Bæn dagsins...

Skilningssljór höfðingi er harður kúgari en langlífur verður sá sem hatar rangfenginn auð. Sá maður, sem blóðsök hvílir á, er á flótta fram á grafarbakkann, enginn aðstoði hann. Sá sem breytir ráðvandlega mun frelsast en sá fellur í gryfju sem beitir undirferli.

Orðs:28:16-18

Bæn dagsins...

Daufheyrist maður við lögmálinu verður bæn hans andstyggð. Sá sem tælir heiðarlega menn á glapstigu fellur sjálfur í gröf sína en ráðvöndum mun vel farnast. Ríkur maður þykist vitur en snauður maður og hygginn sér við honum. Þegar hinir réttlátu fagna er mikið um dýrðir en þegar vegur ranglátra vex forða menn sér. Sá sem dylur yfirsjónir sínar verður ekki lánsamur en sá sem játar þær og lætur af þeim hlýtur miskunn. Sæll er sá maður sem ávallt er var um sig en sá sem herðir hjarta sitt fellur í ógæfu.Eins og grenjandi ljón og gráðugur björn, svo er ranglátur drottnari yfir magnlítilli þjóð. AMEN.

Orðs:28:9-15

Bæn dagsins...

Betri er fátækur maður og ráðvandur en ríkur en r´ðikur maður og undirförull. Sá sem varðveitir kenninguna er hygginn sonur en sá sem leggur lag sitt við óhófsmenn gerir föður sínum smán. Sá sem eykur auð sinn með fjárleigu og vöxtum safnar honum handa þeim sem líknar fátækum. AMEN.

Orðs:28:6-8

Bæn dagsins...

Maður sem er fátækur og situr á hlut snauðra er eins og steypiregn sem spillir uppskeru. Þeir sem hafna fræðslu hrósa ranglátum en þeir sem fræðsluna þiggja berjast gegn þeim. Illmenni skilja ekki hvað rétt er en þeir sem leita Drottins skilja allt. Amen.

Orðs:28:3-5

Bæn dagsins...

Hinir ranglátu flýja þótt enginn elti þá en hinir réttlátu eru óttalausir eins og ungt ljón. Þegar uppreisn verður í landinu gerast þar margir höfðingjar en meðal skynsamra og hygginna manna mun góð skipan lengi standa. Amen.

Orðs:28:1-2

Bæn dagsins...

Vitur maður sér ógæfuna og felur sig en einfeldningar halda áfram og gjalda þess. Taktu skikkjuna af þeim sem hefur gengið í ábyrgð fyrir ókunnugan, taktu veð af þeim sem hefur gengið í ábyrgð fyrir framandi konu. Blessi maður náunga sinn snemma morguns með háreysti skal það metið sem formæling. Sífelldur þakleki í rigningatíð og þrasgjörn kona er hvað öðru  líkt, sá er hana stöðvar stöðvar vindinn og heldur á olíu í hægri hendi. Járn brýnir járn og maður brýnir mann. Sá sem gætir fíkjutrés mun njóta ávaxtar þess og sá sem annast húsbónda sinn hlýtur sæmd. Andlit horfir við andliti í vatni, svo er hjarta eins manns gagnvart öðrum. Dánarheimar og undirdjúpin eru óseðjandi, svo eru og augu mannsins óseðjandi. Deiglan reynir silfrið og bræðsluofninn gullið en maðurinn er metinn eftir orðstír sínum. Þótt þú steytir heimskingjann í mortéli ásamt korni mun heimska hans ekki skilja við hann. Gefðu nákvæmar gætur að sauðum þínum og annast um hjarðir þínar því að hvorki vara  eignir að eilífu né kóróna frá kyni til kyns. Sé heyið hirt og háin tekin að spretta og hafi jurtum fjallanna verið safnað átt þú lömb þér til klæðnaðar, geithafra til þess að kaupa fyrir akur og nóga geitamjólk þér til færslu, heimili þínu til matar og til viðurværis þernum þínum. AMEN.

Orðs:27:12-27

Bæn dagsins...

Ilmolía og reykelsi gleðja hjartað  en indælli er vinur en ilmandi viður. Yfirgefðu ekki vin þinn né vin föður þíns og gakktu ekki í hús bróður þíns á óheilladegi þínum. Betri er granni í grennd en bróðir í fjarska. Öðlastu visku, sonur minn, og gleddu hjarta mitt svo að ég geti svarað þeim orði sem smána mig. AMEN.

Orðs:27:9-11

Bæn dagsins...

Hælstu ekki um af morgundeginum því að þú veist ekki hvað dagurinn ber í skauti sínu. Láttu aðra hrósa þér, ekki þinn eigin mann,annarra varir, ekki þínar eigin. Steinar eru þungir og sandurinn sígur í en gremja afglapans er þyngri en hvort tveggja. Heiftin er grimm og reiðin er svæsin en hver fær staðist öfundina? Betri eru átölur í hreinskilni en ást sem leynt er. Vel meint eru vinar sárin en viðbjóðslegir fjandmanna kossar. Saddur maður treður hunang undir fótum en hungruðum manni er remman sæt. Eins og fugl, floginn úr hreiðri, svo er maður sem flúinn er af heimili sínu. AMEN.

Orðs:27:1-8

Bæn dagsins...

Með vörum sínum gerir hatursmaðurinn sér upp vinalæti en í hjarta sínu hyggur hann á svik. Þó að hann mæli fagurt, þá trúðu honum ekki því að sjö andstyggðir búa í hjarta hans. Þótt hatrið hylji sig hræsni, þá verður illska þess opinber í söfnuðinum. Sá sem grefur gröf fellur í hana og steinninn fellur aftur í fang þeim er veltir honum. Lygin tunga hatar þá sem hún hefur unnið mein og smjaðuryrði leiða til glötunar. AMEN.

Orðs:26:24-28

Bæn dagsins...

Þegar eldsneytið þrýtur slokknar eldurinn og þegar enginn er rógberinn stöðvast deilurnar. Eins og kol þarf til glóða og við til elds, eins þarf þrætugjarnan mann til að kveikja deilur. Orð rógberans eru eins og sælgæti, þau læsa sig inn í innstu fylgsni hjartans. Sem sorasilfur utan af leirbroti, svo eru eldheitir kossar og illt hjarta. AMEN.

Orðs:26:20-23

Bæn dagsins...

Latur maður þykist vitrari en sjö sem veita viturleg  ráð. Sá sem blandar sér í annarra deilu er eins og sá sem grípur í eyrun á hundi sem fram hjá hleypur. Eins og óður maður sem þeytir eldibröndum og örvum er sá sem svíkur náunga sinn og segir síðan: ,,Ég var bara að gera að gamni mínu." AMEN. 

Orðs:26:16-19

Bæn dagsins...

Eins og skytta sem skýtur á alla vegfarendur, svo er sá sem ræður heimskingja eða vergangsmann til verka. Eins og hundur sem snýr aftur til spýju sinnar, svo er heimskingi sem endurtekur fíflsku sína. Sjáir þú mann sem telur sig vitran, þá á heimskinginn meiri von en hann. Letinginn segir: ,,Óargadýr er úti fyrir, ljón á torgunum." Hurðin snýst á hjörunum og letinginn í hvílu sinni. Latur maður dýfir hendinni ofan í skálina en honum er um megn að bera hana upp að munninum. AMEN.

Orðs:26:10-15

Bæn dagsins...

Eins og snjór um sumar eða regn um uppskeru, svo illa á sæmd við heimskan mann. Eins og spörfugl hlýtur að flögra og svala að fljúga, eins er um óverðskuldaða formælingu, hún verður ekki að áhrínsorðum. Svipan hæfir hestinum og taumurinn asnanum en vöndurinn baki heimskingjans. Svaraðu ekki heimskingjanum eftir fíflsku hans svo að þú verðir ekki honum jafn. Svaraðu heimskingjanum eftir fíflsku hans, annars heldur hann að hann sé vitur. Sá fórnar fótum sínum og fær að súpa á ranglæti sem sendir orð með heimskingja. Eins og fótleggir hins lamaða hanga máttlausir, svo fer spakmælum í munni heimskingjanna. Þeim sem sýnir heimskum manni sæmd fer eins og þeim er hnýtir stein í slöngvu. Eins og þyrnir stingst í hönd á drukknu manni, svo er spakmæli í munni heimskingjanna.AMEN.

26:1-9

Bæn dagsins...

Finnir þú hunang fáðu þér nægju þína svo að þú verðir ekki afsaddur  af því og spýir því upp. Stígðu fæti þínum hóflega oft í hús náunga þíns svo að hann verði ekki leiður á þér og honum í nöp við þig. Sleggja, sverð, hvöss ör, svo er sá sem ber falsvitni gegn náunga sínum. Laus tönn og hrasandi fótur, slíkt er traust á svikara á degi neyðarinnar. Að fara úr fötum í kalsaveðri, að hella ediki í sár, eins er að syngja sorgmæddum gleðisöngva. Ef óvin þinn hungrar gefðu honum þá að eta og þyrsti hann gefðu honum þá að drekka því að þú safnar glóðum elds að höfði honum og Drottinn mun endurgjalda þér það. Norðanvindurinn ber með sér regn og launskraf reiðileg andlit. Betri er dvöl í horni á húsþaki en sambúð við þrasgjarna konu. Eins og kalt vatn í skrælnaða kverk, svo er heillafregn úr fjarlægu landi. Eins og grugguð lind og skemmdur brunnur, svo er réttlátur maður er lætur undan vondum manni. Of mikið hunangsát er ekki gott, vertu því spar á hólið. Eins og opin borg án borgarmúra, svo er sá maður sem ekki hefur stjórn á skapi sínu. AMEN.

Orðs:25:16-28

Bæn dagsins...

Eins og gullhringur og skartgripur af skíru gulli, svo er áminning viturs manns sem hlýtt er á. Eins og snjósvali um uppskerutímann, svo er áreiðanlegur sendiboði þeim sem sendir hann því að hann hressir sál húsbónda síns. Ský  og vindur en engin rigning, svo er sá sem hrósar sér af örlæti en gefur þó ekkert.Með þolinmæði má telja höfðingja hughvarf,mjúk tunga mylur bein.Amen.

Orðs:25:12-15

Bæn dagsins...

Hvað sem augu þín kunna að hafa séð, vertu þá ekki of hvatur í málavafstur því að hverjar  verða lyktirnar ef náungi þinn gerir þér minnkun? Verðu rétt þinn gegn náunga þínum en ljóstraðu ekki upp leyndarmálum annars manns til þess að sá sem heyrir það átelji þig ekki og þú fáir á þig varanlegt óorð. Gullepli í silfurskálum, svo eru vel valin orð. Amen.

Orðs:25:8-11

Bæn dagsins...

Sér hinir ranglátu teknir burt frá augliti konungsins, þá verður hásæti hans stöðugt í réttlæti. Stærðu þig ekki frammi fyrir konunginum og ætlaðu þér ekki stað stórmenna því að betra er að menn segi við þig: ,,Færðu þig hingað upp," en að menn niðurlægi þig frammi fyrir tignarmanni. Amen.

Orðs:25:5-7

Bæn dagsins...

Þetta eru líka orðskviðir Salómons sem menn Hiskía Júdaskonungs söfnuði: Guð er sæmd að dylja mál, konungum sæmd að útkljá mál. Eins og hæð himins og dýpt jarðar, svo eru konungshjörtun órannsakanleg. Sé sorinn tekinn úr silfrinu, þá fær smiðurinn ker úr því. Amen.

Orðs:25:1-4

Bæn dagsins...

Hlutdrægni í dómi er röng.

Þeim sem segir við hinn seka: ,,Þú hefur rétt fyrir þér," honum formæla menn og þjóðir fordæma hann. Þeim sem fella réttan úrskurð mun farnast vel, þeir munu hljóta ríkulega blessun. Að veita rétt svör er eins og að gefa koss. Sinntu  útiverkunum og ljúktu  þeim á akrinum, síðan getur þú byggt þér hús. Vitnaðu ekki gegn náunga þínum án gildrar ástæðu, eða vilt þú svíkja með orðum þínum? Segðu ekki: ,,Eins og hann gerði mér, eins ætla ég að gera honum, ég ætla að veita manninum makleg  málagjöld." Ég gekk fram hjá akri letingja nokkurs, fram hjá víngarði heimsks manns. Hann var allur vaxinn þistlum, hann var alþakinn  netlum og steingarðurinn umhverfis hann var hruninn. Ég sá þetta og veitti því athygli, horfði á það og lét mér það að kenningu verða: Sofa ögn enn, blunda ögn enn , leggja saman hendurnar ögn enn til að hvílast, þá kemur fátæktin yfir þig eins og ræningi og skorturinn eins og vopnaður maður. Amen.

Orðs:24:24-34

Bæn dagsins...

Rangláti maður, sit ekki um búntað hins réttláta og spilltu ekki heimkynnum hans því að sjö sinnum fellur hinn réttláti og stendur upp aftur en hinir ranglátu hrasa og tortímast. Gleðstu ekki yfir falli óvinar þíns og hjarta þitt fagni ekki þótt hann hrasi svo að Drottinn sjái það ekki og honum mislíki og hann snúi reiði sinni frá honum. Reiðstu ekki vegna illgjörðamanna, láttu ekki rangláta angra þig því að vondur maður á sér enga fratíð, á lampa ranglátra slokknar. Sonur minn, óttastu Drottin og konunginn, eigðu ekki samneyti við uppreisnarseggi því að ógæfa þeirra ríður yfir þegar minnst varir og hver getur séð fyrir ófarir þeirra?. 

Orðs:24:15-22

Þessi spakmæli eru líka eftir spekinga:

Orðs:24:23