Bæn dagsins...

Til þín, Drottinn, hef ég sál mína, Guð minn, þér tréysti ég, lát mig eigi verða til skammar, lát eigi óvini mína hlakka yfir mér. Amen.

Sálm:25:1-2

Bæn dagsins...

Hjálpa þú, Drottinn, því að hinir guðræknu eru á brott, tryggðin er horfin frá mönnum. Þeir ljúga hver að öðrum, með svik í munni og fals í hjarta tala þeir. Amen.

Sálm:12:2-3

Bæn dagsins...

Þeir sem treysta Drottni eru sem Síonarfjall, það bifast eigi, stendur að eilífu. Amen.

Sálm:125:1

Bæn dagsins...

Til þin hef ég augu mín, þú sem situr á himnum. Eins og þjónar  mæna á hönd húsbænda sinna og eins og þerna mænir á hönd húsmóður sinnar horfa augu vor til Drottins Guðs vors uns hann líknar oss. Amen.

Sálm:123:1-2

Bæn dagsins...

Lofa þú Drottin, sála mín, og allt sem í mér er, hans heilaga nafn; lofa þú Drottin, sála mín, og gleym eigi neinum velgjörðum hans. Amen.

Sálm:103:1-2

Bæn dagsins...

Drottinn mun vernda þig fyrir öllu illu, hann mun vernda sál þína. drottinn mun varðveita útgöngu þína og inngöngu héðan í frá og að eilífu. Amen.

Sálm:121:7-8

Bæn dagsins...

Hann mun ekki láta fót þinn skriðna, vörður þinn blundar ekki. Nei, hann blundar ekki og sefur ekki, hann, vörður Ísraels. Drottinn er vörður þinn, Drottinn skýlir þér, hann er þér til hægri handar. Um daga mun sólarhitinn ekki vinna þér mein né heldur tunglið um nætur. amen.

Sálm:121:3-6

Bæn dagsins...

Ég hef augu mín til fjallanna, hvaðan kemur mér hjálp? Hjálp mín kemur frá Drottni, skapara himins og jarðar. Amen.

Sálm:121:1-2

Bæn dagsins...

Hví stendur þú fjarri, Drottinn, hví felur þú þig á neyðartímum? Hinn óguðlegi ofsækir þá snauðu með hroka, fangar þá með ráðum sem hann hefur bruggað. Amen.

Sálm :10:1-2

Bæn dagsins...

Sæll er sá maður er þú agar, Drottinn, og fræðir með lögmáli þínu svo að hann njóti friðar á erfiðum dögum uns hinum óguðlega verður grafin gröf. Amen.

Sálm:94:12-13

Bæn dagsins...

Varðveiti mig, Drottinn, fyrir hendi óguðlegra, vernda mig fyrir ofbeldismönnum, fyrir þeim sem hyggjast fyrir mig fæti. Ofstopamenn lögðu gildrur fyrir mig, illviljaðir þöndu út net sín, lögðu snörur fyrir mig við veginn. 

Ég sagði við Drottin: Þú ert Guð minn. Ljá eyra grátbeiðni minni. Drottinn, Guð minn, þú ert mér máttug hjálp, þú skýlir höfði mínu á orrustudegi. Drottinn, uppfyll eigi óskir hins óguðlega, lát vélráð hans ekki takast. Amen.

Sálm:140:5-9

Bæn dagsins...

Farísei og tollheimtumaður 

Jesús sagði líka dæmisögu þessa við nokkra þá er treystu því að sjálfir væru þeir réttlátir en fyrirlitu aðra: ,,Tveir menn fóru upp í helgidóminn að biðjast fyrir. annar var farísei, hinn tollheimtumaður. Faríseinn sté fram og baðst þannig fyrir: Guð, ég þakka þér að ég er ekki eins og aðrir menn, ræningjar ranglátir, hórkarlar eða þá eins og þessi tollheimtumaður. Ég fasta tvisvar í viku og geld tíund af öllu sem ég eignast. En tollheimtumaðurinn stóð langt frá og vildi ekki einu sinni hefja augu sín til himins heldur barði sér á brjóst og sagði: Guð, vertu mér syndugum líknsamur! Ég segi yður: Tollheimtumaðurinn fór heimt til sín sáttur við Guð, hinn ekki, því að hver sem upp hefur sjálfan sig mun auðmýktur verða en sá sem lítillækkar sjálfan sig mun upp hafinn verða." Amen.

Lúk:18:9-14

Bæn dagsins...

Eigi þreytast að biðja

Þá sagði Jesús þeim dæmisögu um það hvernig þeir skyldu stöðugt biðja og eigi þreytast: ,,Í borg einni var dómari sem hvorki óttaðist Guð né skeytti um nokkurn mann. Í sömu borg var ekkja sem kom einlægt til og sagði: Lát þú mig ná rétti á mótstöðumanni mínum. Það vildi hann ekki lengi vel. En að lokum sagði hann við sjálfan sig: Ekki óttast ég Guð að sönnu né skeyti um nokkurn mann. En þessi ekkja lætur mig aldrei í friði. Því vil ég rétta hlut hennar áður en hún gerir út af við mig með nauði sínu." 

Og Drottinn mælti: ,,Heyrið hvað rangláti dómarinn segir. Mun Guð þá ekki rétta hlut sinna útvöldu sem hrópa tilhans dag og nótt? Mun hann draga að hjálpa þeim? Ég segi yður: Hann mun skjótt rétta hlut þeirra. En mun Mannssonurinn finna trúna á jörðu þegar hann kemur? Amen. Lúk:18:1-8

Bæn dagsins... Sálmarnir...

Ég ákalla Drottin í nauðum mínum og hann bænheyrir mig Drottinn, bjarga mér frá ljúgandi vörum og tælandi tungum. Hvernig mun hann hegna þér, hvað láta koma yfir þig, svikula tunga? Hvesstar örvar hermanns ásamt glóandi kolum. vei mér því að ég dvelst í Mesek, verð að búa hjá tjaldbúðum Kedars. Amen.

Sálm:120:1-5

Bæn dagsins...

Ég varð glaður er menn sögðu við mig: ,,Göngum í hús Drottins." Fætur vorir standa í hliðum þínum, Jerúsalem. Jerúsalem, þú rammgerða borg, þéttbyggð og traust, þangað sem ættbálkarnir halda, ættbálkar Drottins. Amen.

Sálm:122:1-4

Bæn dagsins...

Við yfirgáfum allt

Þá sagði Pétur: ,,Við yfirgáfum allt sem við áttum og fylgdum þér." Jesús sagði við þá: ,,Sannlega segi ég yður að enginn hefur yfirgefið heimili, konu, bræður, foreldra eða börn vegna Guðs ríkis án þess að hann fái margfalt aftur á þessum tíma og í hinum komandi heimi eilíft líf." Amen.

Lúk:18:28-30

Bæn dagsins...

Leyfið börnunum að koma til mín

Menn færðu og til hans ungbörnin svo að hann snerti þau. Lærisveimarnir sáu það og átöldu þá. En Jesús kallaði þau til sín og mælti: ,,Leyfið börnunum að koma til mín, varnið þeim eigi því að slíkra er Guðs ríki. Sannlega segi ég yður:Hver sem tekur ekki við Guðs ríki eins og barn mun aldrei inn í áð koma." Amen.

Lúk:18:15-17

Bæn dagsins...

Sá sem þann dag er á þaki uppi og á muni sína í húsinu fari ekki ofan að sækja þá. Og sá sem er á akri skal ekki heldur hverfa aftur. Minnist konu Lots. Sá sem vill sjá lífi sínu borgið mun týna því en sá sem týnir því mun öðlast líf. Ég segi yður: Á þeirri nóttu verða tveir í einni hvílu, annar mun tekinn, hinn eftir skilinn. Tvær munu mala á sömu kvörn, önnur verður tekin, hin eftir skilin. (Tveir verða á akri, annar mun tekinn, hinn eftir skilinn) Þeir spurðu hann þá: ,,Hvar, herra?" En hann sagði við þá: ,,Þar mun ernirnir safnast sem hræið er." Amen.

Lúk:17:31-37

Bæn dagsins...

Eins og var á dögum Nóa, svo mun og verða á dögum Mannssonarins: Menn átu og drukku, kvæntust og giftust allt til þess dags er Nói gekk í örkina og flóðið kom og tortímdi öllum. Eins var og á dögum Lots: Menn átu og drukku, keyptu og seldu, gróðursettu og byggðu. En daginn sem Lot fór úr Sódómu rigndi eldi og brennisteini af himni og tortímdi öllum. Eins mun verða á þeim degi er Mannssonurinn opinberast. Amen.

Lúk:17:26-30

Bæn dagsins...

Er Mannssonurinn opinberast

Og Jesús sagði við lærisveinana: ,,Þeir dagar munu koma að þér þráið að sjá einn dag Mannssonarins og munuð eigi sjá hann. Menn munu segja við yður: Sjá hér, sjá þar. En farið ekki og hlaupið eftir því. Mannssonurinn kemur eins og elding sem leiftrar og lýsir frá einu skauti himins til annars. En fyrst á hann margt að líða og þessi kynslóð mun útskúfa honum. Amen.

Lúk:17:22-25