Bæn dagsins

Skömmu síðar bar svo við að Jesús hélt  til borgar sem heitir Nain og lærisveinar hans fóru með honum og mikill mannfjöldi. Þegar hann nálgaðist borgarhliðið þá var verið að bera út látinn mann, einkason móður sinnar sem var ekkja, og mikill fjöldi úr borginni var með henni. Og er Drottinn sá hana kenndi hann í brjósti um hana og sagði við hana:,,Grát þú eigi!. Og hann gekk að og snart líkbörurnar en þeir sem báru námu staðar. Þá sagði hann: ,,Ungi maður,ég segi þér, rís þú upp!" Hinn látni settist þá upp og tók að mæla og Jesús gaf hann móður hans. Amen.

Lúk 7:11-15.

Bæn dagsins

Þegar Jesús heyrði þetta furðaði hann sig á honum, sneri sér að mannfjöldanum sem fylgdi honum og mælti: ,,Ég segi ykkur, ekki einu sinni í Ísrael hef ég fundið þvílíka trú." Sendimenn sneru þá aftur heim og fundu þjóninn heilan heilsu. Amen.

Lúk:7:9-10

Bæn dagsins

Jesús fór með þeim. Þegar hann átti skammt til hússins sendi hundraðshöfðinginn vini sína til hans og lét segja við hann: ,,Ómaka þig ekki, Drottinn, því að ég er ekki verður þess að þú gangir inn undir þak mitt. Þess vegna hef ég ekki heldur talið sjálfan mig verðan þess að koma til þín. En mæl þ´æu eitt orð og mun sveinn minn heill verða. Því að sjálfur er ég maður sem verður að lúta valdi og ræður yfir hermönnum og ég segi við einn: Far þú, og hann fer og við annan: Kom þú, og hann kemur og við þjón minn: Ger þetta, og hann gerir það."Amen.

Lúk:7:6-8

Bæn dagsins

Þeir komu til Jesú, báðu hann ákaft og sögðu: ,,Verður er hann þess að þú veitir honum þetta því að hann elskar þjóð okkar og hann hefur reist samkunduna handa okkur." Amen.

Lúk:7:4-5

Bæn dagsins

Þá er Jesús hafði lokið við að tala við fólkið fór hann til Kapernaúm.Hundraðshöfðingi nokkur hafði þjón sem hann mat mikils. Þjónninn var sjúkur og dauðvona. Þegar hundraðshöfðinginn heyrði um Jesú sendi hann til hans öldunga Gyðinga og bað hann koma og bjarga lífi þjóns síns. Amen.

Lúk:7:1-3

Bæn dagsins

Hann er líkur manni er byggði hús, gróf djúpt fyrir og grundvallaði það á bjargi. Nú kom flóð og flaumurinn skall á því húsi en fékk hvergi hrært það vegna þess að var vel byggt. Hinn, er heyrir það sem ég segi og breytir ekki eftir því, er líkur manni sem sem byggði hús á jörðinni án  undirstöðu. Flaumurinn skall á því og það hús fékk þegar og fall þess varð mikið." Amen.

Lúk:6:48-49

Bæn dagsins

En hví kallið þér mig Drottin, Drottin, og gerið ekki það sem ég segi? Ég skal sýna yður hverjum sá er líkur sem kemur til mín, heyrir orð mín og breytir eftir þeim.Amen.

Lúk:6:46-47

Bæn dagsins

Því að ekki er til gott tré er beri slæman ávöxt né heldur slæmt tré er beri góðan ávöxt. En hvert tré þekkist af ávexti sínum enda lesa menn ekki fíkjur af þistlum né vínber af þyrnirunni. Góður maður ber gott fram úr góðum sjóði hjarta síns en vondur maður ber vont fram úr vondum sjóði. Af gnægð hjartans mælir munnur hans. Amen.

Lúk:6:43-45

Bæn dagsins

Þá sagði Jesús þeim og líkingu: ,,Hvort fær blindur leitt blindan? Munu ekki báðir falla í gryfju? Ekki er lærisveinn meistaranum fremri en hver sem er fullnuma verður eins og meistari hans. Hví sérð þú flísina í auga bróður þíns en tekur ekki eftir bjálkanum í auga þínu? Hvernig færð þú sagt við bróður þinn:Bróðir, lát mig draga flísina úr auga þér, en sérð ekki bjálkann í þínu auga?  Hræsnari, drag fyrst bjálkann úr auga þér og þá sérðu glöggt til að draga flísina úr auga bróður þíns. Amen.

Lúk:6:39-42

Bæn dagsins

Dæmið ekki og þér munuð eigi verða dæmd. Sakfellið eigi og þér munuð eigi verða sakfellið. Fyrirgefið öðrum og Guð mun fyrirgefa yður. Gefið og yður mun gefið verða. Góður mælir, troðinn, skekinn, fleytifullur mun lagður í skaut yðar. Því með þeim mæli, sem þér mælið, mun yður aftur mælt verða." Amen.

Lúk:6:37-

Bæn dagsins

Og þótt þér elskið þá sem yður elska, hvaða þökk eigið þér fyrir það? Syndarar elska þá líka sem þá elska. Og þótt þér gerið þeim gott sem yður gera gott, hvaða þökk eigið þér fyrir það? Syndarar gera og hið sama. Og þótt þér l´nið þeim sem þér vonið að muni borga, hvaða þökk eigið þér fyrir það? Syndarar lána einnig syndurum til þess að fá allt aftur. Nei elskið óvini yðar og gerið gott og lánið án þess að vænta nokkurs í staðinn, og laun yðar munu verða mikil og þér verða börn Hins hæsta því að hann er góður við vanþakkláta og vonda. Verið miskunnsöm eins og faðir yðar er miskunnsamur. Amen.

Lúk:6:32-36

Bæn dagsins

Gef þú hverjum sem biður þig og ef einhver tekur frá þér það sem þú átt þá skaltu ekki krefja hann um það aftur. Og eins og þér viljið að aðrir menn geri við yður, svo skuluð þér og þeim gera.Amen.

Lúk:6:30-31

Bæn dagsins

En ég segi yður er á mig hlýðið: Elskið óvini yðar, gerið þeim gott sem hata yður, blessið þá sem bölva yður og biðjið fyrir þeim er misþyrma yður. Slái þig einhver á kinnina skaltu og bjóða hina og taki einhver yfirhöfn þína skaltu ekki varna honum að taka kyrtilinn líka. Amen.

Lúk:6:27-29

Bæn dagsins

Og þar var Anna spákona Fanúelsdóttir af ætt Assers, kona háöldruð. Hún hafði lifað sjö ár með manni sínum þegar hann dó og síðan verið ekkja fram á áttatíu og fjögurra ára aldur. Hún vék eigi úr helgidóminum en þjónaði Guði nótt og dag með föstum og bænahaldi. Hún kom að á sömu stundu og lofaði Guð. Og hún talaði um barnið við alla sem væntu lausnar Jerúsalem. Og er þau höfðu lokið öllu, sem lögmál Drottins bauð, sneru þau aftur til Galíleu, il borgar sinnar Nasaret. En sveinninn óx og styrktist, fylltur visku, og náð Guðs var yfir honum. amen.

Lúk:2:36-40

Bæn dagsins

Faðir hans og móðir undruðust það er sagt var um hann. En Símeon blessaði þau og sagði við Maríu móður hans: ,,þessi sveinn er settur  til falls og til viðreisnar mörgum í Ísrael. Hann verður tákn sem menn munu rísa gegn. Sjálf munt þú sverði níst í sálu þinni. þannig munu hugsanir margra hjartna verða augljósar." Amen.

Lúk:2-33-35

Bæn dagsins

Nú lætur þú, Drottinn, þjón þinn í friði fara eins og þú hefur heitið mér því að augu mín hafa séð hjálpræði þitt, sem þú hefur fyrirbúið í augsýn allra lýða, ljós til opinberunar heiðingjum og til vegsemdar lýð þínum Ísrael. Amen.

Lúk. 2:29-32

Bæn dagsins

Komið, öll dýr merkurinnar, komið, öll dýr skógarins, og étið. Allir verðir Ísraels eru blindir, þeir vita ekkert, þeir eru allir hljóðir hundar sem gera ekki gelt, þeir liggja í draummóki, þykir gott að lúra. En þetta eru gráðugir hundar sem aldrei fá fylli sína, þeir eru fjárhirðar sem eru skilningssljóir og fara hver sína leið, allir sem einn elta þeir eigin gróða. ,,Komið, ég skal sækja vín, vér skulum drekka duglega. Morgundagurinn verður sem þessi, jafnvel enn betri." Amen.

Jesaja.56:9-12

Bæn dagsins

Hann mun fela þig englum sínum og þeir munu bera þig á höndum sér að þú steytir ekki fót þinn við steini." 

Jesús svaraði honum:,,Aftur er ritað: þú skalt ekki freista Drottins, Guðs þíns." Amen.

Matt 4:6-7

Bæn dagsins

Takið á móti trúarveikum án þess að dæma skoðanir þeirra. Einn er þeirrar trúar að alls megi neyta, annar er veikur í trúnni og neytir einungis jurtafæðu. Sá sem neytir skal ekki fyrirlíta hinn sem neytir ekki og sá sem neytir ekki skal ekki dæma þann sem neytir því að Guð hefur tekið á móti honum. Amen. Róm 14:2-3

Bæn dagsins

Gerið þetta því heldur sem þið vitið hvað tímanum líður, að ykkur er mál að rísa af svefni. Nú er okkur hjálpræðið nær en þá er er við tókum trú. Liðið er á nóttina og dagurinn í nánd. Leggjum því af verk myrkursins og klæðumst hertygjum ljóssins. Lifum svo að sæmd sé að, því nú er dagur kominn, en hvorki í ofáti né ofdrykkju, hvorki saurlífi né svalli, ekki með þrætum eða öfund. Íklæðist heldur Drottni Jesú Kristi og leggið ekki þann hug á jarðnesk efni að það veki girndir. Amen.

Róm.13:11-13