Bæn dagsins

Ég held fast við fyrirmæli þín, Drottinn,lát mig eigi verða til skammar. Ég vil skunda veg boða þinna því að þú hefur dýpkað skilning minn. Amen.

Sálm:119:31-32

Bæn dagsins

Lát veg lyginnar vera fjarri mér og kenn mér af gæsku þinni. Ég hef valið veg sannleikans og hef ákvæði þín fyrir augum.Amen.

Sálm:119:29-30

Bæn dagsins

Ég sagði þér frá breytni minni og þú svaraðir mér, kenn mér lög þín. Lát mig skilja veg fyrirmæla þinna, að ég megi íhuga dásemdir þínar. Sál mín tárast af trega, reis mig upp eins og þú hefur heitið. Amen.

Sálm:119:26-28

Bæn dagsins

Sál mín loðir við duftið, lát mig lífi halda eftir orði þínu. Amen.

Sálm:119:25

Bæn dagsins

Þótt höfðingjar sitji og taki saman ráð sín gegn mér íhugar þjónn þinn lög þín. Já fyrirmæli þín eru unun mín, boð þín ráðgjafar mínir. Amen.

sálm:119:23-24

Bæn dagsins

Ég tærist sífellt af þrá eftir ákvæðum laga þinna. þú hefur ógnað hrokafullum, þeim bölvuðu sem víkja frá boðum þínum. Léttu af mér háðung og skömm því að ég hef haldið fyrirmæli þín. Amen.

Sálm:119:20-22

Bæn dagsins

Ljúk upp augum mínum svo að ég sjái dásemdirnar í lögmáli þínu. Ég er gestur á jörðinni, dyl eigi boð því fyrir mér.Amen.

Sálm:119:18-19

Bæn dagsins

Ég leita unaðar í lögmáli þínu, gleymi eigi orði þínu. Ger vel til þjóns þíns svo að ég lifi og megi halda orð þín. Amen.

Sálm:119:16-17

Bæn dagsins

Ég gleðst yfir vegi laga þinna eins og yfir gnótt auðæfa. Ég vil íhuga fyrirmæli þín og gefa gaum að vegum þínum. Amen.

Sálm:119:14-15

Bæn dagsins

Lofaður sért þú, Drottinn, kenn mér lög þín. Með vörum mínum tel ég upp öll ákvæði munns þíns. Amen.

Sálm:119:12-13

Bæn dagsins

Ég leita því af öllu hjarta, lát mig eigi villast frá boðum þínum. Ég geymi orð því í hjarta mínu svo að ég syndgi ekki gegn þér. Amen. Sálm:119:10-11

bæn dagsins

Með hverju getur ungur maður haldið vegi sinum hreinum? Með þvi að gefa gaum að orði þinu.Amen. Salm:119:9

Bæn dagsins

Hróp mitt nálgist auglit þitt, Drottinn, veit mér skilning samkvæmt orði þínu. Grátbeini mín komi fyrir auglit þitt, frelsa mig eins og þú hefur heitið. Amen.

Sálm:119:169-170

Bæn dagsins

Hlýð, Guð, á bæn mína, fel þig þegar ég sárbæni þig. Hlusta og svara mér, ég er órór og kveina, skelfingu lostinn yfir hrópum óvinarins, ásókn hins óguðlega, því að þeir steypa yfir mig ógæfu og ofsækja mig grimmilega. Hjartað berst ákaft í brjósti mér, dauðans angist kemur yfir mig Amen.

Sálm:55:2-5

Bæn dagsins

Þeir sem af lifa á Síon og þeir, sem eftir verða í Jerúsalem, verða nefndir heilagir, allir sem skráðir eru til lífsins í Jerúsalem. Þegar Drottinn hefur þvegið óhreinindin af Síonardætrum með dóms- og hreinsunaranda, þá skapar Drottinn ský um daga og rjúkandi og bjartan eldsloga um nætur yfir öllu Síonarfjalli þeim sem þar safnast saman. því að yfir allri dýrðinni verður hlíf. Laufþak mun veita forsælu í hita dagsins og hæli og skjól í stormi og regni. Amen.

Jesaja 3:3-6

Bæn dagsins

Á þeim degi verður kvistur Drottins fagur og vegsamlegur og ávöxtur landsins stolt og vegsemd þeirra í Ísrael sem af komast. Amen.

Jesaja:3:2.

Bæn dagsins

Sjö konur munu þrífa í sama mann á þeim degi og segja: ,,Vér skulum sjálfar fæða oss og klæða, leyf oss aðeins að bera nafn þitt, tak smánina frá oss." Amen.

Jesaja:4:1

Bæn dagsins

Sæll er sá er afbrotin eru fyrirgefin, synd hans hulin. Sæll er sá maður sem Drottinn tilreiknar ekki misgjörð og ekki geymir svik í anda.Amen.

Sálm:32:1-2

Bæn dagsins

Drottinn, Guð vor, hversu dýrlegt er nafn þitt um alla jörðina. Þú breiðir ljóma þinn yfir himininn.Amen.

Sálm:8:2

Bæn dagsins

Bein er braut hins réttláta, þú jafnar veg hans. Vér væntum leiðsagnar dóma þinna, Drottinn, þráum heils hugar nafn þitt og lofstír. Ég þrái þig um nætur, andi minn leitar þín að morgni. Amen.

Jesaja 26:7-9