Bæn dagsins...

Kenndu okkur að biðja

Svo bar við, er Jesús var á stað einum að biðjast fyrir, að einn lærisveina hans sagði við hann þá er hann lauk bæn sinni: ,,Drottinn, kenndu okkur að biðja eins og Jóhannes kenndi lærisveinum sínum." En hann sagði við þá: ,,Þegar þér biðjist fyrir, Þá segið:

Faðir, helgist þitt nafn, til komi þitt ríki, gef oss hvern dag vort daglegt brauð.Amen.

Lúk:11:1-3

Bæn dagsins...

Menn þekktu ekki Guð

En reiði Guðs opinberast af himni yfir öllu guðleysi og illsku manna sem kefja sannleikann með ranglæti. Það sem vitað verður um Guð blasir við þeim. Guð hefur birt þeim það. Ósýnilega veru hans, eilífan mátt og guðdómstign má skynja og sjá af verkum hans allt frá sköpun heimsins. Því eru mennirnir án afsökunar. Þeir þekktu Guð en hafa samt ekki tignað hann sem Guð né þakkað honum heldur fylltu þeir hugann af hégiljum og skynlaust hjarta þeirra hjúpaðist myrkri. Þeir þóttust vera vitrir en urðu heimskingjar. Í stað þess að tilbiðja dýrlegan, eilífan Guð hafa þeir tilbeðið myndir af dauðlegum mönnum, fuglum, ferfætlingum og skriðkvikindum. Þess vegna hefur Guð látið fýsnir þeirra til saurlífis ná valdi yfir þeim svo að þeir svívirtu líkami sína hver með öðrum. Þeir völdu lygina í staðinn fyrir sannleika Guðs, hafa göfgað og dýrkað hið skapaða í stað skaparans, hans sem er blessaður að eilífu. Því hefur Guð ofurselt þá svívirðilegum girndum. Bæði hafa konur breytt eðlilegum mökum í óeðlileg  og eins hafa karlar hætt eðlilegum mökum við konur og brunnið í losta hver til annars, karlmenn hafa framið skömm með karlmönnum og tóku svo út á sjálfum sér makleg málagjöld villu sinnar. Fyrst menn hirtu ekkert um að þekkja Guð sleppti hann þeim á vald ósæmilegs hugafars. Þeir urðu fullir alls kyns rangsleitni, vonsku, ágirndar og illsku. Þeir eru öfundsjúkir, morðfúsir, deilugjarnir sviksamir, illgjarnir, illmálugir, bakbítar. Þeir eru guðshatarar, ofjátar, hrokafullir, gortarar, hrekkvísir, óhlýðnir, kærleikslausir, miskunnarlausir. Þeir vita að Guð dæmir rétt og að allir, sem slíkt fremja eru dauðasekir. Samt fremja þeir þetta og gera að auki góðan róm að slíkri breytni hjá öðrum. Amen.

Róm:1:18-32

Bæn dagsins...

Fagnaðarerindið - kraftur Guðs

Ég fyrirverð mig ekki fyrir fagnaðarerindið. Það er kraftur Guðs sem frelsar hvern þann mann sem trúir, Gyðinginn fyrst og aðra síðan. Réttlæti Guðs opinberast í því fyrir trú til trúar eins og ritað er: Hinn réttláti mun lifa fyrir trú. Amen.

Róm:1:16-17

Bæn dagsins...

Páll og söfnuðurinn í Róm

Fyrst og fremst þakka ég Guði mínum í nafni Jesús Krists fyrir ykkur öll af því að orð fer af trú ykkar í öllum heimi. Guð, sem ég þjóna í anda mínum með fagnaðarerindinu um son hans, er mér vottur þess að ég sífellt minnist ykkar í bænum mínum. Ég bið þess stöðugt að mér mætti loks auðnast að koma einhvern tíma til ykkar, ef Guð lofar. Ég þrái að sjá ykkur til þess að geta miðlað af gjöfum andans svo að þið styrkist eða réttara sagt: Svo að við getum uppörvast saman í sömu trú, ykkar og minni. Ég vil að þið vitið, bræður og systur, að ég hef oftsinnis ætlað mér að koma til ykkar en hef verið hindraður  hingað til. Ég vildi sjá einhvern ávöxt hjá ykkur eins og öðrum sem áður voru heiðingjar. Ég er í skuld bæði við Grikki og útlendinga, vitra og fávísa. Því fýsir mig að boða fagnaðarerindið einnig ykkur í Róm. amen.

Róm:1:8-15

Bæn dagsins...

Kveðja

Páll heilsar ykkur, þjónn Jesú Krists, sem Guð hefur kallað til að vera postuli og valið til að boða fagnaðarerindi sitt, sem hann lét spámenn sína áður flytja fyrirheit um í helgum ritningum, fagnaðarerindið um son hans, Jesú Krist, Drottin vorn. Sem maður er hann fæddur af kyni Davíðs en heilagur andi hans auglýsti með krafti að hann er sonur Guðs þegar hann reis upp frá dauðum. Af náð hans er ég postuli og á að leiða heiðna menn hvarvetna til þess að lúta honum í trú, nafni hans til dýrðar. Meðal þeirra eruð og þið sem Jesús Kristur hefur kallað sér til eignar. Ég heilsa öllum sem Guð elskar í Róm og kallar til heilags lífs. Náð sé með yður og friður frá Guði föður vorum og Drottni Jesú Kristi. Amen. 

Róm:1:1-7

Bæn dagsins...

Guð freistar einskis manns

Sæll er sá maður sem stenst freistingu og reynist hæfur. Guð mun veita honum kórónu lífsins sem hann heitið þeim er elska hann. Enginn má segja er hann verður fyrir freistingu: ,,Guð freistar mín." Hið illa getur eigi freistað Guðs og sjálfur freistar hann einskis manns. Það er eigin girnd sem freistar sérhvers manns og dregur hann og tælir. Þegar girndin síðan er orðin þunguð elur hún synd og þegar syndin er orðin fullþroskuð leiðir hún til dauða. Villist ekki, elskuð systkin. Sérhver góð gjöf og sérhver fullkomin gáfa er ofan að, frá föður ljósanna. Hjá honum er engin umbreyting né flöktandi skuggar. Hann er ávallt hinn sami. Hann ákvað að láta orð sannleikans vekja okkur til lífs til þess að við skyldum vera frumg´róði sköpunar hans. Amen.

Hið almenna bréf Jakobs:1.12-18

Bæn dagsins...

Lagning og upphefð

Sá sem er lágt settur hrósi sér af upphefð sinni, auðmaðurinn af allsleysi sínu því að hann mun líða undir lok eins og blóm á engi. Sólin kemur upp með steikjandi hita og svíður grasið og blóm þess fellur og fegurð þess verður að engu. Þannig mun og auðugur maður visna upp á vegum sínum. Amen.

Hið almenna bréf Jakobs:1:9-11

Bæn dagsins...

Hið Almenna bréf Jakobs

Þolgæði, trú og bæn

Jakob, þjónn Guðs og Drottins Jesú Krists, Heilsar þeim tólf kynkvíslum í dreifingunni. Kæri söfnuður, álítið það mesta fagnaðarefni er þið ratið í ýmiss konar raunir. Þið vitið að trúfesti ykkar vekur þolgæði en þolgæðið á að birtast í því sem þið gerið, til þess að þið séuð fullkomin og alger og ykkur sé í engu ábótavant. Ef einhvern mann í ykkar hópi brestur visku, þá biðji hann Guð sem gefur öllum örlátlega og átölulaust og honum mun gefast. En hann biðji í trú án þess að efast. Sá sem efast er líkur sjávar öldu er rís og hrekst fyrir vindi. Sá maður má eigi ætla að hann fái nokkuð hjá Drottni. Hann er tvílyndur og reikull í öllu atferli sínu. Amen.

hið Almenna bréf Jakobs:1:1-8

 

Bæn dagsins...

Guð sé oss náðugur og blessi oss, hann láti ásjónu sína lýsa meðal vor svo að þekkja megi veg þinn á jörðinni og hjálpræði þitt meðal allra þjóða. Amen.

Sálm:67:2-3

Bæn dagsins...

Þér ber lofsöngur, Guð á Síon, og við þig séu heitin efnd. Þú, sem heyrir bænir, til þín leita allir menn. Þegar misgjörðir vorar verða oss um megn fyrirgefur þú oss.

Sæll er sá sem þú velur og lætur nálgast þig, hann fær að dveljast í forgörðum þínum. Amen. 

Sálm:65:2-5

Bæn dagsins...

En ég hrópa til þín, Drottinn, bæn mín berst þér að morgni. Hví útskúfar þú mér,Drottinn, og hylur auglit þitt fyrir mér? Ég var beygður og í dauðans greipum allt frá æsku, áþján þín hvílir á mér, ég er örmagna orðinn. Glóandi heift þín gengur yfir mig, ógnir þínar gera út af við mig, þær umlykja mig eins og vötn allan liðlangan daginn, þrengja að mér úr öllum áttum. Þú hefur gert vini mína og vandamenn fráhverfa mér, myrkrið er minn nánasti vinur. Amen.

Sálm:88:14-19

Bæn dagsins...

Minnist ég Guðs andvarpa ég , hugsi ég mig um missi ég móðinn. Þú heldur augum mínum opnum, mér er órótt og ég má eigi mæla. Ég íhuga fyrir daga, löngu liðin ár.

Sálm:77:4-6

Bæn dagsins...

Lýðir skulu lofa þig, Guð, þig skulu allar þjóðir lofa. Jörðin hefur gefið ávöxt sinn, Guð, vor Guð, blessi oss, Guð blessi oss svo að öll endimörk jarðar megi óttast hann. Amen.

Sálm:67:6-7

Bæn dagsins...

Líf í ljósi Guðs

Og þetta er boðskapurinn sem við höfum heyrt af honum og boðum ykkur: ,,Guð er ljós og myrkur er alls ekki í honum. "Ef við segjum: ,,Við höfum samfélag við hann," og göngum þó í myrkrinu, þá ljúgum við og iðkun ekki sannleikann. En ef við göngum í ljósinu, eins og hann sjálfur er í ljósinu, þá höfum við samfélag hvert við annað og blóð Jesú, sonar hans, hreinsar okkur af allri synd.

Ef við segjum: ,,Við höfum ekki synd," þá blekkjum við sjálf okkur og sannleikurinn er ekki í okkur. Ef við játum syndir okkar, þá er hann trúr og réttlátur svo að hann fyrirgefur okkur syndirnar og hreinsar okkur af öllu ranglæti. Ef við segjum: ,,Við höfum ekki syndgað," þá gerum við hann að lygara og orð hans er ekki í okkur. Amen.

Fyrsta bréf Jóhannesar Hið Almenna:1:5-10

 

Bæn dagsins...

Orð lífsins

Efni vort er það sem var frá upphafi, það sem við höfum heyrt, það sem við höfum sér með augunum, það sem við horfðum á og hendurnar þreifuðu á, það er orð lífsins. Og lífið var opinberað og við höfum séð það og vottum um það og boðum ykkur lífið eilífa sem var hjá föðurnum og var opinberað okkur. Já, það sem við höfum séð og heyrt það boðum við ykkur einnig, til þess að þið getið líka haft samfélag við okkur. Og samfélag vort er við föðurinn og við son hans Jesú Krist. Þetta skrifum við til þess að fögnuður vor verði fullkominn. Amen.

Fyrsta bréf Jóhannesar Hið Almenna:1:1-4

Bæn dagsins...

Þú annast landið og vökvar það, fyllir það auðlegð. Lækur  Guðs er bakkafullur, þú sérð mönnum fyrir korni því að þannig hefur þú gert landið úr garði.

Sálm:65:10

 

Bæn dagsins...

Þegar Kristur, sem er líf ykkar, opinberast, þá munuð þið og ásamt honum opinberast í dýrð. amen.

kólossubréfið:3:4.

Bæn dagsins...

Minnstu hans á öllum vegum þínum, þá mun hann gera leiðir þínar greiðar.

Orðskviðirnir:3:6

Mannssonurinn mun koma í dýrð föður síns með englum sínum og þá mun hann gjalda sérhverjum eftir breytni hans.

matt:16:27

Bæn dagsins...

Ef við játum syndir okkar, þá er hann trúr og réttlátur svo að hann fyrirgefur okkur syndirnar og hreinsar okkur af öllu ranglæti. amen.

1 Jóhannesarbréf:1:9

 

Bæn dagsins...

    Frelsisbæn

Ég trúi því að Jesú Kristur hafi dáið fyrir mig á krossinum og að hann hafi risið upp frá dauðum. Jesús ég bið þig um að koma inn í hjarta mitt, á þessu augnabliki og frelsa mig frá öllum syndum mínum. Laugaðu mig í blóði þínu og fyrirgefðu mér sérhverja synd. Taktu völdin yfir hjarta mínu og hjálpaðu mér að þekkja og rata um vegu þína. Hjálpaðu mér að fylgja þér sem Drottni mínum og frelsara, fylltu mig af Heilögum Anda þínum. Himneski Faðir minn, ég þakka þér fyrir að ég er nú þitt barn vegna fyrirheita þinna, sem vara að eilífu. Í Jesú nafni amen.