Bæn dagsins...

Guð, hví hefur þú hafnað oss að fullu, hví rýkur reiði þín gegn gæsluhjörð þinni? Minnstu safnaðar þíns sem þú forðum leystir út þér til eignar, minnstu Síonarfjalls þar sem þú settist að. Amen.

Sálm:74:1-2

 

 

Bæn dagsins...

Óttast þú ekki því að ég er með þér. Ég mun flytja niðja þína úr austri og safna þér saman úr vestri. Ég segi við norðrið: ,,Slepptu þeim." og við suðrið: ,,Lát þá lausa. Amen.

Jesaja:43:5-6

Bæn dagsins...

Hví gera þjóðirnar samsæri, hví hyggja þær á fánýt ráð? Konungar jarðar rísa upp, höfðingjar ráða ráðum sínum gegn Drottni og hans smurða: ,,Vér skulum slíta fjötra þeirra og varpa af oss viðjum þeirra." Amen.

Sálm:2:1-3

Bæn dagsins...

Ég kalla til Guðs og hrópa, kalla til Guðs svo að hann heyri til mín. Í neyð minni leita ég til Drottins, rétti út hendur mínar um nætur og þreytist ekki, ég læt ekki huggast. Amen.

Sálm: 77:2-3

Bæn dagsins...

Rís upp, Guð, berstu fyrir málstað þínum, minnstu þess að heimskingjar lasta þig liðlangan daginn, gleym eigi hrópi óvina þinna og glaumkæti fjandmanna þinna sem sífellt stígur upp. Amen.

Sálm:74:22-23

Bæn dagsins...

Til þín, Drottinn, hef ég sál mína, Guð minn, þér treysti ég, lát mig eigi verða til skammar, lát eigi óvini mína hlakka yfir mér. Enginn sem á þig vonar mun til skammar verða, þeir einir verða til skammar sem ótrúir eru að tilefnislausu. Amen.

Sálm:25:1-3

Bæn dagsins...

Drottinn, þú hefur verið oss athvarf frá kyni til kyns. áður en fjöllin fæddust og jörðin og heimurinn urðu til, frá  eilífð til eilífðar ert þú, ó guð. Þú lætur manninn hverfa aftur til duftsins og segir: ,,Hverfið aftur, þér mannanna börn." Amen.

Sálm:90:1-3

Bæn dagsins...

Treystið eigi tignarmönnum, mönnum sem enga hjálp geta veitt. Þegar öndin skilur við þá verða þeir aftur að moldu og áform þeirra verða að engu. Sæll er sá sem á Jakobs Guð sér til hjálpar og setur von sína á Drottin, Guð sinn, hann sem skapaði himin og jörð, hafið og allt sem í því er, hann sem er ævinlega trúfastur. Amen.

Sálm:146:3-6

Bæn dagsins...

Drottinn heyrði þetta og reiddist, eldur blossaði upp gegn Jakobi og reiði brann gegn Ísrael því að þeir trúðu ekki Guði eða treystu hjálp hans. Þá bauð hann skýjunum í hæðum og opnaði dyr himins, lét manna rigna yfir þá til matar og gaf þeim himnakorn, englabrauð fengu menn að eta, hann sendi þeim fæðu og þeir urðu mettir. Amen.

Sálm:78:21-25

Bæn dagsins...

Drottinn, refsa mér ekki í reiði þinni, tyfta mig ekki í heift þinni. Líkna mér, Drottinn, því að ég er magnþrota, lækna mig Drottinn, því að bein mín tærast af ótta. Amen.

Sálm:6:2-3