Bæn dagsins

Hvað sem þér gjörið, þá vinnið af heilum huga, eins og Drottinn ætti í hlut, en ekki menn. kól.3:23

Ég mun gefa yður nýtt hjarta og leggja yður nýjan anda í brjóst, og ég mun taka steinhjartað úr líkama yðar og gefa yður hjarta af holdi. Esek.36:26.

Kristur Jesús tók á sig mein vor og bar sjúkdóma vora Matt.8:17.

Bæn dagsins.

Það orð er satt og í alla staði þess vert, að við því sé tekið, að Kristur Jesús kom í heiminn til að frelsa synduga menn. 1.Tím.1:15.

Drottinn er í nánd.fil.4:5.

Ekkert brást af öllum fyrirheitum þeim, er Drottinn hafði gefið húsi Ísraels. Þau rættust öll. Jós.21:45.

Markúsarguðspjall.

Vondir vínyrkja

Þá tók Jesús að segja þeim dæmisögu: ,,Maður plantaði víngarð. Hann hlóð garð um hann, gróf fyrir vínþröng og reisti turn, seldi hann síðan vínyrkjum á leigu og fór úr landi. Á settum tíma sendi hann þjón til vínyrkjanna að fá hjá þeim hlut af ávexti víngarðsins. En þeir tóku hann og börðu og sendu burt tómhentan. Aftur sendi hann til þeirra annan þjón. Hann lömdu þeir í höfuðið og svívirtu. Enn sendi hann annan og hann drápu þeir og marga fleiri ýmist börðu þeir eða drápu. Einn átti hann eftir enn, elskaðan son. Hann sendi hann síðastan til þeirra og sagði: þeir munu virða son minn. En vínyrkjan þessir sögðu sín á milli: Þetta er erfinginn. Förum og drepum hann, þá fáum við arfinn. Og þeir tóku hann og drápu og köstuðu honum út fyrir víngarðinn. Hvað mun nú eigandi víngarðsins gera? Hann mun koma, tortíma vínyrkjunum og fá öðrum víngarðinn. Hafið þið eigi lesið þessa ritningu: Steinninn sem smiðirnir höfnuðu er orðinn að hyrningarsteini. Þetta er verk Drottins og undursamlegt í augum vorum." Æstu prestarnir, fræðimennirnir og öldungarnir vildu taka hann höndum en óttuðust fólkið. Þeir skildu að hann átti við þá með dæmisögunni. Og þeir yfirgáfu hann og gengu burt. Mark.12:1-12.

Bæn dagsins.

Sá sem ekki elskar, þekkir ekki Guð, því að Guð er kærleikur. Í því birtist kærleikur Guðs meðal vor, að Guð hefir sent einkason sinn í heiminn, til þess að vér skyldum lifa fyrir hann.1. Jóh.4:8-9.

Guð hefir gefið oss eilíft líf, og þetta líf er í syni hans. Sá, sem hefir soninn á lífið sá, sem hefir ekki Guð son á ekki lífið 1. Jóh.5:11-12.

Drottinn mun sjálfur fara fyrir þér, hann mun vera með þér, hann mun eigi sleppa af þér hendinni né yfirgefa þig. Óttast þú eigi og lát eigi hugfallast. 5.Mós.31:8.

Markúsarguðspjall.

Hver gaf þér það vald?

Þeir koma aftur til Jerúsalem og þegar hann var á gangi í helgidóminum koma til hans æðstu prestarnir, fræðimennirnir og öldungarnir og segja við hann: ,,Með hvaða valdi gerir þú þetta? Hver gaf þér það vald að þú gerir þetta?" Jesús sagði við þá: ,,Ég vil leggja eina spurningu fyrir ykkur. Svarið henni og ég mun segja ykkur með hvaða valdi ég geri þetta. Hver fól Jóhannesi að skíra, var það Guð eða voru það menn? Svarið mér!" Þeir ráðguðust hver við annan um þetta og sögðu: ,,Ef við svörum: Það var Guð, spyr hann: Hví trúðuð þig honum þá ekki? Eða ættum við að svara: Það voru menn?" - Það þorðu þeir ekki fyrir fólkinu því allir töldu að Jóhannes hefði verið sannur spámaður. Þeir svöruðu Jesú: ,,Við vitum það ekki." Jesús sagði við þá: ,,Ég segi ykkur þá ekki heldur hver fól mér að  gera þetta." Mark.11:27-33.

Bæn dagsins

Elska skalt þú Drottin, Guð þinn, af öllu hjarta þínu, allri sálu þinni og öllum huga þínum. Matt.22:37

Óttast þú eigi, því að ég er með þér. Lát eigi hugfallast. því að ég er þinn Guð. Ég styrki þig, ég hjálpa þér, ég styð þig með hægri hendi réttlætis míns. Jes.41:10

Jesús sagði: ,,Sannlega, sannlega segi ég yður: Sá, sem heyrir orð mitt og trúir þeim, sem sendi mig, hefir eilíft líf og kemur ekki til dóms, heldur er hann stiginn yfir frá dauðanum til lífsins.2 Jóh. 5:24.

Markúsarguðspjall.

Trúið á Guð

Árla morguns fóru þeir hjá fíkjutrénu og sáu að það   var visnað frá rótum. Pétur minntist þess sem gerst hafði og segir við hann: ,,Meistari, sjáðu! fíkjutréð, sem þú formæltir, er visnað." Jesús svaraði þeim: ,,Trúið á Guð. Sannlega segi ég ykkur: Hver sem segir við fjall þetta: Lyft þér upp og steyp þér í hafið, og efar ekki í hjarta sínu heldur trúir að svo fari sem hann mælir, þá gerist það. Fyrir því segi ég ykkur: Ef þið biðjið Guð um eitthvað og treystið því að þið öðlist það, þá mun hann veita ykkur það. Og þegar þið eruð að biðja, þá fyrirgefið þeim sem hafa gert eitthvað á hlut ykkar til þess að faðir ykkar á himnum fyrirgefi einnig ykkur misgjörðir ykkar. Ef þið fyrirgefið ekki mun faðir ykkar á himnum ekki heldur fyrirgefa misgjörðir ykkar." Mark.11:20-26.

Bæn dagsins.

Legg kapp á að reynast hæfur fyrir Guði sem verkamaður, er ekki þarf að skammast sín og fer rétt með orð sannleikans. 2. Tím.2:15

Guð auðsýnir kærleika sinn til vor, þar sem Kristur er fyrir oss dáinn, meðan vér enn vorum í syndum vorum Róm.5:8.

Guð,  lát þér þóknast að frelsa mig, Drottinn, skunda mér til hjálpar.Sálm.70:2.

Kvöld bæn.

Vér erum því erindrekar Krists, eins og það væri Guð, sem áminnti, þegar vér áminnum. Vér biðjum í Krists stað: Látið sættast við Guð. 2.Kor.5:20

Guð er oss hæli og styrkur, örugg hjálp í nauðum. Fyrir því hræðumst vér eigi, þótt jörðin haggist og fjöllin bifist og steypist í skaut sjávarins. Sálm.46.2-3

Jesús sagði: ,,Sjá, ég stend við dyrnar og kný á. Ef einhver heyrir raust mína og lýkur upp dyrunum, þá mun ég fara inn til hans og neyta kvöldverðar með honum og hann með mér." Opb.3.20

Gjörið því iðrun og snúið yður að syndir yðar verði afmáðar. Post.3:19.

Markúsarguðspjall.

Hús mitt bænahús

Þeir komu til Jerúsalem og Jesús gekk í helgidóminn og tók að reka út þá sem voru að selja þar og kaupa og hratt um borðum víxlaranna og stólum dúfnasalanna. Og engum leyfði hann að bera neitt um helgidóminn. Og hann kenndi þeim og sagði. ,,Er ekki ritað: Hús mitt á að vera bænahús fyrir allar þjóðir? En þið hafið gert það að ræningjabæli." Æðstu prestarnir og fræðimennirnir heyrðu þetta og leituðu fyrir sér hvernig þeir gætu ráðið hann af dögum þeim stóð ótti af honum því að allt fólkið hreifst mjög af kenningu hans. Þegar leið að kvöldi fóru þeir úr borginni. Mark.11:15-19.

Markúsarguðspjall.

Ekkert nema blöð

Á leiðinni frá Betaníu morguninn eftir kenndi Jesús hungurs. þá sá hann álengdar laufgað fíkjutré og fór að gá hvort hann fyndi nokkuð á því. En þegar hann kom að því fann hann ekkert nema blöð enda var ekki fíknatíð. Jesús sagði þá við tréð: ,,Enginn neyti framar ávaxtar af þér að eilífu!" Þetta heyrðu lærisveinar hans. Mark.11:12-14.

Markúsarguðspjall.

Jesú fagnað

Þegar þeir nálgast Jerúsalem og koma til Betfage og Betaníu við Olíufjallið sendir Jesús tvo lærisveina sína og segir við þá: ,,Farið í þorpið hér fram undan ykkur. Um leið og þið komið þangað munuð þið finna fola bundinn sem enginn hefur enn komið á bak . Leysið hann og komið með hann. Ef einhver spyr ykkur: Hvers vegna gerið þið þetta? Þá svarið : Drottinn þarf hans við, hann sendir hann jafnskjótt aftur hingað." Þeir fóru og fundu folann bundinn við dyr úti ástrætinu og leystur hann. Nokkrir sem stóðu þar sögðu við þá: ,,Hvers vegna eruð þið að leysa folann?" Þeir svöruðu eins og Jesús hafði sagt og þeir létu þá fara. Síðan færðu þeir Jesú folann og lögðu á hann klæði sín en hann settist á bak. Og margir breiddu klæði sín á veginn en aðrir lim sem þeir höfðu skorið af trjánum. Þeir sem á undan fóru og eftir fylgdu hrópuðu: ,,Hosanna. Blessaður sé sá sem kemur í nafni Drottins! Blessað sé hið komandi ríki föður vors Davíðs! Hosanna í hæstum hæðum!" Jesús fór inn í Jerúsalem og í helgidóminn. Þar leit hann yfir allt en þar sem komið var kvöld fór hann til Betaníu með þeim tólf. Mark.11:1-11. 

Bæn dagsins.

Úr fjarlægð birtist Drottinn mér: ,,Með ævarandi elsku hefi ég elskað þig. Fyrir því hefi ég látið náð mína haldast við þig." Jer. 31:3.

Jesús sagði: ,,Uppskeran er mikill, en verkamenn fáir Biðjið því herra uppskerunnar að senda verkamenn til uppskeru sinna." Matt.9:37-38.

Þeir, sem leita Drottins, fara einskis góðs á mis. Sálm. 34:11.

Markúsarguðspjall.

Blindur beiningamaður

Þeir komu til Jeríkó. Og þegar Jesús fór út úr borginni ásamt lærisveinum sínum og miklum mannfjölda sat þar við veginn Bartímeus, sonur Tímeusar, blindur beiningamaður. Þegar hann heyrði að þar færi Jesús frá Nasaret tók hann að hrópa: ,,Sonur Davíðs, Jesús, miskunna þú mér!" Margir höstuðu á hann að hann þegði en hann hrópaði því meir: ,,Sonur Davíðs, miskunna þú mér!" Jesús nam staðar og sagði: ,,Kallið á hann." Þeir kalla á blinda manninn og segja við hann: ,,Vertu hughraustur, statt upp, hann kallar á þig." Blindi maðurinn kastaði frá sér yfirhöfn sinni, spratt á fætur og kom til Jesú. Jesús spurði hann: ,, Hvað vilt þú að ég geri fyrir þig?" Blindi maðurinn svaraði honum: ,,rabbúní, að ég fái aftur sjón." Jesús sagði við hann: ,,Far þú, trú þín hefur bjargað þér." Jafnskjótt fékk hann sjónina og fylgdi honum á ferðinni. Mark.10:46-52.

Bæn dagsins

Sjá, til blessunar verð mér hin sára kvöl. Þú forðaðir lífi mínu frá gröf eyðingarinnar, því að þú varpaðir að baki þér öllum syndum mínum. Jes.38:17

Fel þú Drottni verk þín, þá mun áformum þínum framgengt verða. Orðskví.16:3.

Verið ekki hugsjúkir um neitt, heldur gjörið í öllum hlutum óskir yðar kunnar Guði með bæn og beiðni og þakkargjörð. Og friður Guðs, sem er æðri öllum skilningi, mun varðveita hjörtu yðar og hugsanir yðar í Kristi Jesú. Fil.4:6-7.

Bæn dagsins.

Hann var særður vegna vora synda og kraminn vegna misgjörða. Hegningin, sem vér höfðum til unnið     , kom niður á honum, og fyrir hans benjar urðum vér heilbrigðir. Jes.53:5.

Ef einhver er í Kristi, er hann skapaður á ný, hið gamla varð að engu, sjá, nýtt er orðið til.2. Kor.5:17.

Jesús sagði: ,,Hjarta yðar skelfist ekki. Trúið á Guð, og trúið á mig." Jóh.14:1.

Markúsarguðspjall.

Sá er mikill vill verða

Þá komu til Jesú Jakob og Jóhannes, synir Sebedeusar, og sögðu við hann: ,, Meistari, okkur langar að þú gerir fyrir okkur það sem við ætlum að biðja þig." Hann spurði þá: ,,Hvað viljið þið að ég geri fyrir ykkur?" Þeir svöruðu: ,, Veit okkur að við fáum að sitja þér við hlið í dýrð þinni, annar til hægri handar þér og hinn til vinstri." Jesús sagði við þá: ,,Þið vitið ekki hvers þið biðjið. Getið þið drukkið þann kaleik, sem ég drekk, eða skírst þeirri skírn sem ég skírist?" Þeir sögðu við hann: ,,Það getum við." Jesús mælti. ,,Þann kaleik, sem ég drekk, munuð þið drekka g þið munuð skírast þeirri skírn sem ég skírist. En ég ræð því ekki hver situr mér til hægri handar eða vinstri. Það veitist þeim sem það er fyrirbúið. Þegar hinir tíu heyrðu þetta gramdist þeim við þá Jakob og Jóhannes. En Jesús kallaði þá til sín og mælti: ,,Þið vitið að þeir sem teljast ráða fyrir þjóðum drottna yfir þeim og höfðingjar þeirra láta menn kenna á valdi sínu. En eigi sé svo meðal ykkar heldur sé sá sem mikill vill verða meðal ykkar þjónn ykkar. Og sá er vill fremstur vera meðal ykkar sé allra þræll. Því að Mannssonurinn er ekki kominn til þess að láta þjóna sér heldur til að þjóna og gefa líf sitt til lausnargjalds fyrir alla." Mark.10:35-45.

Markúsarguðspjall.

Upp til Jerúsalem

Þeir voru nú á leið upp til Jerúsalem.Jesús gekk á undan þeim en þeir voru skelfdir og þau sem eftir fylgdu voru hrædd. Og enn tók Jesús til sín þá tólf og fór að segja þeim hvað fram við sig ætti að koma. ,,Nú förum við upp til Jerúsalem. Þar verður Mannssonurinn framseldur æðstu prestum og fræðimönnum. Þeir munu dæma hann til dauða og framselja hann heiðingjum. Og þeir munu hæða hann, hrækja á hann, húðstrýkja og lífláta en eftir þrjá daga mun hann upp rísa." Mark.10:32-34.

Bæn dagsins.

Jesús Kristur er í gær og í dag hinn sami og um aldir. Heb.13:8.

Sýnið enga fégirni í hegðun yðar, en látið yður nægja það, sem þér hafið. Guð hefir sjálfur sagt: ,Ég mun ekki sleppa af þér hendinni né yfirgefa þig." Heb.13:5.

Jesús sagði: ,,Hvar, sem tveir eða þrír eru saman komnir í mínu nafni, þar er ég mitt á meðal þeirra." Matt.18:20.

Bæn dagsins.

Jesús sagði: ,,Leyfið börnunum að koma, varnið þeim eigi, því að slíkra er Guðs ríki."Mark.10:14

Þú skalt vegsama Drottin  þinn fyrir landið góða, sem hann gaf þér. 5.Mós.8:10.

Jesús sagði: ,,Þann, sem blygðast sín fyrir mig og mín orð hjá þessari ótrúu, syndugu kynslóð, mun Mannssonurinn blygðast sín fyrir, er hann kemur í dýrð föður síns með heilögum englum." Mark.8:38.