orð í dag

Vér vitum, að Guðs sonur er kominn og hefur gefið oss skilning, til þess að vér þekkjum sannan Guð. Vér erum í hinum sanna Guði fyrir samfélag vort við son hans Jesú Krist. Hann er hinn sanni Guð og eilífa lífið.  Börnin mín, gætið yðar fyrir skurðgoðunum. 1.Jóh.5:20-21.

Amen

orð í dag

Og mundu eftir skapara þínum á unglingsárum þínum, áður en vondu dagarnir koma og þau árin nálgast, er þú segir um: ,,Mér líka þau ekki"  Préd. 12:1.

Amen

orð í dag

,,Sjá, ég kem eins og þjófur. Sæll er sá sem vakir og varðveitir klæði sín, til þess að hann gangi ekki nakinn um og menn sjái blygðun hans." Opinb.16:15.

Amen

orð í dag

Mínir sauðir heyra raust mína, og ég þekki þá, og þeir fylgja mér.  Ég gef þeim eilíft líf, og þeir skulu aldrei að eilífu glatast, og enginn skal slíta þá  úr hendi minni.  Faðir minn, sem hefur gefið mér þá, er meiri en allir, og enginn getur slitið þá úr hendi föðurins.  Ég og faðirinn erum eitt." Jóh.10:27-30.

Amen

orð í dag

Hver og einn sé kyrrí þeirri stöðu, sem hann var kallaður í 1.Kor.7:20.

Varst þú þræll, er þú varst kallaður? Set það ekki fyrir þig, en gjör þér gott úr því, en ef þú getur orðið frjáls, þá kjós það heldur. Því að sá þræll, sem kallaður er í Drottni, er frefsingi Drottins. Á sama hátt er sá, sem kallaður er sem frjáls, þræll Krists.  Þér eruð verði keyptir, verðið ekki þrælar manna.  Bræður, sérhver verði frammi fyrir Guði kyrr í þeirri stétt, sem hann var kallaður í. 1.Kor.7:21-24.

Amen

orð í dag

Ekki mun hver sá, sem við mig segir. Herra, herra, ganga inn í himnaríki, heldur sá einn, er gjörir vilja föður míns, sem er á himnum. Matt.7:21.

Margir munu segja við mig á þeim degi: ,Herra, herra, höfum vér ekki kennt í þínu nafni, rekið út illa anda í þínu nafni og gjört í þínu nafni mörg kraftaverk?  Þá mun ég votta þetta: ,Aldrei þekkti ég yður.  Farið frá mér illgjörðamenn. Matt.7:22-23.

Amen

orð í dag

En ég segi yður: Elskið óvini yðar, og biðjið fyrir þeim, sem ofsækja yður,  svo að þér reynist börn föður yðar á himnum, er lætur sól sína renna upp yfir vonda sem góða og rigna yfir réttláta sem rangláta. Matt.5:44-45.

Amen

orð í dag

Og ég segi yður: Biðjið, og yður mun gefast, leitið, og þér munuð finna, knýið á, og fyrir yður mun upp lokið verða.  Því að hver sá öðlast, sem biður, sá finnur, sem leitar, og fyrir þeim, sem á knýr, mun upp lokið verða.   Er nokkur sá faðir yðar á meðal, að hann gefi syni sínum, er biður um fisk, höggorm í staðinn, eða sporðdreka, ef hann biður um egg? Fyrst þér, sem eru vondir, hafið vit á að gefa börnum yðar góðar gjafir, hve miklu fremur mun þá faðirinn himneski gefa þeim heilagan anda, sem biðja hann." Lúk.11:9-13.

Amen

orð í dag.

Og ég heyrði raust mikla frá hásætinu, er sagði: ,,Sjá tjaldbúð Guðs er meðal mannanna og hann mun búa hjá þeim, og þeir munu vera fólk hans og Guð sjálfur mun vera hjá þeim, Guð þeirra.  Og hann mun þerra hvert tár af augum þeirra.  Og dauðinn mun ekki framar til vera, hvorki harmur né vein né kvöl er framar til.  Hið fyrra er farið." Opinb.21:3-4.

Amen

orð í dag

Því að Mannssonurinn er kominn að leita að hinu týnda og frelsa það."Lúk.19:10.

Guð gefi mér æðruleysi til að sætta mig við það, sem ég fæ ekki breytt, kjark til að breyta því, sem ég get breytt og vit til að greina það á milli.

Amen