð býr sér glötun en sá sem hlítir leiðsögn hlýtur umbun. Amen.

Orðs:13:8-10

Bæn dagsins...

Auðæfi manns eru lífi hans lausnargjald en enginn hótar hinum fátæka. Ljós r´ðettlátra logar skært en lampa ranglátra slokknar. Af hroka kvikna deilur en hjá ráðþægnum mönnum er viska. Amen.

Orðs:13.8-10

Bæn dagsins...

Vitur sonur hlýðir fyrirmælum föður síns en hinn þvermóðskufulli sinnir engri umvöndun. Góðs má njóta af ávexti munnsins en svikarana þyrstir í ofbeldi. Sá sem gætir munns síns varðveitir líf sitt en glötun bíður hins lausmála. Sál letingjans girnist og fær ekki en sál hins eljusama mettast ríkulega. Réttlátur maður hatast við lygi en hinn rangláti fremur smán og svívirðu. Réttlætið verndar hinn grandvara en ranglætið verður syndaranum að falli.Einn þykist ríkur en á þó ekkert, annar læst fátækur þótt auðugur sé.Amen.

Orðs:13:1-7

Bæn dagsins...

Ávextir varanna metta mann gæðum og af handaverkum sínum hlýtur hann umbun. Heimskingi telur sig breyta rétt en vitur maður þiggur ráð. Bræði afglapans birtist strax, greindur maður dylur gremju sína. Sannsögult vitni mælir það sem rétt er en falsvotturinn svik. Vanhugsuð orð eru sem sverðalög en tunga hins vitra græðir. Sönn orð standa að eilífu en lygimál aðeins skamma hríð. Svik eru í hjarta hins meinfýsna en sá gleðst sem stuðlar að friði. Hins réttláta bíður ekkert böl en ógæfan hleðst á hinn rangláta. Lygarar eru Drottni andstyggð en hinir sannorðu eru yndi hans. Vitur maður dylur þekkingu sína en heimskinginn flíkar flónsku sinni. Hönd hinna iðnu mun drottna en hangandi hönd á erfiði í vændum. Hugsýki íþyngir hjartanu, eitt vingjarnleg orð gleður það. Hinn réttláti vísa öðrum veginn en vegur ranglátra leiðir þá í villu. etin nær ekki bráðinni en iðnin er dýrmætur auður. Á vegi réttlætisins er líf en glæpaleiðin liggur í dauðann. Amen.

Orðs:12:14-28

Bæn dagsins...

Ranglátir kollsteypast og hverfa en hús réttlátra stendur. Af vitsmunnum sínum hlýtur maðurinn lof en hinn fláráði verður fyrirlitinn. Betra er að vera lítils metinn og eiga þó þræl en að berast á og skorta brauð. Hinn réttláti annast búfé sitt vel en harðneskja er í hjarta rangláta. Sá sem yrkir land sitt mettast af brauði en sá sem sækist eftir hégóma er heimskur. Hinn rangláti girnist illan feng en hinn réttláti á sér trygga staðfestu. Yfirsjón varanna er ill snara en hinn réttláti bjargast úr nauðum. Amen. 

Orðs:12:7-13

 

Bæn dagsins...

Sá sem elskar aga elskar þekkingu en sá sem hatar umvöndun er heimskur. Hinn góði hlýtur velþóknun Drottins en meinfýsinn mann fyrirdæmir hann. Ranglætið veitir engum fótfestu en réttlætið stendur djúpum rótum. Væn kona er kóróna manns síns en vond kona er sem rotnun í beinum hans. Réttlátir hyggja á réttlæti en ranglátir hafa svik í huga. Orð ranglátra eru banvæn en tunga hinna hinna réttsýnu frelsar þá.Amen.

Orðs:12:1-6

Bæn dagsins...

Eins og gullhringur í svínstrýni er fríð kona sem enga háttvísi kann. Óskir hinna réttlátu leiða aðeins til góðs en vonir ranglátra kalla yfir sig reiðidóm. Einn miðlar öðrum af örlæti og eignast æ meira, annar heldur í meira en rétt er og verður þó enn snauðari. Örlátur maður hlýtur ríkulega umbun og sá sem gefur öðrum að drekka fær þorsta sínum svalað. Fólkið formælir þeim sem heldur í kornið  en blessun kemur yfir þann sem býður það falt. Sá sem leitar góðs leitar velþóknunar en sá sem sækist eftir illu verður fyrir því. Sá fellur sem treystir á auð sinn en hinir réttlátu þrífast sem trjálauf. Sá sem spillir heimili sínu mun erfa vindinn en heimskinginn verður þræll hins vitra. Ávöxtur réttlætisins er lífstré og hinn vitri eignast hylli manna. Fái hinn réttláti endurgjald hér á jörðu, hvað þá um hinn rangláta og syndarann? Amen.

Orðs:11:22-31

Bæn dagsins...

Yndisleg koma hlýtur sæmd, hinn ötuli hlýtur auð. Kærleiksríkur maður vinnur sjálfum sér gagn, harðlyndur maður vinnur sér mein. Hinn rangláti eignast sýndarávinning en sá sem réttlæti sáir hlýtur ósvikin laun. Að stunda réttlæti leiðir til lífs, að elta hið illa leiðir til dauða. Fláráðir eru Drottni andstyggð en hinir vammlausu yndi hans. Víst er að hinn illi sleppur ekki við refsingu en hinir réttlátu eru óhultir. Amen.

Orðs:11:16-21

Bæn dagsins...

Borgin fagnar gæfu réttlátra og þegar ranglátir menn farast gjalla gleðióp. Blessun hinna réttsýnu reisir borgina en orð ranglátra steypa henni. Óvitur maður sýnir náunga sínum fyrirlitningu en vitur maður þegir. Rógberinn ljóstrar upp leyndarmáli en hinn þagmælski virðir trúnað. Án stjórnar tortímist herinn en séu ráðgjafar margir getur allt farið vel. Illa fer fyrir þeim sem gengur í ábyrgð fyrir annan mann, sá sem forðast handsöl er óhultur. Amen.

Orðs:11:10-15

Bæn dagsins...

Svikin vog er Drottni andstyggð en rétt vog er honum geðfeld. Komi hroki kemur og smán en hjá hinum hógværu er viska. Ráðvendni hreinskilinna leiðir þá en undirferli lygarans tortímir honum. Lítt gagna auðæfi á degi reiðinnar en réttlæti frelsar frá dauða. Réttlæti hins ráðvanda gerir veg hans sléttan en hinn rangláti hrasar um eigin illsku. Réttlæti hinna hreinskilnu frelsar þá en lygarar ánetjast eigin græðgi. Í dauðanum brestur von hins rangláta og væntingar illvirkjans bregðast. Hinn réttláti frelsast úr nauðum, hinn rangláti kemur í hans stað. Með orðum tortímir hinn rangláti náunga sínum en þekking hinna réttlátu bjargar þeim. Amen.

Orðs:11:1-9

Bæn dagsins...Safn spakmæla

Orðskviðir Salómons:

Vitur sonur gleður föður sinn en heimskur sonur er móður sinni til mæðu. Rangfenginn auður stoðar ekki en réttlæti frelsar frá dauða. Drottinn lætur ekki réttlátan mann þola hungur en kröfum hinna ranglátu hafnar hann. Iðjuleysi færir  örbirgð en auðs aflar iðin hönd. Hygginn er sá er safnar á sumri en illa fer þeim sem sefur af sér uppskeruna. Blessun hvílir yfir höfði hins réttláta en lögleysan hylst í munni hins illa. Minning hins réttláta verður blessuð en nafn óguðlegra tærist  burt. Sá sem er vitur í hjarta þýðist áminningar en þeim farnast illa sem talar af gáleysi. Sá sem fer rétta vegu gengur óhultur en upp kemst um þann sem þræðir hlykkjóttan veg. Sá sem deplar auga veldur sárindum en sá sem finnur að af hreinskilni stillir til friðar. Lífslind er munnur réttláts  manns en lögleysan hylst í munni hins illa. Hatur vekur illdeilur en kærleikurinn breiðir yfir alla bresti. Viskan er á vörum hyggins manns en á baki hins óvitra dynur vöndurinn. Vitir menn geyma þekkingu sína en orð afglapans boða bráða glötun. Auður ríks manns er honum öflugt vígi en fátækt  hinna snauðu verður þeim að falli. Eljusemi hins réttláta verður til lífs en gróði hins rangláta til syndar. Sá fer leið lífsins sem hlítir leiðsögn en sá villist af leið sem hafnar umvöndun. Sá sem leynir hatri er hræsnari, sá sem dreifir hiksögum er heimskingi. Málæðinu fylgja yfirsjónir en sá breytir hyggilega sem hefur taumhald á tungu sinni. Tunga hins réttláta er hreint silfur. Orð hins réttláta eru margra framfæri en afglaparnir deyja úr fákænsku. Blessun Drottins auðgar og erfiði mannsins bætir engu við hana. Heimskingjanum er ósóminn ánægja en viskan er hyggnum manni gleði. Það sem hinn óguðlegi óttast kemur yfir hann en réttlátum verður að von sinni. Stormur feykir burt hinum rangláta en hinn réttláti stendur á ævarandi grunni. Það sem tönnunum er vínsýra og augunum reykur, það er letinginn þeim sem fela honum erindi. Ótti Drottins lengir lífdagana en æviár ranglátra verða stytt . Eftirvænting réttlátra endar í gleði en vonir ranglátra rætast ekki. Vegur Drottins er athvarf vammlausum en illvirkjum tortíming. Hinum réttláta verður ekki þokað og hinir óguðlegu munu ekki byggja landið. Af munni hins réttláta streymir viska en lygatungan verður skorin burt. Varir hins réttláta vita hvað geðfellt er en munnur óguðlegra er flærðin ein. Amen.

Orðs:10:1-32