BÆN

                                         Bænabók

                           Mánudagsmorgunn

Góði Guð.

Þakka þér fyrir nóttina sem þú gafst mér. Þakka þér fyrir að leyfa mér að vakna og lifa. Ég þakka þér fyrir, Drottinn, að þú gefur mér styrk til að takast á við vikuna sem er framundan og allt sem henni fylgir. Viltu hjálpa mér að líkjast þér í dag. Hjálpaðu mér að vera sú manneskja sem þú skapaðir mig til að verða. Verði þinn vilji í lífi mínu. Heilagur andi viltu fylla mig af þér og hjálpa mér að líkjast Jesú á allan hátt. Hjálpaðu mér, Drottinn, að vera góð/ur við alla sem ég hitti í dag og viltu láta ljósið þitt lýsa í mér. Jesú, ég bið þig að koma inn í hjarta mitt og fylla það af kærleika til allra manna. Ég bið þess líka að ríki þitt komi á jörðinni. Viltu, Drottinn, blessa landið mitt, heimilið mitt og alla sem mér þykir vænt um. Frelsaðu okkur frá öllu illu og hjálpaðu okkur að vera tilbúin að mæta þér. Í Jesú nafni, amen.

Athugasemdir

[Aida., 24.2.2009 kl. 07:59]

Amen,amen. Verði svo í Jesú nafni.Amen.

Hjartans kveðjur til þin.

[Gunnlaugur Halldór Halldórsson, 24.2.2009 kl. 13:46]

Takk takk.Amen. Aida

kær kveðja Gulli Dóri