Bæn kvöldsins.

Óttist aðeins Drottin og þjónið

honum trúlega af öllu hjarta yðar,

því sjáið, hversu mikið hann hefir 

fyrir yður gjört.

1.Sam.12:24

Speki Salómons.

Speki Salómons

Guð heyrir orð vor

Spekin er andi sem elskar menn og lætur orðum lastarans ekki óhegnt. Guð er vitni þess sem bærist með manninum, vakir yfir hjarta hans og hlýðir á það sem hann mælir. Andi Drottins fyllir alla heimsbyggðina, hann heldur öllu í skorðum og nemur hvert hljóð. Þess vegna getur enginn dulist sem fer með ranglátt mál né vikist undan réttlætisdómi hans. Vélráð hins óguðlega munu rannsökuð, orð hans munu berast Drottni og sanna misgjörðir hans. Því að Drottinn hlustar eftir öllu með vandlæti, minnsti kurr fer ekki fram hjá honum. Varist því ónytsamt högl og gætið þess að mæla ekki öðrum á bak. Það sem sagt er í leyndum dregur dilk á eftir sér og lyginn munnur tortímir sálinni. 1:6-11.

Nahúm.

Drottinn er góður, athvarf á degi

neyðarinnar, og hann þekkir þá, sem 

treysta honum

 Nahúm 1:7

Speki Salómons.

Speki Salómons

Réttlætið leiðir til ódauðleika

Elskið réttlætið, þér sem drottnið á jörðu. Hugsið til Drottins af alúð og leitið hans af einlægu hjarta. Hann lætur þá finna sig sem freista hans ekki  og hann birtist þeim sem vantreysta honum ekki. Rangar hugsanir fjarlægja menn Guði og máttur hans afhjúpar heimsku þeirra sem freista hans. Spekin kemst ekki inn í þá sál sem illt smíðar og tekur sér ekki bústað í líkama sem ofurseldur er synd. Því að heilagur andi, sem menntar, flýr svik  og forðast ráðabrugg fávísra; þegar ranglætið nálgast afhjúpar hann sig. 1:1-5

Bæn dagsins.

Vér erum því erindrekar Krists, eins og það væri Guð, sem áminnti, þegar vér áminnum. Vér biðjum í Krists stað: Látið sættast við Guð. 2.Kor.5:20